#هام
#بيت_الوطن

تردد في الايام الاخيرة أن صاحب صفحة خبر ومعلومة يتقاضي فلوس لمساعدته المغتربين في حل مشكلة تخص تأخير الاسترداد أو مساعدة في تخصيص قطعة أرض في مشروع بيت الوطن .

يشهد الله أنني لم أتقاضي يوما جنيه واحد في مساعدة اي مغترب في حجز قطعة ارض أو مساعدته في أيصال مشكلته للقائمين علي المشروع

المساعدة كانت مجانا لوجه الله تعالي

والحمد لله توفيق من ربنا أنني وفقت في مساعدة ناس كتيرة في أسترداد مقدمات الحجز في المرحلة العاشرة شقق ، وكذلك في مساعدتهم في مشاكل التخصيص علي الموقع .

وموجود معانا ناس كتيرة ساعدتهم لوجه الله

مشروع بيت الوطن مشروع قومي في أدخال عملة صعبة للدولة منذ بدء المشروع
ولهذا كان واجب عليا المساعدة في اي مصدر يكون سبب في أدخال الدولارات للبلد ،
وكذلك مساعدة المغتربين في الاستفادة من هذا المشروع سواء بتخصيص شقة أو قطعة أرض

مع العلم بوجود مشاكل في أي طرح وبنحاول نعرضها علي الصفحة ، لعل وعسي يكون معانا مسئول متابع في الصفحة .

وفي النهاية

أنا لا أسجل أكونتات بمقابل مادي
ولا أتقاضي أي أموال في المساعدة في أختيار قطعة أرض
ولا أتقاضي أي أموال في عرض مشاكل المواطنين علي الصفحة نهائيا

بالتوفيق للمتقدمين في المرحلة ال ١١

خبر ومعلومة من وزارة الإسكان

.

#ظلال

رسائل من بنك التعمير والاسكان للحاجزين في مشروع ظلال من منصة مصر العقارية

خبر ومعلومة من وزارة الإسكان

.

جولةً وزيرة الاسكان اليوم في الحي السكني الثالث ( R3 )
بالعاصمة الادارية الجديدة

يرافقها في الجولة
د / وليد عباس نائب الوزيرة للمجتمعات العمرانية
والمهندس / احمد عمران نائب الوزيرة للمرافق
والمهندسة / مروة حسين رئيسة جهاز العاصمة

تفاصيل الجولة في أول تعليق 👇👇

.

#سحب

اللي عنده قطعة أرض في أمتداد النرجس بمدينة القاهرة الجديدة يروح يسأل علي موقفها من السحب

اللي عليه قسطين أو أكثر قطعته صدر لها قرار سحب

#قولنا كتيررررررررر

محدش يترك قسطين مستحقين عليه سواء أرض أو شقة
لانك بتكون معرض في أي لحظة لاصدار قرار سحب والغاء التخصيص 👌

خبر ومعلومة من وزارة الإسكان
وزارة الإسكان والمرافق والمجتمعات العمرانية

.

ما شاء الله ❤️❤️

الاسكان الاجتماعي الاخضر بمدينة حدائق العاصمة

خبر ومعلومة من وزارة الإسكان

.

كل عام وحضراتكم بخير

عيد مبارك عليكم جميعا ❤️

خبر ومعلومة من وزارة الإسكان

.

#رسائل_المتابعين

فريق عمل مبادرة بيتك في مصر

حتي الان لم يتم رد مقدمات الحجز للمتقدمين في الطرح السابق للمبادرة

لماذا لم يتم الانتهاء من طلبات الاستردادت حتي الان ؟

مبادرة بيتك في مصر “اختار عنوانك”
خبر ومعلومة من وزارة الإسكان
وزارة الإسكان والمرافق والمجتمعات العمرانية

.

مشروع ديارنا بمدينة القاهرة الجديدة

#موقف تنفيذ المشروع الآن

ويعتبر من المشاريع المميزة في الوقت الحالي بمدينة القاهرة الجديدة بعد مشروع ظلال

جهاز تنمية مدينة القاهرة الجديدة New Cairo city
خبر ومعلومة من وزارة الإسكان

.

٣ طلبات أتمني

نشوفهم علي مكتب الوزيرة م/ راندة المنشاوي

الطلب الاول :

حتي الان فيه مشكلة مع بعض المغتربين المشتركين في مبادرة ( بيتك في مصر ) حتي الان لم يتم أسترداد مقدمات الحجز للطرح السابق ، وبالفعل قدموا طلبات استرداد علي الموقع وحتي الان لم يتم رد فلوسهم .
ومنهم من طلب ألغاء تخصيص الوحدة وخصم ال ٥٠٠ دولار ، ورد الباقي علي حساباتهم المحول منها مقدم الحجز .

