السلام عليكم
أنا بكتب البوست ده من قهرتي وقلة حيلتي أنا بكتب البوست ده بعدما ذقت مرارتي العجز والخسارة
أنا مشكلتي هيا مشكلة 90٪ من إللي اشتري في بيت الوطن

انا اشتريت ارض ودفعت فيها توتال 250 الف دولار يعني لو كنت خليت فلوسي ف البنك لغاية النهارده كان زمانهم حوالي
15 مليون جنيه
لأني كنت المرحله التالته المرحله المنكوبه اسؤا مرحله بين كل المراحل
ولو حبيت أبيع الارض دلوقت مش هتجيب 12 مليون
ومفيش حد هيشتريها كمان
دي أول خساره خسرتها

المبني من سنه ونص كان بيتكلف هيكل خرساني 3 مليون جنيه
دلوقت بعد أسعار الحديد طن الحديد وصل 50000
من 14000 ل 50000 في فتره بسيطه
الهيكل الخرساني يتكلف 8 مليون دلوقت أقل حاجه
يعني زاد مايقترب من ضعفين
وعشان تشطب المبني تشطيب كلي محتاج من 5 إلي 6 مليون
يعني مرحلة المباني حوالي 14 مليون
طب لو حبيت اشطب وابني دور واحد بس إللي هوا أقل القليل
بس عشان أقدر أسلم في معادي محتاج كام
محتاج في ظل أسعار الحديد الايام دي حوالي
6 مليون
6 مليون بنيت بيهم وشطبت دور واحد
ده لو مفيش احلال كمان والتربه رمليه وعامل حيطه وآحده خرسانه
انما لو عندي احلال وتربه صخريه وعامل آكتر من حيطه خرسانه محتاج مليون كمان زياده

بعد ما تعبنا جدا في دفع الاقساط جت الرخصه خلصت الرخصه بعد معاناه وحرق دم ومصاريف
جه دور المباني
والجهاز كمان محدد مهله لو لم يتم البناء خلال المهله التي قاربت علي الانتهاء يتم سحب قطعة الارض
نحن نعيش في فترة أعصابنا حرفيا متدمره
بين قلق من عدم القدرة علي البناء وقلق م سحب الجهاز القطعه
يعني أنتا بعد كل المعاناه دي والضغط النفسي الرهيب ده وفي ظل الارتفاع الجنوني لمواد البناء لو الواحد تعسر في حاجه م الحاجات دي و المهله انتهت تتفاجيء إن تم سحب قطعة الارض من قبل الجهاز إللي أنتا عملت المستحيل عشانها
وبكل بساطه هيقولك خد الفلوس إللي أنتا دفعتها بس بالمصري بسعر التثبيت
بمعني إن مبلغ 15 مليون يقولك هتاخده حوالي 2 مليون
يعني موت وخراب ديار

إحنا في ظروف استثنائيه كل إللي طالبينه في ظل الظروف دي
مهله علي الاقل سنتين
أنا مش طالب مهله 20 سنه كل الموضوع سنتين
إحنا نفسنا نسكن فيها قبل المهله كمان لكن ما باليد حيله
ما يقدر علي القدره إلا الله
نداء إلي وزير الإسكان والساده المسؤولين إحنا بنعاني معاناه لا يعلم مداها إلا الله
اقفوا جنبنا في ابسط حقوقنا زي ما وقفنا جنب البلد في احلك الظروف والأوقات إللي كانت البلد في حاجه لدولاراتنا
ماتاخرناش

.

