السلام عليكم
دلوقت الجهاز عمل حاجه غريبه آوي وإللي عنده تفسير للموضوع ده ياريت يعرفنا
دلوقت أنا شاري قطعة الارض ولتكن ب 200 الف دولار
الطبيعي والمنطقي في أخطار التخصيص يكتب لي الفلوس إللي أنا دفعتها
يكتب ليا إني دافع 200 الف دولار أظن ده ابسط حقوقي

يقوم الجهاز بقا ف أخطار التخصيص عامل حركه أغرب من الخيال
يجي يقوم كاتب ف أخطار التخصيص إنك دفعت مليون ونص جنيه
إزاي بقا
بص ياسيدي ع الحسابات
الجهاز يشوف مبلغ التثبيت بتاعك وقت ما اشتريت القطعه كان كام كان 7.83 يقوم ضاربه ف الدولارات إللي أنتا دفعتها وقت التثبيت ده كمان ع أساس يعني إنك دفعت كل الفلوس مره وآحده ساعة التثبيت ???
يعني مش بيجي حتي يضرب المقدم في 7.83 ويجي ع باقي الاقساط يضرب كل قسط بالدولار فيما يقابله بالمصري وقت سداد القسط
ده أضعف الايمان حتي وده برده فيه ظلم كبير
وغير مقبول

لا الجهاز يجي يضرب المبلغ كله في 7.83
طب أنا حتي ما دفعتش غير المقدم بس لما كان الدولار ب 7.83
وباقي الاقساط كان الدولار ب 18 وحتي 30
قمة الظلم والقهر والاستبداد

يعني ارض ب 13 مليون جنيه
مكتوب إني دافع فيها مليون ونص

هيجي حد دلوقت يقولي مابتتحسبش كده أو أنتا هتستفيد أي
لما الجهاز يكتبلك إنك دافع 200 الف
وهيجي واحد تالت يقولك حتي لو نويت تبيعها الفلوس إللي ف أخطار التخصيص دي مش بتفرق ف البيع
البيع بيبقا ع حسب إللي ماشي ف أسعار المنطقه وقت البيع
عشان أنا عارف بعض الردود

هقوله ياسيدي ده حقي أنا بطالب بحقى أنا دفعت مبلغ أنا حقي الطبيعي المبلغ إللي دفعته يتكتب زي ما دفعته
وإللي بيسألني هتفرق معاك في إيه أنا بسأل برده هيا هتفرق مع الجهاز إيه

ليه تكتب ليا إني دافع مليون ونص أنا حقي تكتب ليا إللي أنا دفعته
ياسيدي ماتكتبليش إنهم 13 مليون جنيه بس اكتبلي إنهم 200 الف دولار أنا مسلمك 200 الف دولار أنا عاوزك تكتب إني سلمتك 200 الف دولار حتي لو الدولار بقا ب 2 جنيه أنا عاوزك
تكتبلي 200 الف دولار إللي دفعتهم
هل انا اديت مليون ونص جنيه للجهاز تمن الارض والجهاز خدهم مني

أنا عاوز أعرف بأي منطق تغير الفلوس إللي أنا دفعتها لمبلغ مغاير تماما للمدفوع
لا فيه شرع ولا دين في الدنيا كلها يقول كده

.

السلام عليكم ..هو اه الحديد الاستثماري وهل حد جربه في المباني من حضراتكم ..واه نتيجة تجربته ..لان سعره اقل من حديد عز والمصريين بحوالي ٢٠٠٠ جنيه .شكرا

.

مبروك للاحياء الخامس والسادس والسابع والثامن فقد تم بحمد الله تعالى اليوم (حاليا) إطلاق التيار الكهربائي جهد 22 ك ف لموزع التوسعة بالمشروع. – .الف مبروك

.

السلام عليكم .. كنت بسأل عن ضمانات ارجاع مبلغ الحجز في مشروع بيت الوطن 9 .. لانهم بكراسة الشروط فقط كاتبين سيتم ايداع المبلغ بحساب المرسل .. بدون اي تفاصيل انا مثلا حسابي في السعودية هل هيتم ايداع المبلغ كامل ولا هيخصموا منه مثلا مصاريف التحويل ؟ انا ما عندي مانع اتصرف واجمع المبلغ لكن للامانة انا خايف من السيستم بتاعهم وصراحة ما عندي ثقة وده هيكون ريسك عالي جدا مع مبلغ يصل ل 30 الف دولار .. وكمان اللي مقلقني ان فيه قطع معمول عليها حجز مبدئي وفوجئت اني ممكن ادخل واحجزها انا كمان وده هيخلي هناك احتمالية كبيرة ان 2 و3 يدفعوا لنفس القطعة .. اوك طيب انا يعملوا مع فلوسي ايه نفترض ان القطع الباقية لا تناسبني او اني عايز فلوسي .. يا ريت حد يطلع من الهيئة ببيان مانع جامع عن هذا الأمر لأن الحقيقة الثقة معدومة

.

.

توضيح مهم :
السلام عليكم ورحمة الله بمناسبة تغيير اللون جمعية مطوري القاهره الجديده في حرب من اول ما بدأ هذا القرار واغلب شركات الجمعيه مخلصه شغل كتير وعمارات خلصت وتم التسليم .. ولما حصل التوجيهات السياديه بتغيير وتوحيد اللون فده بعيد عن الجهاز نهائي وبعيد عن الهيئه كمان لكن تم التكليف والتبليغ بتغيير وتوحيد اللون من جهات سياديه لرفع قيمة المكان وده من وجهة نظرهم ولكن من وجهة نظرنا احنا كجمعيه اننا مخلصين ومجبرين الان علي التغيير وخساره ما بعدها خساره والله العظيم لا اقول غير الصدق لاني موجود وحاضر وكان الموضوع صراع بين هذا وذاك وتم الاحتكام الي حصر كل احياء بيت الوطن لمعرفه اللون الغالب وبعد الحصر وجدو ان البيج 70% من اجمالي الاحياء و30% لباقي الالوان فتم اختيار اللون البيج كصالح عام للجميع والباقي كله هيغير اللون حتي كل شركات الجمعيه لذلك وجب التنويه عشان الناس متفهمش غلط وللعلم الجمعيه شايله بلاوي عن الحاجزين واي انجاز بيتم بيبقي للصالح العام للكل لكن هل سئلتم كم تكلفة هذا الركض وكم تكلفة الوقت الضايع من اشغالنا وكم التكلفه الماديه لكل هذا !! والله لا احد يعلم ورب العالمين وحده هو من يعلم بالخفايا والاسرار ويا من تهذي بدون فهم افهم الاول وبعدين نفس زي منتا عايز .. لذلك وجب التنويه وليعلم الجميع ان اي مصلحه للجمعيه هي للملاك قبل الشركات ولان المصلحه واحده للكل وبدون اختيار .. شكرا

.

.

رئاسة الجمهورية ترفض إقرار مشروع قانون التصالح فى مخالفات البناء.. المستشار القانونى للرئاسة:…

.