باذن الله حاليا بجمع كل حاجة تخص طرح الأراضي اللي المفروض كان هيفتح علي موقع مسكن والموقع واقع ??لو حضرتك مهتم سيب كومنت وباذن الله اول ميجهز البوست وينزل هبعتلك كل حاجة تخص الطرح @الجميع

.

كلام بالبلدي وبدون لا ارقام ولا تزييف ..
نقول صباح الخير الاول وبعد كده نقول نحن الي اين في سوق العقار !! يمكن ما اكتبه يكون تنفيس او فضفضه لما يجول بداخلنا وبخواطرنا من هموم ومتاعب .. فمن كام يوم نشرت جمعية المطورين بيانا عن ما يعانوه من متاعب في سوق العقار مترجم الي ارقام استرشاديه غير ملزمه لاحد في صورة بيان وسعر من وجهة نظرهم وهذه الارقام قد تكون بسعر التكلفه للبعض او بهامش ربح بسيط للبعض الاخر لكن ما نشر وما اتصوره كان نتيجة ما يحدث بالسوق من دراما سريعه متلاحقه تجري بسرعة الصاروخ والتسعير الذي نشر كان عباره عن سعر متر ارض وسعر تنفيذه بالاضافه الي ريسك يومي يحدث لاسعار المواد الخام واسعار العماله بالاضافه للعرب ونثريات لا حصر لها والتي اصبحت اسعار شبه يوميه !! ولن نقول شهريه او سنويه .. وحمل عليه كل نفقات الشركات من مرتبات وبدلات وعمولات وضرائب وايجارات لمقرات ودعايات وزيادات يوميه تثقل كاهل هذه الشركات واشياء اخري كثيره مخفيه .. ولكن تعجبي من بعض الردود للافراد علي ما تم صياغته بطريقه صحفيه جاذبه للانتباه تحت مسمي ملزم واللذي لا دخل للمطورين فيه نهائيا !! وكأنها الطامة الكبري فالخبر غير ملزم لاحد والسعر غير ملزم لاحد وكل كيان بيحسب حساباته علي حسب ظروفه والتزاماته وما نشر من اسعار كان استرشاديا فقط او كشافا منيرا للبعض للحاصل الحقيقي الان ولم يتطرق احد منهم الي الحديث عن العام القادم او ما بعده او اللي بعده لان لو التنفيذ علي سنه غير اتنين غير ثلاثه فستختلف الامور قطعا من كل النواحي لانهم ملتزمون بالتنفيذ الجيد وملتزمون بالعقود وملتزمون بما تم ابرامه مع العملاء لاخراج منتج جيد بسعر معقول من خلال دراسات وارقام ..ومن هنا اقول يا ريت كل واحد بيقول وجهة نظره يقول اللي هوا عايزه بعقل ورويه ونقاش يحترم كل منا الاخر حتي وان اختلفنا في حساباتنا او وجهة نظرنا لاننا جميعا في سوق عقاري غير متزن وهذا ما دعاني بالبدايه بكتابة نحن الي اين في سوق العقار والمنافسه الان اصبحت صعبه صعبه جدا فالضغوط شديده والحمل ثقيل جدا علي الجميع فنحن جزء من منظومه عالميه ونتأثر بما يحدث بالاسواق العالميه من تغيرات ومستجدات يوميه بكل دول العالم وبأذن الله هنعدي وسيستقر كل شئ قريبا باذن الله .. و نقول صباح الخير علي الجميع وجمعه مباركه وحابب اقول ان ما كتبته يمثلني انا ورأي شخصي لي لا يمت لاحد بصله لذلك قولت فضفضه وتنفيس ..

.

ابتسامه ترتسم على وجه الجميع فى مستقبل افضل لنا جميعا باذن الله .. لكن يتوسطنا الاخ والصديق والانسان انه المهندس ياسر عبدالله اللى عيد ميلاده النهارده فكل سنه وانت طيب يا بشمهندس ياسر وعقبال ميت سنه وربنا يرزقك الخير والسعاده ويفضل ديما عندك رؤيه ? ( الصوره تجمع من اليمين علاء جمعان والاستاذ محمد مصطفى والمهندس محمد البوستانى والاستاذ حسن جوده والمهندس ياسر عبدالله والمهندس المشاكس ابن البلد مروان فارس … صباح الفل عليكم جميعا

.

جالي ايميل !! مجاليش ايميل !! ترتيبي فين !! .. ?

