صباح الخير .. تم تعديل البوست واضافة رد من جهاز القاهره باخر البوست شكرا مهندس محمود مجدي .. Mahmoud Magdy Elshorbagy

تعليقا علي هذا القرار لان كل الناس بتسئل وكله نازل نشر اعتقادا ان هذا قرار عام من الاجهزه بتعميم لكل الناس للاستفاده منه ..
اولا القرار ده شخصي ويخص القطع الناصيه فقط وصادر من الهيئه بعد جري شهور من صاحب الطلب ويرسل للجهاز لتنفيذ طلب شخصي باسم الشخص اللي راح الهيئه .. وممكن الجهاز ميقبلوش ويرجعه للهيئه تاني وقصص حوارات بنت ستين في سبعين ..
معني كلامي ان هذا القرار غير معمم للجميع والمفروض علي الاجهزه وهيئة المجتمعات بأن لا تكيل بمكيالين سواء بهذه القرارات او بمدفوعات الاقساط المختلفه بجميع الاجهزه لان كل جهاز في دوله تانيه مختلفه عن الاخري والموظفين ما هم الا اداه منفذه وملوش ذنب ..
لكن المفروض علي الهيئه بأن تصدر للاجهزه ما تم تنفيذه للافراد ليكون عاما للجميع ويحق لاي شخص استخدام القرار ..والمفروض ايضا ان يعمم توحيد طريقة حساب الاقساط كجهاز القاهره الجديده والذي يعتبر اكبر جهاز علي مستوي هيئة المجتمعات العمرانيه ..فبرجاء وطلب من الدكتور وليد عباس ممثلا عن الهيئه بتعميم كل هذه القرارات علي جميع الاجهزه .. والمفروض من كل رئيس جهاز ينفذ الصح دون الرجوع لبيروقراطيه عقيمه وبلاش خوفك علي كرسيك يخليك ديما ساكت ومنفذ فقط .. وربنا يجعل كلامنا خفيف عليهم .. والكلام واضح لاني ذهقت ردود فرديه سواء بالواتس او بالفيسبوك ?
——————————————————
ردا من دينامو بيت الوطن وجهاز القاهره الجديده واسرع مهندس باصدار التراخيص المهندس محمود مجدي .. شكرا مهندس محمود ..

السلام عليكم ورحمة الله وبركاته
كل جمعه وانت بخير ياحج علاء يمكن اول مرة اعلق على منشور في الجروب بس الجواب معمم لكل الاشخاص وكل المدن حضرتك لو بصيت علي اخر سطر موجود داخل خطين فوق وتحت هتلاقي انوا معمم لكل المدن وكل القطع لايحتاج اي مالك تقديم طلب منفرد وهذا القرار بينطبق علي القطع الناصيه او شارع وممر او شارع وحديقه خلفيه وااجواب مقترن ان الدور الارضي للقطع ال حققت اكتر من الارتدار المطلوب لكل قطعه في المتكرر هيتم البروز علي كل الاترتدادات اي ان يصل لحد الردود الخاص بالقطعه بدون تقيد بنسبه بنائيه في المتكرر ولاكن الارضي الزامي للكل ٥٠٪؜

.

