انا بقترح عدم اعتماد جميع الحولات بدون كود الحجز او بكود حجز واعتماد أليه اخرى على سبيل المثال يحدد يوم يكون فيه الموقع شغال وكل واحد محول يحول 500 دولار رمزيا وبناء عليه يتم ترتيب الحولات وليكن هذا اليوم او الايام بدء من الاسبوع الثاني من بدء التحويل .

جماعه انا كل شويه بنشر بوست ومحدش بيرد عليا لو سمحتم محدش يبخل بمعلومه . انا مغترب وكنت عايز اقدم علي اي شقه في القاهره بدر أو الشروق او اي حته واي نوع سواء دار أو جنه أو المتميز ومش عارف حاجه ولا عارف اعمل اي حد ابن حلال يفهمني اعمل اي وازاي اي موضوع القرعه دا وانهي نوع شقق قرعه بالله حد يفيدني اخوكم غريب .

احنا من يوم ما خلصنا التجهيزات العداد الانشائي منتهي العبث مع الجهات ١- إدارة الكهرباء و تصاريحها ٢- شركة الغاز ٣-الطرق ٤- المصرية للاتصالات ٥- شركة المياه المعقب علي المعاملات طلع عينه كل ده عشان كهرباء انشائي كل يوم بيألفوا إداريات تزيد معوقات العمل في الشروق بتروح الطرق بتدفع تأمين و خلصنا الا الجهاز الغريب كأنهم كل إدارة مخاصمة اختها وانت بتروح كعب داير عشان تخلص منتهي العبث

السلام عليكم ورحمة الله .. يا ريت كل واحد عنده ارض ميفرطش فيها ويحاول يبنيها وميجيش واحد يضحك عليك ويشاركك ويتقاسم معاك تعبك اللي صبرت كتير علشانه وللاسف فيه مشاركات كتيره كلها مشاكل واسبابها معروفه فخليك حذر وناصح بدل ما حد يجي يتناصح عليك .. يعني انت رامي فلوسك بقالها سنين وهو يجي الان يدخل يشارك معاك فحاول حتي لو مزنوق واتصرف واحسب فرق السنين اللي راحت وحجات تانيه كتير لذلك وجب التنويه .. والاراضي بكل المدن سعرها عالي جدا الان .. .

الضريبه 2.5 % الحق يا مواطن ? الضرائب: ضريبة التصرفات العقارية حاليا 2.5% مهما كان تاريخ العقود .

السلام عليكم سؤال للناس إلى بنت فى بيت الوطن او بتبنى حاليا الأفضل يا جماعة الجراج يتعمل على كامل المسطح بتاع الارض ولا على جزء منه ؟ و معظم الناس فى بيت الوطن و الاوركيد عاملينه ايه ؟ و ايه مميزات و عيوب كامل المسطح ؟ و تكلفته تزيد اد ايه عن الجراج على ٦٠٪؜ مثلا من الارض ؟ ملحوظه العمارة سكنى و ليس استثمار .

مش عارف ادخل علشان استرد مقدم جديه الحجز لمشروع نزهة الاندلس ممكن حد يقولي اعمل ايه .

س: ما هي المخالفات التي تحرر عنها جنح المباني بالمدن الجديدة ؟؟ ج: المخالفات التي تحرر عنها جنح المباني هي كل ما يخالف الرسم الهندسي المعتمد ورخصة المباني سواء بشأن زيادة عدد غرف السطح (الروف) عن المساحة القانونية المسموح بها والتي تقدر ب25% من مساحة الدور الأرضي أو الردود أو الواجهة أو المداخل أو البلكونات أو المصاعد …وكذلك تحويل الغرض المخصص له الجراج أو البدروم إلى وحدة إدارية أو سكنية أو ربطه بالدور الأرضي بسلم داخلي وهو ما يعرف ب (الدوبلكس) ..الخ وفى حال حدوث أي من تلك المخالفات يحرر جهاز المدينة محضر بالمخالفة ويحال الى محكمة الجنح ،كما يصدر ...‫اقرأ المزيد

(اقتراح ونموذج افتراضى ياريت الهيئه تعمله) دلوقتى مقترح محترم بنقدمه للهيئه لمعرفة ترتيب الحوالة للشخص نفسه انهم يرحمو الناس المغتربه من ذل الاتصالات والانتظار وعدم الرد ونخف عليهم الضغط علشان يفضو لشغلهم الرئيسى ايه المشكله انك تعمل حاجة زى كدة كبديل الناس لا تضغط عليك اتصالات ولا انت ترهق نفسك وتتعب الموظفين إستعلام عن ترتيب الحوالات كبديل محترم عن الإتصالات اقتراح للهيئة .