وافق مجلس الوزراء على مشروع قرار بإصدار اللائحة التنفيذية للقانون رقم (17 لسنة 2019)، بشأن التصالح في بعض مخالفات البناء وتقنين أوضاعها.

وتضمن مشروع اللائحة التنفيذية في مواده توضيحًا لبعض أحكام القانون، بما يُيسر على المتعاملين من المواطنين، وكافة الجهات المعنية بالتطبيق، وكذا تحديد فئات رسم الفحص والمستندات المطلوبة، بالإضافة إلى تحديد آلية عمل كافة اللجان المنصوص عليها بالقانون ودور الجهة الإدارية المختصة، ومختلف الإجراءات التي سيتم اتخاذها بخصوص طلبات التصالح وتقنين الأوضاع

1- بمجرد بدء تطبيق القانون سيتعين على المواطن صاحب المخالفة التقدم بطلب للتصالح.

2- يمكن للمواطن الحصول على نموذج طلب التصالح من خلال الوحدات المحلية في المحافظات.

3- يسدد المواطن نظير طلب التصالح رسومًا مالية تتراوح من 500 إلى 1000 جنيه.

4- يشترط لقبول طلب التصالح مبدئيًا أن يكون مستوفيًا كافة المعلومات عن المبنى محل المخالفة.

5- بعد تقديم الطلب وقبوله تتولى لجنة السلامة الإنشائية فحصه.

6- تعد لجنة السلامة الإنشائية تقريرًا حول مدى صلاحية المبنى الإنشائية من عدمه.

7- إذا تبين أن المبنى غير مطابق لمواصفات السلامة الإنشائية، فلن يقبل طلب التصالح في المخالفة الخاصة به.

8- إذا أفاد تقرير لجنة السلامة الإنشائية بسلامة المبنى محل المخالفة وصلاحيته للسكن، تبدأ لجنة التقييم في نظر طلب التصالح المقدم من المواطن بشكل أولي.

9- يشترط لقبول التصالح تشطيب الواجهات الخارجية للمنازل محل المخالفة.

10- تتولى لجنة التقييم تحديد المبالغ المطلوبة نظير التصالح على المتر الواحد وذلك حسب المنطقة وتتراوح قيمة الغرامة من 50 جنيهًا وحتى 2000 جنيه للمتر الواحد.

11- تشكل لجان التصالح فرق عمل للمرور الميداني على الأماكن مقر المخالفات للقيام بأعمال القياسات ورفع المساحة المخالفة.

12- بعد الانتهاء من الزيارات الميدانية تصدر لجان التصالح قيمة الغرامة على المتر لكل مخالفة وكذلك إجمالي قيمة الغرامة على المخالفة.

13- بعد تحديد إجمالي قيمة الغرامة على المواطن يتم دفعها والحصول على ما يفيد بإتمام التصالح بنجاح مع الدولة.

14- إذا نجح التصالح مع الحكومة يمكن للمواطن وقف أي قضايا منظورة أمام المحاكم بمجرد تقديم ما يفيد التصالح في المخالفة محل الدعوى.

15- يكون التصالح بمثابة ترخيص لكل الأعمال المخالفة التي تم ارتكابها من قبل المواطنين.

.

اي حد عنده رخصه ومدفعش رسوم الدفاع المدنى يجري بسرعه يدفعها الرسوم هتتغير وهتبقي علي المتر المربع وبالصلاة علي النبي كده بدل مكنا بندفع 11000 هندفع بعد كده فوق الاربعين الف يعني اي رخصه هتتعمل هتعدي ال 100 الف جنية .. ☹️

.

.

السلام عليكم
دلوقت الجهاز عمل حاجه غريبه آوي وإللي عنده تفسير للموضوع ده ياريت يعرفنا
دلوقت أنا شاري قطعة الارض ولتكن ب 200 الف دولار
الطبيعي والمنطقي في أخطار التخصيص يكتب لي الفلوس إللي أنا دفعتها
يكتب ليا إني دافع 200 الف دولار أظن ده ابسط حقوقي

يقوم الجهاز بقا ف أخطار التخصيص عامل حركه أغرب من الخيال
يجي يقوم كاتب ف أخطار التخصيص إنك دفعت مليون ونص جنيه
إزاي بقا
بص ياسيدي ع الحسابات
الجهاز يشوف مبلغ التثبيت بتاعك وقت ما اشتريت القطعه كان كام كان 7.83 يقوم ضاربه ف الدولارات إللي أنتا دفعتها وقت التثبيت ده كمان ع أساس يعني إنك دفعت كل الفلوس مره وآحده ساعة التثبيت ???
يعني مش بيجي حتي يضرب المقدم في 7.83 ويجي ع باقي الاقساط يضرب كل قسط بالدولار فيما يقابله بالمصري وقت سداد القسط
ده أضعف الايمان حتي وده برده فيه ظلم كبير
وغير مقبول