عرب النرجس :
مش عارف ابدأ ازاي والله العظيم .. من يومين جالي عرباوي اسمه ناصر ماسك حرف ال F لكي نتفق علي الغفره وما الي ذلك وغيره وغيره مع اني محبش اقابل او اتكلم مع اي حد مت عرب النرجس والكارثه دول مش عرب لاننا شغالين في كل احياء بيت الوطن وكلهم محترمين معانا لكن النرجس لا هتلاقي البلطجه هتلاقي السرقه وانا شخصيا تعرضت لكذا موقف سرقه ورجعنا الحديد ومره العداد الميه اتسرق وقصص كتيره فالنرجس كل واحد شاري قطعتين وقاعد عليهم وعامل لنفسه تارجت من الورا العماره دي هيطلعلي كذا فمثلا عايز علي الخشب والاسمنت والطوب والحديد والصنايعي اللي بيشتغل وا وا وا فخلونا بس نبدا القصه الاول :
الباشا وصل ولقيته كاتب لست بالطلبات رقم واحد عايز غفره 7000 جنيه ? وثاني حاجه عايز غلي الحديد 500 جنيه لو اشتريته من بره ? نع ان تاجر الحديد نفسه مبيكسبش 500 بالطن والادهي من ذلك بيقولك هردم القطعه 500 نتر وهاخد عليها 50000 جنيه اقسم بالله صدمني صدمه كأنك ضربتني بوكس بوشي .. لكن سئلت نفسي سؤال الدوله والمباحث والجهاز سايبه الناس دي ليه . طب قول انا هعرف اخد حقي واجيبه ومجهزله 3 سيناريو كل واحد ادهي من التاني لكن اللي ملوش ظهر واللي مش عارف السكه يعمل ايه !! لم اري بحياتي مثل هؤلاء الا في النرجس الجديده .. فرجائي من اي حد يتعرض لاي موقف يطلع علي القسم ويعمل بلاغ بلطجه وفرض سيطره وسرقه ان سرق وبلاغ علي موقع وزارة الداخليه وبلاغ لجهاز القاهره الجديده وهنكلم رئيس الجهاز باذن الله ومحدش يسكت علي العيال دي اللي واخدينها تجاره من البلطجه وترويع الناس يا ريت يا ريت بلاغات ومحدش يسكت عن حقه ..

.

بسم الله الرحمن الرحيم ” يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ ”
تحياتي لجميع اخواني الأعزاء في بيت الوطن
أكثر المراحل ظلم الناس كتير علي حساب ناس تانيه
و المرحله دي صعبه جدا بسبب انتشار فيروس التضليل و النفوس المريضه و الخداع و الكذب
آه انا من اول المطالبين بكشف المخالفين و طالبت ان اللي حول من غير كود قبل التنويه دا مخالف و اكتشفت ناس داخله باكونتات مضروبه تسب و تشتم علي الخاص لانه مش علي هوي ناس معينه و ضد مصلحتهم
مش ح اكون متشائم بس الوضع فعلا سيء و السوء من الناس نفسها و النفوس المريضه و المصالح الشخصيه
وجهة نظر متواضعة
بيت الوطن اوضه و صاله
– فيه ناس البنوك عندهم قفلت من قبل او وقت التنويه و هم من أكثر الناس المظلومه
– فيه اخد كود فعلا من الموقع و تحويله صح …
– فيه اخد كود بالتليفون و مش فارق معاه كل الهري
– فيه حول بدون كود قبل التنويه لان عنده معلومه من قبل التنويه بساعتين
– فيه اللي عمل معادلات و اخد اكواد مضروبه و مش كود واحد بس
– و فيه اللي ال value date بتاعه تاني يوم و زعلان اوي بدل ما كان يحول قبل الناس كلها و مش عاوز المرحله تكمل اصلا
– فيه ناس شافت المشاكل دي كلها وخافت تجازف وتخاطر بشقى غربتها وترمي فلوسها و تكمل المسرحية
كل واحد عاوز يزبط المرحله علي مزاجه و يزبط الترتيب علي مزاجه و فيه اللي عاوز يلغي الترتيب كله و يعيد ترتيب من اول و جديد
احنا مقبلين علي وضع كله لغط و تناقض لو لموضوع استمر بالمعدل دا لمدة يومين
لا تغامر بسمعتك و احترامك علشان تدخل في لغط انت في غني عنه
لا تتهم ذمة جميع الناس بالفساد
مش عاوزين ندخل فيه عداوات شخصيه مع بعض و نقعد نحارب في بعض
الخلاصه المصالح الشخصيه دلوقتي تتعارض مع الوضوح و المصلحة العامه و مش لازم تصدق كل الكلام
ربنا يرزقنا جميعا رزقاً حلالا طيباً
اللهم بارك في الرزق الحلال اضعاف مضاعفه للحرام
محمد عبدالشافي

.

