صباح الخير ..
لحد امتي هنفضل ساكتين !!
والموضوع الشاغل للجميع هو تراخيص جهاز القاهره الجديده والمصايب اللي حاصله فيه يعني لو روحت تعمل رخصه تكره عيشتك وتكره اليوم اللي اتولدت فيه والرخصه بتاخد 8 شهور وده لو طلعت وديما الكوارث بتيجي مع كل رئيس جهاز بيتعين ويقعد في مكتبه ومش فاهم اي شئ عن الواقع غير انه يلف لفتين الصبح بالمدينه وينشر شوية صور وخلاص عشان يرسم طريق للمقعد القادم بالهيئه بعد ما يجيب الناس اللي تبعه ويحطهم نواب وبمراكز اخري الي جواره لسنده في مكانه الجديد .. فلو تحدثنا عن الرئيس الحالي وتم مقارنته بما قبله ستجد لا مقارنه بينه وبين المهندس امين غنيم لان المهندس امين علي الاقل كان بيسمع ويحل ويحاول لكن الجديد ولا عارف حاجه ولو روحتله يعلي صوته ويزعقلك ويحلفلك كمان يمين طلاق ان الرخصه بتاخد واحد وعشرين يوم والباشا بيحلم لان مديريه هم من يأكدون له هذه المقوله ولو سعادته نزل هيلاقي ان كل مهندس بيدي مواعيد مراجعه بابشهر وال 45 يوم كمان وكل مهندس مع نفسه وكل واحد بيشتكي من زحمة الشغل وكثرته وعشان يهرب من رئيس الجهاز يجي يوم 21 رافض البوكس باي سبب ولف ودوران والكارثه موجود مهندسات بتيجي يومين بس وايام بتغيبهم .. واللي باجازه مرضي او حمل او رضاعه مش مهم الشغل اللي عندها علي ما ترجع باذن الله ولو اشتكيت نهارك منيل بستين نيله هيزعلو منك وهتتحط بلاك لست وشغلك كده خلاص وقف وانسي ان شغلك يمشي طيب وبعدين والي متي والحل ايه في اكبر جهاز بهيئة المجتمعات العمرانيه وذنب الناس ايه وكلام كتير جدا .. والكارثه ان الجهاز موجود فيه عتاوله وناس فاهمه وواعيه ونقلوهم الي اقسام اخري بالجهاز وجابو الموجودين الان لذلك بنحاول ننفس اهو ونتكلم يمكن يكون عندكم ريحة شمم وحس بالناس ولم نخاطب الدكتور وليد عباس الي الان ولا مكتب السيد الوزير لانه هيكون بالمستندات والاوراق لان الفشل ذريع بكل اقسام الجهاز .. الناس لازم تفهم اني لم اذكر اسم شخص ولا جبت سيرة حد من المهندسين والمهندسات والنواب ومديري الافرع لاني لو ذكرت هتكلم عن كل واحد باسمه وايه الحاصل معاه وبيعمل ايه .. بس حابب اقول للناس القديمه من المهندسين القدام اللي اتشالو اننا عرفنا قيمة امنا فعلا لما شوفنا مرات ابونا .. والاسبوع القادم هنشر بالاسماء والمستندات والجرايد والصحف جاهزه للنشر والبلد مش مستحمله لانكم بتعطلو عجلة الانتاج ودولتنا محتاجه مجهودنا ومحتاجه ناس بتدور علي مصالح البلد والمواطن فكفايه غليان .. شكرا

.

صباح الخير ..
الناس اللي معملتش تراخيص وسايبه الارض تعدي عليها المهله الخمس سنوات اعرف ان السيستم هيقفل عليك في نهاية الخمس سنوات حتي لو ماشي بأجراءات الرخصه وهتبقي في حيره من امرك ..

.