#هل ممكن تنويه علي الموقع او الصفحة الرسمية للمبادرة علي فتح استقبال الشكاوي لمدة يومين بخصوص هذه المشكلة والعمل علي حلها من فريق العمل

****** خبر ومعلومة من وزارة الاسكان **********

#الطلب الثاني :

حتي الان يوجد مشكلة مع بعض المتقدمين في طرح الشقق علي منصة مصر العقارية لم يستردوا مقدمات حجزهم بسبب أخطاء في الايبان المسجل علي المنصة

#هل ممكن نشوف طريقة لتواصل هؤلاء المواطنين لحل مشكلة الاسترداد الخاصة بهم ؟

****** خبر ومعلومة من وزارة الاسكان ***********

#الطلب الثالث والاخير 👇👇

حتي الان يوجد مشكلة مع بعض المواطنين الذين تقدموا لحجز أراضي علي موقع مسكن ( الطرح السادس ) ولم يستردوا مقدمات حجزهم ،مع العلم أن القرعة تم أجراؤها في شهر ديسمبر الماضي .

#هل نقدر نوفر وسيلة تواصل هؤلاء المواطنين مع فريق عمل موقع مسكن لبحث مشكلتهم وحلها برد أموالهم

هل نجد أستجابة من الوزيرة لهذه المشاكل وحلها سريعا
ولدينا ثقة كبيرة فيها أنها ستضيف الي الوزارة ان شاء الله

هذه المشاكل أصحابها لا يجدون بابا لطرقه لاستقبال شكواهم .

وزارة الإسكان والمرافق والمجتمعات العمرانية
خبر ومعلومة من وزارة الإسكان
مبادرة بيتك في مصر “اختار عنوانك”
منصة مصر العقارية الرسمية

.

#رسميا
اليوم الأحد ١٥ / ٣ بدء أستقبال حوالات من المغتربين بالخارج للتقديم في المرحلة ( ١١ ) في مشروع بيت الوطن

👈🏽 الحوالات اللي سيتم تحويلها بداية من ١٥ / ٣ الي ١ / ٥ هتكون رصيد ليك لدي الهيئة حتي الاعلان عن موعد أخر لبدء استقبال تحويلات جديدة التي سيتم أخذ عليها الترتيب اللي هيكون تخصيص قطع الاراضي بناءا علي هذا الترتيب .

👈🏽 سيتم تحديث الموقع بعد ١ مايو بقطع الأراضي ومقدمات الحجز والمدن اللي سيتم طرح فيها ال ٣٦٠٠ قطعة أرض .
وسيكون متاح لك انك تحول تاني لو كانت حوالتك اللي حولتها في المهلة السابقة ال ٤٥ يوم إذا كانت مقدم الحجز اكبر من المبلغ اللي حولته سابقا .

👈🏽 بعد ذلك سيحدد موعد لتحويل مبلغ يسمي ( التنشيطية )
بناءا علي هذا التحويل هاتعرف ترتيب كام من الآلاف اللي بتقدم ، ووارد جدا يكون ترتيبك في الاول , ووارد يكون ترتيبك متأخر

👈🏽 التخصيص بيكون بأولوية وصول الحوالة ( التنشيطية ) لحساب الهيئة في البنك المركزي.

👈🏽 بعد أنتهاء فترة التحويلات المحددة في كراسة الشروط , بيتم أرسال البنك المركزي كشف بالحوالات اللي دخلت الحساب في هذه الفترة ويبدأ بعد ذلك فريق العمل في مشروع بيت الوطن بتجهيز هذا الكشف وأرسال الترتيب للحاجزين عبر الايميل المسجل بالموقع

👈🏽 بعد ذلك سيحدد علي الموقع تنويه البدء في تخصيص القطع طبقا للترتيب اللي جالك علي الايميل .

👈🏽 علشان لا تتورط في هذا الأمر بناءا علي معلومات ناقصة بتشوفها علي الصفحات وتحول مقدم الحجز دلوقتي وبعد كده تتفاجأ أن الأسعار غالية جدا او المدينة اللي كان نفسك تقدم فيها غير موجودة ضمن ال ٣٦٠٠ قطعة أرض . وتكون حولت مبلغ في الفترة من ١٥ مارس الي ١ مايو وقررت تتراجع ومش تكمل ،
حابب اقولك انك هتعاني شويتين علشان تسترد المبلغ اللي حولته ، لانه مبيكونش فيه استرداد الا بعد نهاية المرحلة
أمتي تخلص المرحلة الله أعلم .

#نصيحة

( لا تستعجل في التحويل الآن )
أفهم الاول وأسأل كتير وبعد كده قرر تقدم ولا لا

مفيش أي أولوية نهائيا في التحويل حاليا ، ما هي إلا ميزة فقط انك بتحول مبلغ علي أجزاء ويكون رصيد لك علشان مشاكل الليمت في البنوك في الدول العربية

لا تستعجل وذاكر كويس علشان بعد كده منشوفش شكاوي أن فلوسي مرجعتش .

#عايزين طروحات شقق وأراضي بدون شكاوي

الايام القادمة هنتكلم كتير عن المرحلة ال ١١ لمشروع بيت الوطن

نلتقي في مرة أخرى وشرح باستفاضة لهذة المرحلة

#بيت_الوطن
#المرحلة_11
خبر ومعلومة من وزارة الإسكان
وزارة الإسكان والمرافق والمجتمعات العمرانية

.