المفاضله في التخصيص المباشر للدولار الأخضر له كلمته .
عايز اشرح نقطة هامة ممكن توضحلك اذا كان الدولة المصرية بتدير ازماتها صح او لا...انا حقولك كل البيانات بتصريحات رسمية منهم همة شخصيا و انت تحكم عقلك. عارفين حجم الامطار اللي نزلت على مصر خلال ال 48 ساعة الماضية كانت قد ايه؟ 3 مليار متر مكعب من الميه عالاقل كرقم تقريبي متحفظ ...يعني تقريبا 6% من حصة ماقرأ المزيد
عايز اشرح نقطة هامة ممكن توضحلك اذا كان الدولة المصرية بتدير ازماتها صح او لا…انا حقولك كل البيانات بتصريحات رسمية منهم همة شخصيا و انت تحكم عقلك.
عارفين حجم الامطار اللي نزلت على مصر خلال ال 48 ساعة الماضية كانت قد ايه؟
3 مليار متر مكعب من الميه عالاقل كرقم تقريبي متحفظ …يعني تقريبا 6% من حصة مصر السنوية من نهر النيل…انا حسبتها من خلال معادلات رياضية للعلاقة بين كثافة الامطار و مدة سقوطها و مساحة السقوط و المتوسط المحسوب…طبعا ده بخلاف الميه اللي اتخزنت في الابار الجوفية.
طيب مصر راح منها حجم الامطار ده ليه مع ان كان ممكن الاستفادة يه لو عندنا بنية تحتية لصرف الامطار و اعادة استخدامها؟
علشان المتحدث الرسمي للدولة طلع من كام شهر قالك انا مينفعش اصرف 200/300 مليار جنيه علشان نعمل شبكة لصرف الامطار علشان يومين مطرة في السنة.
– طبعا الرقم بتاعه مبالغ فيه و ملوش اي دراسة علمية معلنة, بس حفترض معاك انه رقم صحيح و حقيقي…عارف مصر بتصرف كام على محطات تحلية المية الجديدة و اعادة تدوير الصرف لتعويض فاقد سد النهضة؟
حسب تصريح السيسي في اكتوبر 2019 قال اننا صرفنا 200 مليار جنيه علشان نحلي مليون و نص متر مية يوميا و حيوصلوا 300 مليار جنيه خلال سنة…يعني سنويا يطلعوا قد ايه كمية ميه؟ نص مليار متر مكعب تقريبا.
طيب بالمنطق نصرف 300 مليار جنيه على محطات تحلية علشان نص مليار متر مكعب و لا نصرف برضه 300 مليار جنيه علشان نخزن مياه امطار تتجاوز 3 مليار متر مكعب في المرة؟
و على فكرة الظاهرة المناخية دي متكررة و اتوقع ان مصر تخش نطاق الدول المطيرة يعني ممكن سنويا نكون بنتكلم في 10 مليار متر مكعب امطار يعني %20 من حصتك في نهر النيل جايالك من السما حرفيا و ببلاش… فكدة كدة حتصرفهم….
هو انت فكرك مية النيل دي كلها جاية منين؟ ماهي امطار برضه من دول المنبع…التغير اللي بيحصل في المناخ ابتدى يديلك جزء من الميه دي و بكميات ضخمة…مش ان الاوان نفكر نستخدمها؟
ربنا بيبعتلك ثروة واجب تستغلها مش تترمي في الارض…الميه اهم من البترول!..هي السما لو بتمطر بترول كنت حتسيبها تترمي هدر كدة؟
ده بخلاف انك حتوفر قيمة التلفيات اللي بتحصل كل ما المطرة بتنزل من تجريف طرق و وفيات و خسائر مادية بالمليارات.
حد يقولي اذا الكلام مش منطقي؟ هل دي ادارة رشيدة للدولة؟ و لفلوسنا؟ ما هو احنا اللي حنحاسب عالفلوس دي كلها على فكرة .. يبقى عالاقل حقنا نفهم هي بتتصرف ازاي !
فيديو السيسي
فيديو المتحدث باسم مجلس الوزراء
*المتر المكعب= الف لتر ميه
لو فهمت البوست و اقتنعت بيه اعمله شير يمكن يوصل (منقول)
التخصيص المباشر فيه تفاصيل كثير غير انه بارقام كبيره جدا ووجود الدولار في المفاضله نادر لعدم وجود شركات اجنبيه بتقدم من ناحيه ومن ناحيه تانيه الارقام كبيره علي المغتربين علشان كده الدولار مش موجود في 99% من الطروحات الخدميه
التخصيص المباشر فيه تفاصيل كثير
غير انه بارقام كبيره جدا ووجود الدولار في المفاضله نادر لعدم وجود شركات اجنبيه بتقدم من ناحيه ومن ناحيه تانيه الارقام كبيره علي المغتربين علشان كده الدولار مش موجود في 99% من الطروحات الخدميه
قراءة أقل