مساء الخير .. خلونا نتكلم شويه بعقل ورويه لنصل الي نتيجه المفيد فيها اللي هقوله وكلام علي قدر فهمي بعمل الهيئه ..
خلينا نبدأ الحكايه من الاول ان كل الحوالات اللي بتصل للبنك المركزي بيبعتوها للهيئه في شوال كبير كده او ذكيبه بالبلدي . حد عارف الذكيبه !! ومعني كلامي هنا كل حاجه ان البنك المركزي بيبعت للهيئه عشان ميطعطلوش في عمل ملفات للحاجزين وتجهيز الاوراق ومينتظروش لبعد اقفال المرحله ويبقي كله جاهز علي كشف الترتيبات والتوزيع مباشرة .. فالحاصل ان فيه مجموعه كبيره من الموظفين قائمون علي حصر كل شئ وكل واحد اخدله من الذكيبه شوية ورق بيشتغل عليهم سواء بترتيب او غير ترتيب ولكن هناك مجموعه كبيره بالهيئه قائمه علي حصر كل شئ ومنهم محمود وعلي وصلاح وحسين وفوزي وابراهيم ويسريه ? وكل دول بينهم فروق فرديه في العمل فمنهم ابو تريكه ومنهم محمد صلاح ومنهم طارق حامد ومنهم محمد شريف لذلك لازم نفهم ان غياب واحد فيهم او مرض فعمله مؤجل لحين قدومه ومنهم من هو بطئ في المراجعه فلازم نفهم ان مش كل واحد راحله ايميل يبقي دوره في الاول او بالاخير ولكن الترتيب من البنك المركزي مباشرة وبعد اقفال الحجز .. وايضا هناك من الاشخاص بيانتهم كامله وسليمه ومش محتاجه ايميل عشان كده مرحلوش وعندما نشرت بوست سابق وقلت لازم نبعت ايميل بالمستندات كان لمساغدة هؤلاء في المراجعه وحل بعض مشاكل الموقع خصوصا بالمقابر فيا ريت نهدا ونفهم ان الحاصل ليس لخبطه ولا ترتيب ابدا ونطمن ان باذن الله خيرا خيرا بس الصبر لان فيه ناس مبتنمش وفيه ناس بتفرك وناس طول النهار اتصالات هنا وهناك وكاننا اول مره ناخد ارض والهيئه فاهمه كل التفاصيل وعارفه ان الكل بيتاجر واللي بيسمسر والمظلوم الوحيد اللي داخل اول مره وعامل زي الاطرش في الزفه وده ربنا هيكرمه باذن الله فالهدوء الهدوء والصبر لبعد اقفال المرحله والبركه تنشف وتبان القراميط .. والتعلب فات فات وفي ديله سبع لفات .. وسلفل ?

.

.

أرسل عدد كبير من المغتربين رسائل احتجاجية لمسؤولي وزارة الإسكان ولجنة بيت الوطن، مطالبين فيها بسرعة الاستجابة لمطالبهم المشروعة فيما يخص طرح الأراضي التكميلي للمرحلة الثامنة من مشروع بيت الوطن للمصريين في الخارج.

وطالب المتقدمون لحجز الأراضي بضرورة الاعلان عن سعر الأراضي بالمرحلة الثامنة التكميلية بالجنيه المصري، معلنين بشكل تام رفضهم لأي تغيير في طريقة السداد و الأقساط وأنه على غرار المراحل السابقة فهم ملتزمون بسداد قيمة الأرض المسعرة بالجنيه وقت الحجز بالعملة الصعبة في تاريخ الأقساط المستحقة دون أي زيادة عن سعر الحجز.

وشدد عدد منهم تواصلوا مع «إسكان مصر» على أن عدم التسعير بالجنيه المصري سيؤدي إلى عزوف معظم الحاجزين بسبب المخاطر الإقتصادية التي تهدد الجميع فضلا عن عدم دستورية قرار عدم التثبيت.

كما طالبوا بتمديد فترة التحويل لتعويض المدة السابقة من التحويلات، وانه في حال تجاهل مطالبهم فلا بديل عن استرداد ما دفعوه من جدية حجز للأرض بالدولار.

جريدة إسكان مصر | مصريون في الخارج يهددون بسحب مقدمات حجز أراضي بيت الوطن «الدولارية» بسبب تغيير شروط الطرح

.

السلام عليكم
هل يوجد خريطة لأماكن المساجد بالحي الرابع المربعات الجنوبية خاصة F H I
شكرا جزيلا

.

استشارة لاصحاب الخبرة محتاج قطعة بيت وطن التجمع للسكن بعد 3سنين هل افضل الاحياء الرابع ولا اي حي افضل

.

طيري بينا يا دنيا .. لففينا يا دنيا .. ?? ..
حديد عز ١٧٥٠٠
حديد السويس ١٧٢٠٠
الاسمنت ١٦٠٠ ..
?

.

.