.

.

يا جماعة لو حد حول من بنك الانماء و اخد
Value date
ممكن يشيره بعد اخفاء البيانات الشخصية نخلي الموظفين يعملو زيه لانهم مش فاهمين

.

.

ما هو قادم لبيت الوطن طريقين مالهم تالت
احدهما مكسب و الاخر خسارة للدولة و عكس مصالح الدوله و تكرار لنفس الاخطاء
◀️ الاول الكسبان ١٠٠٪؜
١- تكميليه و تخصيصها ما ح تاخد اكتر من ٣ اسابيع تخصيص الترتيب موجود و المبالغ موجوده
٢- استكمال استمرار نجاح حجز الأراضي يستمر بعد حجز ٩٥٪؜ من الأراضي
٣- ثم طرح شقق مع استخدام البواقي و الحوالات في الحجز
٤- بعدها طرح جديد بعد الشقق تجاري و لا اراضي براحتك و تحويلات جديده زي ما تقول قول
الخيار دا مدته الخيار دا من شهرين ل ٣ شهور و حصيلة من ٣٠٠ ل ٤٠٠ مليون دولار لتحويلات لأراضي و الشقق
و الاهم حجز معظم الشقق و اراضي جديده و نجاح جديد للهيئة
◀️ الخيار الثاني معروف و خسران ٥٠٪؜
هو العند و تجاهل ال ٤٠٠٠ تحويل و العمل ضد مصالح الدوله العليا و هو استمرار الكلام الذي يقال و طرح شقق اولا و بعدين طرح جديد
ماله و ما عليه
١- معظم حوالات اراضي مش ح تروح شقق
٢- الطرح جديد كل اللي عنده حوالات ما ح يحول جديد و دي خساره ل ٦٠٪؜ من الحوالات
٣- فيه نقطه مهمه الناس مش ح تثق انها تحول طالما مفيش تكميليات و كل شوي يغيروا الشروط
٤- ندخل في موال الترتيب تاني و ما ادراك ما الترتيب و الترتيب أبجدي ?
الخيار دا مدته ٤ شهور مش اقل من كدا و حصيلة التحويلات لا تتعدي ٢٥ ل ٣٥ مليون شقق و الأراضي لن يتعدي ١٠٠ ل ١٢٠ مليون دولار و الاجمالي من ١٢٥ ل ١٦٠ مليون دولار بالكتير
و خسارة عدد كبير من حجز الشقق و نرجع نطرح أراضي و بعدها اللي عاوز شقق تاني و دوخيني ياليمونه ?
ياليتهم يسمعون

.

هل ينفع تحويل الفلوس من ابليكيشن البنك لقطع اراضي مسكن ولا لازم من البنك

.

اغرب ما شاهدت :
صباح الخير عليكم جميعا .. من المعروف اننا بذلنا مجهود جبار عشان نستلم حي النرجس بالتجمع الخامس وكان من اهم اسباب ذلك سبب رئيسي ان موظفين الخامس مدربون جيدا وحافظين كل ما يخص بيت الوطن من الالف للياء .. وما حذرنا منه يحدث الان والاخطاء كتيره جدا بالتجمع التالت وهنسرد امثله يعني مثلا اتعمل خطاب تخصيص ومعمول فيه باقي اقساط الارض بنسبة 25% وليست 15% وسكتنا ? الاغرب ان بعض الملاك اسمه رباعي طلعله خطاب باسم ثلاثي واسمه غير موجود وكان الارض باسم والده وامثله كتيره تحدث يوميا من الثالث مع ان الاستاذ احمد سمير حريف ? يعني بيبعت الملف مفهوش غلطه والورق سليم وبيتراجع قبل ميروح لكن المشكله من عندهم وليس الخامس والمهم يا ساده ان اخر افلام التجمع التالت بدأو بعد ما يروحلهم ملف الارض من الخامس يرجعوه تاني للاستاذ محمد خلف بالعقاريه بالخامس تاني عشان يطبع الخطابات عند الخامس ولما يخلص يرجع للتالت تاني وبعدها نستلمه لفه بنت 60×70 طيب وليه كل ده وليه الشحططه دي ما تبعتو موظف من التالت يقعد بالخامس عند المهندس اشرف الجمال ويخلص كل حاجه عنده ويطبع ويراجعو كل حاجه وينتهي الفيلم اللي ملوش لازمه ده .. فندائي للمهندس اشرف الجمال والمهندسه سلوي ليه متحلوش المتاهه دي تخفيفا علي الحاجزين !!! وذنب الناس ايه في كل الاخطاء والعطله والبهدله دي !!… او نبعت موظفين التالت بقي بعثه لالمانيا ياخدو كورس تسليم خطاب تخصيص ? لا ولسه كمان موضوع الرحاب فلازم حلول… صباح المتاكفه علي الصبح .

.

جالي ايميل !! مجاليش ايميل !! ترتيبي فين !! .. ?

مساء الخير .. خلونا نتكلم شويه بعقل ورويه لنصل الي نتيجه المفيد فيها اللي هقوله وكلام علي قدر فهمي بعمل الهيئه ..
خلينا نبدأ الحكايه من الاول ان كل الحوالات اللي بتصل للبنك المركزي بيبعتوها للهيئه في شوال كبير كده او ذكيبه بالبلدي . حد عارف الذكيبه !! ومعني كلامي هنا كل حاجه ان البنك المركزي بيبعت للهيئه عشان ميطعطلوش في عمل ملفات للحاجزين وتجهيز الاوراق ومينتظروش لبعد اقفال المرحله ويبقي كله جاهز علي كشف الترتيبات والتوزيع مباشرة .. فالحاصل ان فيه مجموعه كبيره من الموظفين قائمون علي حصر كل شئ وكل واحد اخدله من الذكيبه شوية ورق بيشتغل عليهم سواء بترتيب او غير ترتيب ولكن هناك مجموعه كبيره بالهيئه قائمه علي حصر كل شئ ومنهم محمود وعلي وصلاح وحسين وفوزي وابراهيم ويسريه ? وكل دول بينهم فروق فرديه في العمل فمنهم ابو تريكه ومنهم محمد صلاح ومنهم طارق حامد ومنهم محمد شريف لذلك لازم نفهم ان غياب واحد فيهم او مرض فعمله مؤجل لحين قدومه ومنهم من هو بطئ في المراجعه فلازم نفهم ان مش كل واحد راحله ايميل يبقي دوره في الاول او بالاخير ولكن الترتيب من البنك المركزي مباشرة وبعد اقفال الحجز .. وايضا هناك من الاشخاص بيانتهم كامله وسليمه ومش محتاجه ايميل عشان كده مرحلوش وعندما نشرت بوست سابق وقلت لازم نبعت ايميل بالمستندات كان لمساغدة هؤلاء في المراجعه وحل بعض مشاكل الموقع خصوصا بالمقابر فيا ريت نهدا ونفهم ان الحاصل ليس لخبطه ولا ترتيب ابدا ونطمن ان باذن الله خيرا خيرا بس الصبر لان فيه ناس مبتنمش وفيه ناس بتفرك وناس طول النهار اتصالات هنا وهناك وكاننا اول مره ناخد ارض والهيئه فاهمه كل التفاصيل وعارفه ان الكل بيتاجر واللي بيسمسر والمظلوم الوحيد اللي داخل اول مره وعامل زي الاطرش في الزفه وده ربنا هيكرمه باذن الله فالهدوء الهدوء والصبر لبعد اقفال المرحله والبركه تنشف وتبان القراميط .. والتعلب فات فات وفي ديله سبع لفات .. وسلفل ?

.