المرافق و اعمال الشبكات في شمال الرحاب – North Rehab

.

.

احنا من يوم ما خلصنا التجهيزات العداد الانشائي منتهي العبث مع الجهات
١- إدارة الكهرباء و تصاريحها
٢- شركة الغاز
٣-الطرق
٤- المصرية للاتصالات
٥- شركة المياه
المعقب علي المعاملات طلع عينه

كل ده عشان كهرباء انشائي كل يوم بيألفوا إداريات تزيد معوقات العمل في الشروق بتروح الطرق بتدفع تأمين و خلصنا الا الجهاز الغريب كأنهم كل إدارة مخاصمة اختها وانت بتروح كعب داير عشان تخلص
منتهي العبث

دردشه بعد منتصف الليل ..
يمكن هقول كلام لاول مره عشان الناس تفهم ما يدور بالكواليس بمناسبة استلام اراضي النرجس بالتجمع الخامس .. وهقول الهدف من البوست ايه .. بس خلونا نشرح الاول الحكايه .. والحكايه والطبيعي تقول ان استلام النرجس من اختصاص التجمع التالت وكل اواراق الارض هناك بالفعل من الاساس لان الارض تقع في اختصاصات التجمع التالت ونطاقه .. لكن حاولت قدر استطاعتي ان لا نذهب الي هناك ولا نستلم في هذه الظروف الحرجه بظروف الكورونا لان جهاز التجمع التالت اوضه وصاله وصعب اننا نروح نستلم هناك واقنعنا المسؤلين بذلك وتمت الموافقه والحمد لله وتم الترتيب لذلك للاستلام بمكتبنا مكتب خدمات العاملين بالخارج بالتجمع الخامس ..وموظفيه المدربون علي كل شئ … لكن كانت اضراره علي مكتب خدمات بيت الوطن كثيره ..
1- المكتب يعمل بكامل طاقته في ظروف الكورونا وجميع الاجهزه الاخري تعمل بنصف طاقتها فقط ..
2- موظف واحد يمثل العقاريه والاستلام وحساب الاقساط ويستقبل كل يوم 90 حاله .. الاستاذ احمد سمير وهو الموظف الوحيد اللي تليفونه الشخصي مع الحاجزين ولا يتاخر عن احد مع العلم احد الاخوه لاحد الحاجزين حضر لافتعال مشكله لعدم رد احمد سمير علي الواتس علي اخوه واحمد سمير غير مجبر انه يرد وكمان من 9 الي 3 عصرا حتي مش فاضي يهرش .. ولما بيكون فاضي بيرد ..
3- الموظفين محبطين من الحاجزين لان منهم لا يقدر ولا يفهم ان ده مش شغل موظفين الخامس انه يسلم اراضي النرجس ..
4- حاله من اللوم يوميا علي فكرة تسليم النرجس بالتجمع الخامس وكل يوم واحد من الوظفين يقولي انت السبب لدرجة اني بقيت اضايق وازعل وبصراحه احيانا بسيب المكان وامشي ..
5- مكتب العاملين بالخارج به اكثر من حاله مصابه بكورونا فالمفروض نساعد بعض ونتخد الاجراءات الوقائيه للحفاظ علي سلامة الجميع وعدم الزحام لان فيه ارقام وبالدور ..

والله شاهد اني لا اكذب في حرف مما كتبته بل بالعكس الكلام كثير بس كفايه شرح للوصول لهدف البوست وهو وما ارجوه من الجميع الحفاظ علي الهدوء واتخاذ الحيطه والحذر وارتداء الكمامه وعدم الاختلاط وتقدير ان الموظف يعمل لخدمته في صميم عمله ولكن مبيشتغلش عنده ومش كل شويه واحد جاي يعلي صوته بسبب او بدون سبب فده مش صح .. وبالنهايه نشكر المهندس اشرف الجمال وفريق عمله علي المجهود الكبير المبذول لخدمة الحاجزين والمهندس اشرف لا يتواني في خدمة احد… ورجاء محدش يروح غير في موعده بس لانه كده هيخبط مشوار علي الفاضي .. لان معلومات الاستلام مبتنزلش علي السيستم غير يوم بيوم .. شكرا جزيلا

.

يا ريت محدش يروح يستلم بكره الا لما يصلحو السيستم ونديكم علم ونرجع لمبني خدمة العاملين بالخارج .. دا احنا حاربنا عشان نستلم النرجس بالتجمع الخامس ..

.

السلام عليكم /هل مساحة الاراضي المستلمه في النرجس فيها أي تغيير عن المساحات في جداول المرحله.وهل موضوع توحيد الواجهات لكل حرف من اشتراطات اصدار رخصة البناء في النرجس؟

.

السلام عليكم، استلمت قطعتي في الحي الاول من سنين، مافيهاش مصدر مياه او كابل كهربا هل ده سبب اقدر اغير تاريخ الاستلام علشانه

.

?‍♂️?‍♂️?‍♂️ الله اعلم ، اسعار مرحله 8 ،، تسريبات

.

تفعيل قرار التعلية ….
أكد المهندس علاء عبد العزيز، رئيس جهاز مدينة القاهرة الجديدة، أنه من المقرر أن يتم تفعيل قرار تعلية المبانى فى القاهرة الجديدة مقابل دفع مبالغ مالية اعتبارًا من الشهر المقبل.
وأضاف المهندس علاء عبد العزيز، فى تصريح خاص لـ”اليوم السابع”، أن لجنة التسعير بهيئة المجتمعات العمرانية تدرس حاليًا قيمة المبالغ المالية المقرر دفعها نظير الموافقة على التعلية.
وأوضح، أن المقترح المتوقع الموافقة عليه ينص على الآتى “قيمة المتر الحالي + قيمة المتر عند الشراء مقسومين على ٢ فى ربع فى إجمالي المسطح”، لافتًا إلى أن القرار القديم كان ينص على دفع نحو ٢٥٪ من قيمة المساحة المراد البناء عليها.
وأشار إلى أن الجهاز بدأ فى تلقى طلبات المواطنين الراغبين فى التعلية، من أجل الموافقة عليها فور تفعيل قرار هيئة المجتمعات العمرانية في المدن الجديدة.
كان مجلس إدارة هيئة المجتمعات العمرانية قد وافق على السماح للمواطنين في التعلية دور أو اثنين، بالإضافة للمسموح به في قرار التخصيص بالمدن الحديدة، وذلك مقابل دفع مبالغ مالية مقابل التعلية.

.