.

هو وللا أنا عينيا مزغللة؟?

.

صباح الخير وجمعه طيبه عليكم جميعا ..
احنا في بيت الوطن من بداياته منذ ان بدأ .. وبيت الوطن مشروع من ضمن مشاريع الدوله القوميه المطروحه وبتخطيط من الدوله لجلب العمله الصعبه لاقتصاد البلد وفيه مشاريع تانيه كتير ايشي بالمصري وايشي بالتخصيص المباشر فده معناه ان الطروحات كثيره لجلب الاستثمار من ابنائها والمتاجره معاهم للمصلحه المزدوجه وانت كشخص لو مش مستفيد مش هتحول ولا هتحجز لذلك هقول بيت الوطن والوطن نفسه خيره علينا كلنا والجميع يعلم لذلك لكن هناك بعض الاصوات النشاذ عماله تفرك لمصلحته الشخصيه وبفكره المحدود وبقناعة لو انا مفزتش يبقي لا مينفعش وافضل اشكك هنا وهناك واتكلم علي الافراد وانم واشتم ومش هعترض علي ذلك لاننا جميعا من بيئات مختلفه وتربيات مختلفه فلازم هتلاقي ده وهتلاقي ده فمتكرهوش الناس فيكم لكن خلونا نحترمهم ونقدرهم زي زمان ومنفضلش نفتي ونشكك في كل حاجه تحت مسمي نظرية المؤامره ومش هطول اكتر من كده كفايه عشان اخش بالمفيد ..
وزي ما قولت احنا من بدايات بيت الوطن يعني نعي فكر المسؤلين جيدا وكيف يفكرون ونتوقع دائما ما سيحدث نظرا لخبراتنا الطويله معهم وايضا لان الموضوع مش محتاج ذكاء فالمرحله تشابه المرحله التانيه في الاقبال ومش هيرجع دولار لان الدوله محتاجاه في هذه الظروف .. عشان كده بتوقعي هيكون فيه تكميليه او فتح مربعات جديده لاستيعاب الكل وايهما افضل لهم مع تفضيل فتح واضافة مربعات ليكون التخصيص مره واحده افضل ولعدم تضييع الوقت عشان كده لازم نهدي وننتظر ما ستأتي به الايام والكل هيحجز لان المنفعه متبادله بيننا وبينهم بدون ضجيج ولا وجع قلب واي مسؤل مبيفتيش من دماغه ولا بيسمع كلام حد غير شروط مجلس الوزراء وما يتماشي مع المصلحه العامه فرجاء الهدوء والناس اللي بتزيط ومعروفين بالاسم للجميع وللدوله ومعروف هناك كل واحد محول ايه وباسم مين ومين اللي حول فكل شئ مسجل ومدون ويعلمون كل شخص بيتكلم في الاتجاه ده ليه وليه بيزيط لان الورق هناك مكشوف بالتفصيل قيا ريت كده ناخد بريك ونهدأ كده علي ما ربنا يسهل والدوله تستوعب الجميع .. وجمعه مباركه

.

سؤال مش خبيث خالص لكل المتحمسين لطرح شمال الرحاب و معلقين آمال عظيمة عليه لما يكون كل التوقعات ان سعر المتر ٥٥٠ وفجأه ينزل ب ٤٥٠ تفتكروا دا عشان خاطر عيون المغتربين ولا عند حضراتكم تفسير منطقى آخر ?

.

سوال يا جماعه. هو لية مشروع بيت الوطن ملوش اصوات ومدافعين عنة فى التلفزيون والميديا ذى مشروع عربيات المغتربين،!!!!!

.

.

مساء الخير ..
ايه اخبار التكميليه يا رجاله !!!

.

مفيش تسريبات لخرائط اكتوبر أو زايد

.

شئ غريب وعجيب ومريب
هيئة المجتمعات العمرانية ترفض الإفصاح عن سعر أراضي بيت الوطن ، رغم إن العقل والمنطق والقانون بيقول إن كل سلعة لازم يكون ليها سعر محدد وواضح .

الهيئة من حقها تسعر الأرض زي ما هيه عاوزه ، إن شالله تسعرها بعشروميت مليون دولار ، وبعد كده كل واحد حر ، لكن هذا الغموض بشأن التسعير مريب ، ويدل إن الهيئة فيها أيادي خفية بتلعب ، وأهل الشر في الهيئة لا يعنيهم إلا زيادة الحصيلة الدولارية ولو علي حساب خراب بيوت الحاجزين ، علشان لو التسعير مفيهوش مصيبة كانوا أعلنوها وريحوا كل الناس بدل الغموض والتخبط ده .

للعلم : الجدوي الاستثمارية في كل الطرح أصبحت محل شك أصلا في أفضل السيناريوهات ، زايد مثلا اللي مقدمها ٩٠ ألف دولار ، حتي لو فيه تثبيت ب ١٩ جنيه ، ماذا لو طرح جنبها في المرحلة التاسعة مثلا وسعر الدولار دلوقتي ٢٧ جنيه ، ساعتها المقدم بتاعها هيبقي ٦٠ ألف دولار بدل ٩٠ ألف ، مين بأه هيشتري أرض بمقدم ٩٠ ألف دولار وجنبها أرض ب ٦٠ بس ، ولنا في بيت الوطن القديم عبرة وعظة
يعني كمان رضينا بالهم ، والهم هوه اللي مش راضي بينا ?

.

.

.