من باب المعلومة بس هو آخر طرح فى التجمع الثالث سكن مصر كان الاسعار و المقدمات ايه للعلم لا اكثر

.

يا ريت الملاك تتابع توصيل المياه لقطع الاراضي بالحي الاول مع الجهاز. شركة ايجكو شغالة عليها ومطلوب متابعة وضغط

.

عارفين نتيجة علانات الشركات دي اللي بتبيع 4700 اوربعة الاف جنيه من البعض!!..المتر يا ساده تجاري بسعر وثمن الارض يعدي 5000 والمتر الفاخر او اي حد بيبني لنفسه 6000 جنيه .. يبقي فيه لغز واللغز في الصور اللي هنشرها لعمارات عماله تقع من شركات وقلة خبره ونقص بكميات الحديد وعدم وجود ضمير او رادع يوقف الناس دي لان اقل متر بيع وبالعافيه 7500 في بيت الوطن وطبعا النرجس اغلي بكتير فهقول للشركات اللي بتشتغل من تحت بير السلم اتقي ربنا دي ارواح ناس .. واي حد عايز يشتري يستشير جمغية المطورين عن اسم الشركه اللي بيشتري منها ..

.

.

ايه الاجراءات المتبعه لو اكتشفت بعد مدفعت مقدم وقسطين من تمن الشقه واكتشفت ان الارض لم تحصل علي رخصه البناء ولما قلت فين الرخصه قالو مفيش دلؤتي وانت ملتزم بعقد ومعادك بعد ٤ سنين الاستلام السؤال بقا اعمل ايه ادفع اققساط ولا اوقف ولا ايه الحل

للمعلوميه كل ما تم تدوينه بخطاب الدكتور وليد عباس هو ما اتفقنا عليه سابقا كأتحاد مطورين مع الهيئه حيث قدمنا خمس اقتراحات اختير منهم مقترح 2 ومقترح 4 ومن اعد الاقتراحات وبالتشاور مع اللجنه الفنيه هو المهندس ياسر عبدالله وده احقاقا للحق ( علاء جمعان )
____________________________________________________________
بخصوص توحيد الواجهات والطابع المعماري .
من شهر فات صدر جواب من الهيئة موجه إلي اجهزه المدن بالغاء توحيد الواجهات والطابع المعماري وده كان خبر المفروض يرضي كل المطورين وأصحاب الاراضي لعده نقاط
وهي ان اصلا النماذج المعتمده غير مرضيه وفقيره جدا وخلاف ذلك كراسه الشروط لايوجد فيها الزام بذلك ومع ذلك تعنتت اداره التراخيص في الجهاز ليه ماحدش فاهم اي علاقتهم بالموافقه او الرفض ماحدش فاهم المهم بالتواصل مع م/ مختار الشقنقيري لأيجاد حل في هذه النقطه توجه مشكور الي الهيئه وأصر علي التواصل مع المسئولين عن ذلك الأمر ومنذ ذلك اليوم لم يتنازل عن الغاء ذلك الأمر لكونه أمر مخالف وغير مرضي للجميع.
واحقاقا للحق اتحاد المطورين كان يسعي في ذلك الأمر أيضا وبمجهود الجميع الجواب المخصص بإلغاء هذا القرار شكرا
م/ مختار الشقنقيري
شكرا اتحاد المطورين
Aly elnady

.

وصرح مصدر مسؤول بجهاز القاهره الجديده بان نسبة التنازل لن تزيد عن 10% ولكن تبدأ بنسب قليله للاقرباء من الدرجه الاولي كالابن والبنت والزوجه والاخ وكلن حسب نسبة القرابه .. وغدا سنجتهد في الباقي الناس نامت اهدو بقي ( ان غدا لناظره قريب ) ..?

.

.

بسم الله الرحمن الرحيم
ازاي تقدم علي موقع مسكن خطوة بخطوة
اولا اية هوا موقع مسكن
دا موقع خاص بالطروحات الدائمة للاراضي الخاصة بهيئة المجتمعات العمرانية وبيتم كل 3 اشهر نزول مجموعة من قطع الارضي علية بنظام الطرح عشان الي عايز يقدم عليها
ازاي اقدم واحجز علي موقع مسكن
حاليا فية طرح اراضي علي نظام مسكن
قطع اراضي متوسطة وقطع اراضي مميزة وقطع اراضي اكثر تميزا
حضرتك بتدخل علي الموقع
https://reserve.newcities.gov.eg/
وتختار نوع الاراضي الي انت عايزها
وتختار المدينة الي عايز تقدم فيها
وتشوف الاسعار والمساحات المتاحة وتختار قطعة الارض الي هاتقدم عليها
اولا لازم تعمل اكونت علي الموقع
الاكونت بتحتاج صورة البطاقة بتاعتك وش وضهر وصورة بطاقة الزوجة ولو عندك اطفال قصر صور شهادات الميلاد وهاعمل بوست بالصور ازاي تعمل اكونت علي الموقع
بعد ماعملنا الاكونت
تدخل علي قطعة الارض وتدوس عليها
وتدوس علي حجز مبدئي
هاتدخل علي صفحة كتوب فيها بينات القطعة وفية مكتوب **بيانات السداد**

هنا هاتكتب كام نسبة السداد الي ناوي تستكملها لو الارض رسيت عليك
يفضل تكتب 100% لان الكل هايكتب 100% ولو حد تاني كتب 100% وانت اقل منة طلبك بيترفض ومش بتدخل القرعة اليدوي
بعدها تدوس تقديم طلب
هايوصلك رقم الاستمارة علي الميل وعلي السيستم
تاخد رقم الاستمارة وتروح اما البنك بتاعك او بنك التعمير والاسكان وتعمل تحويل علي رقم الاستمارة المبلغ الاتي
25500 قطع الاراضي المتوسطة
100500 قطع الاراضي المميزة
351000 قطع الاراضي الاكثر تميزا

وبعدها ننتظر يوم القرعة اليدوية الي هاتم بين المتقدمين

وبازن الله هانشرح العملية باستفاضة اكثر وهانعمل اكثر من فيديو خاص بازاي تعمل الاكونت بتاع مكسن وازاي تعمل الطلب واية الفرق بين قطع الارضي

.

.