مقططفات من تعليقات البوست السابق الموجه الي الهيئه والقائمين عليها يمكن كلامنا يفيد وسنرد علي الاسماء التي طرحت التساولات كل علي حده مع حفظ الالقاب والاسماء فجميعنا اخوه ..

1- اول تساؤل من هشام وجدي بيقول فيه هي الارض اللي اقترحتها بالبوست السابق مميزه يا حاج علاء !!! يقصد هنا اراضي الحي التامن والسادس وحرف E بالحي الرابع .. اقول طبعا اراضي معقوله وفيه ايضا مشكله تانيه الارض دي كانت قرعه والبواقي كتير والمشكله معظم هذه الاحياء اتبني وخلص واتسلم للناس المشترين او الساكنين لاراضيهم فازاي هتسيب الاراضي دي تخرب علي الناس دول شغلهم واللي شطبوه وهيبقي فيه بهدله كتير من العرب والسيارات النقل والمقاولات المفتوحه لخمس سنوات اخري لذلك لابد من الاسراع للانتهاء من هذه الاحياء لانها مقابله للعاصمه وعلي المنوريل وهتكون محل انتقاد يومي لو مكملتش وبسرعه ..
2- ثاني فرد محمد عزمي بيحاول يوصل للوزاره وبيقول كفايه تفكير في موضوع ان اللي بياخد بيبيع باوفر وبتستكرو عليه ذلك فبيقول لو احنا مكسبناش مين هيبيع ارضك او طرحك وهيسوقلك الارض غيرنا !! ومش هتعرف تبيع فلازم نكسب والدوله تكسب لانك لو هتبص لنفسك مش هتبيع ولا هتعرف ..
3- محمد عيد لا يثق بالهيئه لانهم بيغيرو الشروط لصالحهم فقط واضافة شروط ربويه لذلك هناك تاثير سلبي علي الطروحات والمراحل وعدم توافر الثقه بيننا وبين الوزاره ..
4- الحج سيد العربي بيقول لازم نقابل الدكتور وليد لانه القادر علي الحلول ويعي بيت الوطن جيدا وحتي يعرف الاماكن والاراضي وقادر علي خلق حلول ومبيغيرش في الشروط بعد طرح المراحل وكذلك المهندس خالد عباس كان كذلك ..
5- انور مناع بيقول انتو ليه شايلين الشقق وهتعملو ليه تكميليه وتضييع وقت فبقوله يا انور يمكن الرجله هناك معندهمش شغل فبيخلقولهم شغل لبعدين ونفضل مستنيين شهور ووقتنا واشغالنا تضيع ..
6- ابو عمر طهقان من الهيئه وفضل انه ميدخلش من المرار اللي شافه قبل كده وضياع وقت وتغيير شروط ..
7-مجدي الدكر من المرحله التانيه ولسه مستلمش ودي مصيبه في حق الوزاره .. الجهاز مبيشتغلش والشركات مبتشتغلش ومبتاخدش فلوسها ولو فيه شغل فهو روتيني بطئ فبصراحه بيت الوطن القديم مظلوم ن يا ولدي مظلوم ن مظلوم ..

———————————————————————————–

دي كانت مقتطفات واعتراضات الحاجزين علي اللي بيحصل ونخرج منها بتوصيات كتيره ..

كراسة شروط نزلت محدش يلعب فيها لكي لا نضطر الي رفع قضايا ووجع قلب وترجع الوزاره تقولك مهلة سداد يشرط التنازل عن قضايا الهيئه .. هضرب مثال صغير اللي حصل باخر طرح للشقق وخلينا ساكتين مؤقتا لحد منشوف التاسعه وهيتعمل فيها ايه ..

بيت الوطن القديم وان المهله انتهت وناس خلصت مبانيها وفيه ناس مستلمتش الي الان ..

لجنة التسعير انت ليه مبتشربش كوباية ليمون وانت بتسعر ليه عشان تهدي وتعرف الدنيا بره ماشيه ازاي وايه المناسب ولا حضرتك عايز تعمل شغل او هتطلع علي المغاش وعايز تجدد !! فبتخبط اي اسعار وخلاص دون دراسه !! ..