لا الجهاز يجي يضرب المبلغ كله في 7.83
طب أنا حتي ما دفعتش غير المقدم بس لما كان الدولار ب 7.83
وباقي الاقساط كان الدولار ب 18 وحتي 30
قمة الظلم والقهر والاستبداد

يعني ارض ب 13 مليون جنيه
مكتوب إني دافع فيها مليون ونص

هيجي حد دلوقت يقولي مابتتحسبش كده أو أنتا هتستفيد أي
لما الجهاز يكتبلك إنك دافع 200 الف
وهيجي واحد تالت يقولك حتي لو نويت تبيعها الفلوس إللي ف أخطار التخصيص دي مش بتفرق ف البيع
البيع بيبقا ع حسب إللي ماشي ف أسعار المنطقه وقت البيع
عشان أنا عارف بعض الردود

هقوله ياسيدي ده حقي أنا بطالب بحقى أنا دفعت مبلغ أنا حقي الطبيعي المبلغ إللي دفعته يتكتب زي ما دفعته
وإللي بيسألني هتفرق معاك في إيه أنا بسأل برده هيا هتفرق مع الجهاز إيه

ليه تكتب ليا إني دافع مليون ونص أنا حقي تكتب ليا إللي أنا دفعته
ياسيدي ماتكتبليش إنهم 13 مليون جنيه بس اكتبلي إنهم 200 الف دولار أنا مسلمك 200 الف دولار أنا عاوزك تكتب إني سلمتك 200 الف دولار حتي لو الدولار بقا ب 2 جنيه أنا عاوزك
تكتبلي 200 الف دولار إللي دفعتهم
هل انا اديت مليون ونص جنيه للجهاز تمن الارض والجهاز خدهم مني

أنا عاوز أعرف بأي منطق تغير الفلوس إللي أنا دفعتها لمبلغ مغاير تماما للمدفوع
لا فيه شرع ولا دين في الدنيا كلها يقول كده

.

وصلني حالا ???
لجنة الشئون الاقتصادية بمجلس النواب تناقش مشكلة المغتربين مع وزارة الإسكان في بيت الوطن فيما يخص المرحله التاسعه و التأخير المتعمد في التكميليه و ،،،،،، الخبر في التعليقات

.

جالي ايميل !! مجاليش ايميل !! ترتيبي فين !! .. ?

مساء الخير .. خلونا نتكلم شويه بعقل ورويه لنصل الي نتيجه المفيد فيها اللي هقوله وكلام علي قدر فهمي بعمل الهيئه ..
خلينا نبدأ الحكايه من الاول ان كل الحوالات اللي بتصل للبنك المركزي بيبعتوها للهيئه في شوال كبير كده او ذكيبه بالبلدي . حد عارف الذكيبه !! ومعني كلامي هنا كل حاجه ان البنك المركزي بيبعت للهيئه عشان ميطعطلوش في عمل ملفات للحاجزين وتجهيز الاوراق ومينتظروش لبعد اقفال المرحله ويبقي كله جاهز علي كشف الترتيبات والتوزيع مباشرة .. فالحاصل ان فيه مجموعه كبيره من الموظفين قائمون علي حصر كل شئ وكل واحد اخدله من الذكيبه شوية ورق بيشتغل عليهم سواء بترتيب او غير ترتيب ولكن هناك مجموعه كبيره بالهيئه قائمه علي حصر كل شئ ومنهم محمود وعلي وصلاح وحسين وفوزي وابراهيم ويسريه ? وكل دول بينهم فروق فرديه في العمل فمنهم ابو تريكه ومنهم محمد صلاح ومنهم طارق حامد ومنهم محمد شريف لذلك لازم نفهم ان غياب واحد فيهم او مرض فعمله مؤجل لحين قدومه ومنهم من هو بطئ في المراجعه فلازم نفهم ان مش كل واحد راحله ايميل يبقي دوره في الاول او بالاخير ولكن الترتيب من البنك المركزي مباشرة وبعد اقفال الحجز .. وايضا هناك من الاشخاص بيانتهم كامله وسليمه ومش محتاجه ايميل عشان كده مرحلوش وعندما نشرت بوست سابق وقلت لازم نبعت ايميل بالمستندات كان لمساغدة هؤلاء في المراجعه وحل بعض مشاكل الموقع خصوصا بالمقابر فيا ريت نهدا ونفهم ان الحاصل ليس لخبطه ولا ترتيب ابدا ونطمن ان باذن الله خيرا خيرا بس الصبر لان فيه ناس مبتنمش وفيه ناس بتفرك وناس طول النهار اتصالات هنا وهناك وكاننا اول مره ناخد ارض والهيئه فاهمه كل التفاصيل وعارفه ان الكل بيتاجر واللي بيسمسر والمظلوم الوحيد اللي داخل اول مره وعامل زي الاطرش في الزفه وده ربنا هيكرمه باذن الله فالهدوء الهدوء والصبر لبعد اقفال المرحله والبركه تنشف وتبان القراميط .. والتعلب فات فات وفي ديله سبع لفات .. وسلفل ?

.

.

.