.

صباح الخير وجمعه طيبه عليكم جميعا ..
احنا في بيت الوطن من بداياته منذ ان بدأ .. وبيت الوطن مشروع من ضمن مشاريع الدوله القوميه المطروحه وبتخطيط من الدوله لجلب العمله الصعبه لاقتصاد البلد وفيه مشاريع تانيه كتير ايشي بالمصري وايشي بالتخصيص المباشر فده معناه ان الطروحات كثيره لجلب الاستثمار من ابنائها والمتاجره معاهم للمصلحه المزدوجه وانت كشخص لو مش مستفيد مش هتحول ولا هتحجز لذلك هقول بيت الوطن والوطن نفسه خيره علينا كلنا والجميع يعلم لذلك لكن هناك بعض الاصوات النشاذ عماله تفرك لمصلحته الشخصيه وبفكره المحدود وبقناعة لو انا مفزتش يبقي لا مينفعش وافضل اشكك هنا وهناك واتكلم علي الافراد وانم واشتم ومش هعترض علي ذلك لاننا جميعا من بيئات مختلفه وتربيات مختلفه فلازم هتلاقي ده وهتلاقي ده فمتكرهوش الناس فيكم لكن خلونا نحترمهم ونقدرهم زي زمان ومنفضلش نفتي ونشكك في كل حاجه تحت مسمي نظرية المؤامره ومش هطول اكتر من كده كفايه عشان اخش بالمفيد ..
وزي ما قولت احنا من بدايات بيت الوطن يعني نعي فكر المسؤلين جيدا وكيف يفكرون ونتوقع دائما ما سيحدث نظرا لخبراتنا الطويله معهم وايضا لان الموضوع مش محتاج ذكاء فالمرحله تشابه المرحله التانيه في الاقبال ومش هيرجع دولار لان الدوله محتاجاه في هذه الظروف .. عشان كده بتوقعي هيكون فيه تكميليه او فتح مربعات جديده لاستيعاب الكل وايهما افضل لهم مع تفضيل فتح واضافة مربعات ليكون التخصيص مره واحده افضل ولعدم تضييع الوقت عشان كده لازم نهدي وننتظر ما ستأتي به الايام والكل هيحجز لان المنفعه متبادله بيننا وبينهم بدون ضجيج ولا وجع قلب واي مسؤل مبيفتيش من دماغه ولا بيسمع كلام حد غير شروط مجلس الوزراء وما يتماشي مع المصلحه العامه فرجاء الهدوء والناس اللي بتزيط ومعروفين بالاسم للجميع وللدوله ومعروف هناك كل واحد محول ايه وباسم مين ومين اللي حول فكل شئ مسجل ومدون ويعلمون كل شخص بيتكلم في الاتجاه ده ليه وليه بيزيط لان الورق هناك مكشوف بالتفصيل قيا ريت كده ناخد بريك ونهدأ كده علي ما ربنا يسهل والدوله تستوعب الجميع .. وجمعه مباركه

.

هو الصرف الصحى هيشتغل فى الحى الاول و الثاني امتى ؟

.

.

.

مقططفات من تعليقات البوست السابق الموجه الي الهيئه والقائمين عليها يمكن كلامنا يفيد وسنرد علي الاسماء التي طرحت التساولات كل علي حده مع حفظ الالقاب والاسماء فجميعنا اخوه ..