موقع الهيئه وطبعا انا بحب الموقع ده بصراحه من احسن المواقع المصممه بتلاته شلن حد فاكر الشلن !! الموقع يا سيدي تيجي تاخد كود يديلك الارض ويحجزهالك من اول لحظه حتي لو انت محولتش فلوس ومش عايزنا نحبه !!! واقترحت سابقا علي الدكتور وليد 50 دولار علي كل حواله لتطوير الموقع بدل ما كل شويه يتعمل عليه هاك ومبيستحملش حتي 500 شخص يدخلو في وقت واحد !! ..

المصلحه والمنفعه مشتركه فأن لن تراعو ذلك الوضع كل يوم من سئ لاسوأ ..

اختيارات الاراضي من المشروعات .. نفسي اعرف مين بيختار ويحط الاراضي لاننا مش هنفرح بعدد مدن كتيره باللست بكل المحافظات ولا نراعي التوازن والعرض والطلب واني اضيع علي الدوله اراضب باكتوبر او القاهره الجديده او زايد باضعاف مبالغ المدن الاخري وبكده يضيع علينا مبالغ كبيره نقدر ناخدها فيا ريت نبص في اللي بيجيلنا من المشروعات ونختار صح ونكون فاهمين كل موقع وكل مدينة وطلبات الحاجزين واقبالهم هيكون فين عشان اقدر الم دولار يدخل لخزينة الدوله ..

بعتذر علي الاطاله بس كان لازم نقول ويا ريتهم يسمعو .. شكرا

.

.

.

صباح الخير ( تعديل واضافه للبوست ) :
بمناسبة زياده اسعار الحديد والاسمنت اين الدوله والرقابه علي جشع التجار الذين لا يتوانون لحظه باللعب بالاسعار وقت الازمات فنحن نعلم ان هناك زياده عالميه لكن هناك تفاوت ونصب في اسعار الحديد والاسمنت بحجة الزياده العالميه بين التاجر والاخر فأين الرقابه علي الناس دي !!! الموضوع بقي اوفر انك تلاقي واحد بيبيع ب 17500 والتاني 18000 والتالت يقولك ب 20000 وكل واحد بيضرب ارقام علي كيفه طيب ازاي ومين هيوقف الناس دي واين الدور الرقابي للتسعير حتي لو فيه زياده عالميه !!! والله حاجه تنرفز وتقرف وما يتسبب معها من عزوف الناس عن البناء .. يا ريت الدوله تكون مهتمه بالقطاع العقاري للافراد والمطورين من الزاويه دي .. وربنا يعديها علي خير
في اتصال هاتفي مع احد الزملاء بيقترح وقف العمل لمدة شهرين لبعد رمضان علي الاقل خاصة الشغل برمضان مفيش والصنايعيه مبتشتغلش انا معاه بالفكره لكني وضحتله ان فيه ناس متأخره بالتسليمات ومشاكل تانيه قالي يستحملو الشهرين .. لكنها بالنهايه فكره تتماشي مع البعض وتتضارب مع الاخر ولكن حلول لايقاف هذا النزيف ..

.

.

.

انا ملاحظ تقدم البعض مننا بحلول كتير للخروج من الازمه اللى حصلت ولكن فيه ناس بتعترض على هذه الحلول احب بس انوه على حاجه مهمه جدااا الناس اللى بتعترض على الحلول هل حضرتك عارف كام حواله اتحولت قبل منك ؟؟ .. هل حضرتك عارف كميه الفساد اللى حصل ف فتره الصباح واللى اكيد كان متفق عليه قبل المرحله بشهور ؟؟… هل سالت نفسك الطرح اتاخر ٤ شهور ليه ؟؟ … هل حضرتك ضامن بعد كل هذا الفساد انك تلحق قطعه ارض كويسه وتكون عجباك ويكون قدامك اراضى لسه متحجزتش وتقدر تختار اللى يناسبك ؟؟ اعتقد لازم كل واحد مننا يعيد التفكير ونتفق على حلول نتقدم بيها علشان نحارب كل الفساد اللى حصل ونتطبق العدل علسان محدش يتظلم وربنا يوفق الجميع .

.

السلام عليكم
هل في طرح قادم في دمياط الجديدة

.

مدينة الافتكاسات كفايه افتاءات وتضليل .. ولا عشان احنا ساكتين !!

.