مساء الخير علي الجميع .. يمكن موضوع تاني وكانه مكتوب علينا ان اي حاجه لينا عند الوزاره او اي خطأ لازم نحارب ونجري ونتعب عشان نسترده او نصلح الخطأ فيه زي موضوع سعر تثبيت الدولار بالمرحله السادسه اللي تعب ناس كتيره عشان ترجعه لاصله وموظف الجهاز بينفذ تعليمات وبيخاف علي مكانه من ناحيه تانيه ..
موضوع النهارده بقي يا ساده هو موضوع تاجيلات الاراضي والاستلامات القديمه بمعني اوضح ان فيه ناس استلمت ارضها في عام 2017 ونحن الان في 2021 يعني الناس دي دفعت الي الان اربعة اقساط والخامس العام القادم والمهم فيه ناس تظلمت علي الاراضي واكتشفنا انها لم تنتهي بعد والوزاره قالت ان الاقساط من الاستلام الفعلي وهضرب مثال ..
ارض مستلمه في 2017 وتم التاجيل الي 31/3/2021 يعني مخلصتش ومدفوع فيها 4 اقساط يعني عشان اول قسط يبدا هيبدا في 31/3/2021 يعني الفلوس دي كلها كاش عندهم .. فاحنا مش هنطالب بالفوايد لان الوزاره تربه مبتردش ميت لكن انا واحد من الناس هيرجعلي الفايده هنا وغرامات التاخير رسمي علي ثلاث اقساط من الاربعه لان الاول لا يستحق عليه فايده ولو كل ده رجع هلاقي ان نص القسط الاخير اتشال .. لكن انا بحسبها بطريقه تانيه وعايز اكيش الارض لان المبلغ المتبقي بعد التصفيه عند الاستاذ محمد العطار هيطلع صغير فالمفروض ادفع المتبقي واخد 7.5% خصم .. يعني هيطلع كده تقريبا مفيش قسط خامس .. وطبعا مفيش تعليمات عندهم بكده فالمفروض كلنا نسعي عند الوزير والهيئه والاداره الماليه بالهيئه انهم يبتولنا في الموضوع ده ولو لم يبت فيه كلنا هنشتكي ونطالب بحقوقنا طالبا القانون يسمح وبدون ان يخاف الموظف من المخالفه .. فيمكن اول مره اكتب عند الموضوع ده لان ده حقنا وحق الناس كلها ولازم كلنا نشتغل عليه وباذن الله باول اجتماع قادم بمجلس ادارة اتحاد المطورين سنثير هذا الموضوع ونتبناه ونقدم مذكره للوزير باذن الله .. يا ريت بعد الشرح ده كله ووجع القلب ده محدش يقولي مش فاهم لاني هحدفه بطوبه بصراحه ? .. ومساء الفل .

.

.

.

.

السلام عليكم
رجاء الافادة عن تجربة :
هل يمكن للمغترب حجز قطعة أرض عن طريق التحويل أون لاين ؟

.

شكر خاص للصديق الغالي ……………
على التواصل وارسال صوره من الميل المرسل من الهيئه
للتأكيد على وصول الحواله ، #والملاحظ ?

1_ الميل لم يذكر المبلغ المحول كما تم ذكره سابقا بالمرحله السابعه .
2 _ الهيئه تقول ان الترتيب بناءا على التقرير النهائي المُرسَل من البنك المركزي بما يفيد ترتيب وصول الحوالات لدى المركزي .
كل واحد يصحى الصبح ويْرَفْرِشْ للميل بتاعه ?

*****يعني الهيئه مبترتبش حاجه . ? نهدى بقى وننام .
#رائد_بيت_الوطن?

.