1- اول تساؤل من هشام وجدي بيقول فيه هي الارض اللي اقترحتها بالبوست السابق مميزه يا حاج علاء !!! يقصد هنا اراضي الحي التامن والسادس وحرف E بالحي الرابع .. اقول طبعا اراضي معقوله وفيه ايضا مشكله تانيه الارض دي كانت قرعه والبواقي كتير والمشكله معظم هذه الاحياء اتبني وخلص واتسلم للناس المشترين او الساكنين لاراضيهم فازاي هتسيب الاراضي دي تخرب علي الناس دول شغلهم واللي شطبوه وهيبقي فيه بهدله كتير من العرب والسيارات النقل والمقاولات المفتوحه لخمس سنوات اخري لذلك لابد من الاسراع للانتهاء من هذه الاحياء لانها مقابله للعاصمه وعلي المنوريل وهتكون محل انتقاد يومي لو مكملتش وبسرعه ..
2- ثاني فرد محمد عزمي بيحاول يوصل للوزاره وبيقول كفايه تفكير في موضوع ان اللي بياخد بيبيع باوفر وبتستكرو عليه ذلك فبيقول لو احنا مكسبناش مين هيبيع ارضك او طرحك وهيسوقلك الارض غيرنا !! ومش هتعرف تبيع فلازم نكسب والدوله تكسب لانك لو هتبص لنفسك مش هتبيع ولا هتعرف ..
3- محمد عيد لا يثق بالهيئه لانهم بيغيرو الشروط لصالحهم فقط واضافة شروط ربويه لذلك هناك تاثير سلبي علي الطروحات والمراحل وعدم توافر الثقه بيننا وبين الوزاره ..
4- الحج سيد العربي بيقول لازم نقابل الدكتور وليد لانه القادر علي الحلول ويعي بيت الوطن جيدا وحتي يعرف الاماكن والاراضي وقادر علي خلق حلول ومبيغيرش في الشروط بعد طرح المراحل وكذلك المهندس خالد عباس كان كذلك ..
5- انور مناع بيقول انتو ليه شايلين الشقق وهتعملو ليه تكميليه وتضييع وقت فبقوله يا انور يمكن الرجله هناك معندهمش شغل فبيخلقولهم شغل لبعدين ونفضل مستنيين شهور ووقتنا واشغالنا تضيع ..
6- ابو عمر طهقان من الهيئه وفضل انه ميدخلش من المرار اللي شافه قبل كده وضياع وقت وتغيير شروط ..
7-مجدي الدكر من المرحله التانيه ولسه مستلمش ودي مصيبه في حق الوزاره .. الجهاز مبيشتغلش والشركات مبتشتغلش ومبتاخدش فلوسها ولو فيه شغل فهو روتيني بطئ فبصراحه بيت الوطن القديم مظلوم ن يا ولدي مظلوم ن مظلوم ..

———————————————————————————–

دي كانت مقتطفات واعتراضات الحاجزين علي اللي بيحصل ونخرج منها بتوصيات كتيره ..

كراسة شروط نزلت محدش يلعب فيها لكي لا نضطر الي رفع قضايا ووجع قلب وترجع الوزاره تقولك مهلة سداد يشرط التنازل عن قضايا الهيئه .. هضرب مثال صغير اللي حصل باخر طرح للشقق وخلينا ساكتين مؤقتا لحد منشوف التاسعه وهيتعمل فيها ايه ..

بيت الوطن القديم وان المهله انتهت وناس خلصت مبانيها وفيه ناس مستلمتش الي الان ..

لجنة التسعير انت ليه مبتشربش كوباية ليمون وانت بتسعر ليه عشان تهدي وتعرف الدنيا بره ماشيه ازاي وايه المناسب ولا حضرتك عايز تعمل شغل او هتطلع علي المغاش وعايز تجدد !! فبتخبط اي اسعار وخلاص دون دراسه !! ..

موقع الهيئه وطبعا انا بحب الموقع ده بصراحه من احسن المواقع المصممه بتلاته شلن حد فاكر الشلن !! الموقع يا سيدي تيجي تاخد كود يديلك الارض ويحجزهالك من اول لحظه حتي لو انت محولتش فلوس ومش عايزنا نحبه !!! واقترحت سابقا علي الدكتور وليد 50 دولار علي كل حواله لتطوير الموقع بدل ما كل شويه يتعمل عليه هاك ومبيستحملش حتي 500 شخص يدخلو في وقت واحد !! ..

المصلحه والمنفعه مشتركه فأن لن تراعو ذلك الوضع كل يوم من سئ لاسوأ ..

اختيارات الاراضي من المشروعات .. نفسي اعرف مين بيختار ويحط الاراضي لاننا مش هنفرح بعدد مدن كتيره باللست بكل المحافظات ولا نراعي التوازن والعرض والطلب واني اضيع علي الدوله اراضب باكتوبر او القاهره الجديده او زايد باضعاف مبالغ المدن الاخري وبكده يضيع علينا مبالغ كبيره نقدر ناخدها فيا ريت نبص في اللي بيجيلنا من المشروعات ونختار صح ونكون فاهمين كل موقع وكل مدينة وطلبات الحاجزين واقبالهم هيكون فين عشان اقدر الم دولار يدخل لخزينة الدوله ..

بعتذر علي الاطاله بس كان لازم نقول ويا ريتهم يسمعو .. شكرا

.

.

.