اخر المستجدات في حديث الساعه الان ..
وصرح مصدر مسؤول بجهاز القاهره الجديده الان بان الخبر صحيح وتم التنسيق علي كل المستويات لنقل ملكية الارض ولا يشترط ان يكون هناك اي مباني وبشرط مهم سداد مستحقات الارض حتي تاريخ تقديم الطلب .. ?

.

مفيش اي إيميلات وصلت ولا حس ولا خبر. عليه العوض ومنه العوض في القرشينات.

.

مساء الخير علي الجميع .. يمكن موضوع تاني وكانه مكتوب علينا ان اي حاجه لينا عند الوزاره او اي خطأ لازم نحارب ونجري ونتعب عشان نسترده او نصلح الخطأ فيه زي موضوع سعر تثبيت الدولار بالمرحله السادسه اللي تعب ناس كتيره عشان ترجعه لاصله وموظف الجهاز بينفذ تعليمات وبيخاف علي مكانه من ناحيه تانيه ..
موضوع النهارده بقي يا ساده هو موضوع تاجيلات الاراضي والاستلامات القديمه بمعني اوضح ان فيه ناس استلمت ارضها في عام 2017 ونحن الان في 2021 يعني الناس دي دفعت الي الان اربعة اقساط والخامس العام القادم والمهم فيه ناس تظلمت علي الاراضي واكتشفنا انها لم تنتهي بعد والوزاره قالت ان الاقساط من الاستلام الفعلي وهضرب مثال ..
ارض مستلمه في 2017 وتم التاجيل الي 31/3/2021 يعني مخلصتش ومدفوع فيها 4 اقساط يعني عشان اول قسط يبدا هيبدا في 31/3/2021 يعني الفلوس دي كلها كاش عندهم .. فاحنا مش هنطالب بالفوايد لان الوزاره تربه مبتردش ميت لكن انا واحد من الناس هيرجعلي الفايده هنا وغرامات التاخير رسمي علي ثلاث اقساط من الاربعه لان الاول لا يستحق عليه فايده ولو كل ده رجع هلاقي ان نص القسط الاخير اتشال .. لكن انا بحسبها بطريقه تانيه وعايز اكيش الارض لان المبلغ المتبقي بعد التصفيه عند الاستاذ محمد العطار هيطلع صغير فالمفروض ادفع المتبقي واخد 7.5% خصم .. يعني هيطلع كده تقريبا مفيش قسط خامس .. وطبعا مفيش تعليمات عندهم بكده فالمفروض كلنا نسعي عند الوزير والهيئه والاداره الماليه بالهيئه انهم يبتولنا في الموضوع ده ولو لم يبت فيه كلنا هنشتكي ونطالب بحقوقنا طالبا القانون يسمح وبدون ان يخاف الموظف من المخالفه .. فيمكن اول مره اكتب عند الموضوع ده لان ده حقنا وحق الناس كلها ولازم كلنا نشتغل عليه وباذن الله باول اجتماع قادم بمجلس ادارة اتحاد المطورين سنثير هذا الموضوع ونتبناه ونقدم مذكره للوزير باذن الله .. يا ريت بعد الشرح ده كله ووجع القلب ده محدش يقولي مش فاهم لاني هحدفه بطوبه بصراحه ? .. ومساء الفل .

.

الحكومة توافق على مشروع قانون التصالح في مخالفات البناء ..

نقلا عن ” المصري اليوم””
وافق مجلس الوزراء، في اجتماعه الثلاثاء 5/12/2017، على مشروع قانون بشأن التصالح في بعض مخالفات البناء.
وبحسب بيان، يأتي ذلك في إطار وضع حلول قانونية وعملية نهائية لمشكلة مخالفات البناء التي أصبحت ظاهرة ووضع حل سريع لمشكلة تكدس القضايا الناشئة عن تلك الظاهرة وذلك مع الحفاظ على الوجه الحضاري ومنع التعدي على التراث المعماري والأثري وذلك وفق ضوابط معينة.
وأجاز مشروع القانون التصالح في الأعمال التي ارتكبت بالمخالفة لأحكام القوانين المنظمة للبناء، بما ذلك حالات تغيير الاستخدام التي يثبت القيام بها قبل العمل بأحكام هذا القانون، فيما عدا بعض الحالات التي من بينها الأعمال التي تخل بالسلامة الإنشائية للبناء، والتعدي على خطوط التنظيم المعتمدة وحقوق الارتفاع المقررة قانونًا، وكذا المخالفات الخاصة بأماكن إيواء السيارات، والمخالفات الخاصة بالمباني والمنشآت ذات الطراز المعماري المتميز، وتجاوز قيود الارتفاع المقررة من سلطة الطيران، أو تجاوز متطلبات شؤون الدفاع عن الدولة، والبناء على الأراضي الخاضعة لقانون حماية الآثار والبناء على الأراضي المملوكة للدولة، والبناء على الأراضي الزراعية.

كما نظم مشروع القانون الإجراءات الخاصة بالخطوات المتعلقة بطلب التصالح.

.

.

.

يا جماعه انا ملاحظ إن فيه طلب كبير على بيت الوطن القاهرة الجديدة حاليا وأتوقع إن فيه زيادة فى الاسعار قريبا خصوصا إن المدن الجديدة الاخرى اسعارها بترفع جدا
إيه رأيكم ؟؟

.

سرّي للغاية
محدش يقول حاجة??

.