صباح الخير ويوم سعيد عليكم جميعا ..
بعدما فشلت هيئه المجتمعات العمرانيه في فكره تجميع اجهزة القاهره الجديده وتجمعاتها في مبني واحد مجهز وحديث وعصري كان ولابد التطرق والحديث عما يدور ويحدث هناك .. فتعالو نلقي الضوء ونستطلع ما يحدث لنبحث عن حلول لمشاكل عالقه وزحام غير طبيعي وروتين معقد وتعطيل لمصالح العامه لنقف علي حقيقة الموقف والي اين نحن ذاهبون فقد يستمع الينا المسؤلون ونجد حلولا لايقاف هذه المهزله .. وسنرسل الي المهندس امين غنيم يوميا ما يحدث من سلبيات وايجابيات عله يري ويسمع ما يحدث ولا يستطيع احدا من موظفيه ايصاله اليه .. وهنتكلم النهارده اولي هذه المشاكل ..
1- صالة الاستقبال بالدور الارضي .. عايز اعرف ازاي المصمم فكر انه يجمع جميع الاجهزه في صاله واحده ازاي !! هل باعتقاده انهم حاطين سيستم وبالدور وبالارقام !! واننا في اوروبا والناس هتنتظم ويكون عندها وعي وهنشتغل بالدور كنظام عصري منظم !! اعتقد فشلت الفكره لان الصاله لا تكفي لهذا العدد والكم المهول من البشر مع العلم ان تقسيم الصاله الي اجزاء كما هو موجود الان لم يكن موجود بالاساس لكنها من فكر الموظفين وكل واحد اخد قسم وفضل يفصل فيه علي كيفه .. فعمت الفوضي بهذا المكان والعشوائيه وانا علي يقين بوجود اصابات يوميه بالكرونا وعدوي بسبب ما يحدث .. ازاي يا ناس كان كل جهاز بموظفيه في صاله واحده مع كل الاجهزه والموضوع بقي سمك لبن تمر هندي ازاي !! فهل سنجد حلولا او نبحث عنها!! ولماذا لا نستخدم المباني القديمه مره ثانيه للتخفيف والحد من هذا الزحام وعدم الانجاز عشان نلغي حكاية الطوايير وحتي بتيجي الساعه 3 والطابور لا ينتهي ويؤجل لتاني يوم ..
2- بيت الوطن وما يحدث فيه .. فبعد ان كان بالمبني القديم مكان رحب يتسع للحاجزين واصحاب الاراضي اصبح بالمبني الجديد صندوقا لاربعه شبابيك او خمسه لا تكفي لان يجلس الموظفين بالداخل جنبا الي جنب ولا يكفي هذا العدد من الموظفين لاستيعاب هذا الكم من الطلبات اليوميه خاصة ان المهله لاستلام الاراضي قاربت علي الانتهاء والكل عمال يجري ويعمل رخصته ويدفع اقساطه .. وهل يعلم المهندس امين غنيم ان القادم كله لبيت الوطن في السنوات القادمه !! ليخصص لهم علبة سلمون او صندوق ليتكدسو فيه بهذا الشكل !! وحاجه مهمه تانيه هل يعلم ان بيت الوطن بالدولار هو تقريبا يمثل منه 75% بالدولار من اجمالي الاراضي والباقي بالمصري 25% فقط !! فكيف لهذا المكان ان يستوعب هذا العدد لابد من وجود عدد اخر من الموظفين لاستيعاب الحاصل ..
اما بقي حكاية موظفين هذا القسم ( بيت الوطن بالدولار ) دي حكايه تانيه زي قصص الف ليله وليله فكل واحد فيهم مش طايق نفسه او عايز يقدم طلب نقل او جاله الضغط بسبب ما يحدث بعد ان اصبح كالريبوت تدوس علي الزرار يشتغل بيانات صلاحيه وتغير الزرار يستلم بوكسات او موقف تنفيذي عشان كده كله عايز يهرب من المكان ده .. والوضع اصبح ( كابوسا ) مع الاعتذار للاستاذ احمد كابوس ? .. اما بقي حكاية استلام البوكسات للتراخيص ده فيلم تاني وضغط رهيب علي العملاء فالموظف يقولك بوكس واحد هيستلم ..طب ازاي يعني معايا 20 بوكس اجيلك علي عشرين يوم !! عشان اسلم اليوكسات !! طب ذنب الناس ايه !! طيب هنستلم البوكسات وهنوزعها علي المهندسين طيب دول اتنين فقط لا غير نولع فيهم مثلا عشان يشتغلو هذا الكم !! والوش التاني للعمله ذنب العميل ايه او ايه اللي يخليني اخد موعد بالشهور عشان رخصتي تتراجع او بمعني اخر عشان استخرج رخصه اقعد اجري ورا الجهاز وموظفيه سنه !! عشان اطلع رخصه !! طيب ادو الناس مهله سنه لاستخراج الرخصه وتحسب المده من مهلة البناء .. والله ايدي وجعتني من الكتابه علي الموبيل وكفايه كده النهارده وسنسرد ما يحدث يوميا بأذن الله لكن الحل ايه !! وعلي قدر فكري وعقلي اقترح علي رئيس الجهاز انه يقضي ساعه يوميا بالصاله تحت ويشوف بعينيه ما يحدث ويفكر يحل زي ما بيلف بدري كل يوم بالشوارع والاحياء لاكتشاف مصايب الاحياء فادينا زيهم ساعه بالصاله تحت وشوف فيمكن نلاقي حلول ويا مسهل .. وبكره بقي هنكتب علي قسم التراخيص والمواقف التنفيذيه وبيانات الصلاحيه وما يحدث فيها ودول هم سرطان جهاز القاهره الجديده بالذات والكتابه عنهم عايزه اسابيع او شهور زي علاج السرطان كده بيطول وربنا يعافيكم من السرطانين اللهم امين .. وصباح مشرق باذن الله قد نجد معه حلولا لما يحدث …صباح الخير .

.