#دردشة_مغتربين #استقيموا_يرحمنا_و_يرحمكم_الله
#دي_شهادة_حق #بخس_السلعه
طبعا ناس ح تهاجمني خصوصا اللي لها مصالحها
كل حاجز يجب عليه الإستعداد لبخس السلعه و دي فرصه للبعض من يستغل الظروف
علشان كدا نقول اللي يقدر يحجز و يستحمل علشان البخس للسلعه ح يكون علي أشده من الجميع و بلا استثناء
كل صاحب ارض ح يكون زي الفريسه يا تكون مفترس يا ما تدخل اللعبه
قوة السوق يأتي من قوة من يمتلك السلعه
الملاك هم الطرف الاقوي في السوق
و لكم العبرة في بيت الوطن بالمدفوع
مثال آخر النورث هاوس ( في البدايه كان بالمدفوع او بالكتير ١٠٠ الف و الحمد لله الملاك اتجمعت و استقووا ببعض وصل الأوفر ل ٣٥٠ الف و لبعض القطع ل ٥٠٠ الف)
في ظل الظروف العاديه البعض يبيع بمبلغ قليل علشان التاجر اللي يشتري منك يكسب و اللي بعده يكسب زي ما حصل في النرجس بدأ ب ٤٠٠ و وصل لفوق اوي
انما دلوقتي الوضع مختلف بالمره السوق مش مستحمل (المشرحه مش ناقصه)
ح يتخصص لك اعمل حسابك انك رميت حاجه للزمن مش دا وقتها
قبل كدا قولت قيمة اقل اوفر القطعه من ٦٠٠ الف و يوصل ل ٣.٨ مليون في بعض القطع
هو دا توبها بس مش وقته يبقي تصبر اما المانجه تستوي

لو قد اللعب العب …(اللي يخاف من الدح ما يقولش اح) مش قد اللعب اتفرج و رجع فلوسك و خليك في الامان
اوعي تفكر تتنازل عن حوالتك لحد تاني لان التخصيص ح يكون باسمك
اوعي تفكر تبيع بمبلغ بخس لان كل المخالفات و القضايا و الضرائب ح تكون علي اسمك النهايه مس تفرح ب ١٠٠ و لا ٢٠٠ و تدفع ضرايب مليون و مخالفات و كمان سجن و قضايا

رينا يوفق الجميع

.

⬅️ بيت الوطن ( المرحلة الثامنة)

?️ في يوليو ٢٠٢٠ تم طرح أراضي للافراد أكثر تميزا بالجنيه المصري، وطبعا من ضمن المدن المطروحة كانت القاهرة الجديدة، وكان الطرح في الحي الخامس – مشروع بيت الوطن.

?️ كان سعر المتر ٧٥٧٠ جنيه بدون نسبة التميز.
?️ كانت المساحات من ٦٧٠ م – ١١٠٥ م
?️ أقل قطعة كانت ب ٥ مليون و ٢٠٠ الف جنيه تقريبا
?️ اكبر قطعة كانت ب ٨ مليون و ٧٨٠ الف جنيه تقريبا.

?️ طريقة الحجز كانت ألكتروني عن طريق بنك التعمير والاسكان.
?️ مقدم الحجز كان ٣٥٠ الف، وبعد الحجز تستكمل الي ٥٠ ٪ من قيمة الارض، والباقي اللي هو ٥٠ ٪ قبل الاستلام ( بمعني أدق انك بتشتري الارض كاش بدون تسهيلات)

?️ النتيجة كانت عزوووووف تام عن الحجز في القاهرة الجديدة بسبب عدم وجود تسهيلات في السداد.

?️ الحي الخامس ده بالقطع دي اللي تم طرحها للداخل منذ سنتين هاينزلوها للمغتربين بالخارج ???
هاتنزل بنفس السعر اللي تم طرحه منذ سنتين ب ٧٥٧٠ جنيه

?️ طبعا نازلة بنفس السعر لانه مفيش أقبال عليها وكمان هايكون فيه ميزة انها تنزل للمغتربين انها هاتكون أقساط علي ٥ سنوات لكن بالدولار ???

?️ طبعا الحكومة لن تتطرح قطع أراضي للافراد في الداخل لانها لا تريد الجنيه المصري ولكن الطلب حاليا علي الارنب الاخضر ????

?️ توقعي الشخصي لن يكون فيه أقبال علي قطع الحي الخامس في بيت الوطن، لان المغتربين بالخارج بيبحثوا حاليا عن الارض اللي هايكون فيها أوفر ??
لذلك هايكون الاقبال علي

منطقة أمتداد النرجس بالقاهرة الجديدة
مدينة ٦ أكتوبر
مدينة دمياط الجديدة

? متوقع طرح المرحلة الثامنة للمغتربين الاسبوع القادم بعد أجتماع البنك المركزي يوم الخميس ١٩ مايو ٢٠٢٢

⬅️ ده موقع الهيئة الخاص بمشروع بيت الوطن ?

https://lands.nuca.gov.eg/ar/Home.aspx

اللي هايدخل يسجل عليه المغترب فقط ( هاقول تاني المغترب فقط)
نركن فضول المصريين ده علي جنب ?
هتحتاج الاوراق التالية
١ – ايميل
٢ – صورة جواز السفر
٣ – صورة الاقامة في الدولة اللي حضرتك شغال فيها
٤ – صورة البطاقة الشخصية

بس كده ???

تابعووووووووونا ????

.

تحديد يومي 12 / 13 ابريل للمتخلفين باستلامات النرجس بكل الحروف ..

.

من أفضل النصائح البيزنس الشخصي .
و دا مهم لكل من يفكر يستثمر في بيت الوطن ?
– لازم تخاطر ، لو بتحب الأمان أبعد عن البزنس
– بلاش تعتمد علي التوقعات أو الأمل و التحفيز
– اتعلم من أخطاء الاخرين مش من نجاحاتهم
– أوقات كتير السوق بيبقي خداع المكسب غير دائم والخسارة كمان … لازم تتعلم امتي تكسب وامتي تخسر
– أوعي تسأل الناس عايزة اية ؟ لأن هما نفسهم ما يعرفوش
ربنا يوفق الجميع ???

.

السلام عليكم ورحمة الله وبركاتة استفسار هل يلزم شهادة اشراف بكل مرحلة من مراحل بناء المنشاء ام لا وهل عند تسليم الجهاز تلزم هذة الشهادة

ملخص دفع ضريبة التصرفات العقارية

– يتم الدفع في مصلحة الضرائب العامة و ليس في الضرائب العقارية .
– ⁠يتم الدفع حسب العنوان المسجل في بطاقة الرقم القومي بغض النظر عن عنوان العقار .
– ⁠الاستثناء الوحيد هو في حالة كان البائع لديه ملف ضريبي موجود مسبقاً ، عندها يتم الدفع في مكان الملف الضريبي بغض النظر عن عنوان العقار او العنوان في بطاقة البائع .
– ⁠يتم العمل في مصلحة الضرائب العامة من خلال برنامج موحد موجود به اسعار كل الوحدات في الجمهورية .
– ⁠السداد Debit or Credit .
– ⁠يتم خصم 30٪ من الغرامات في حالة سداد البائع مباشرة و ليس عن طريق المحكمة .
– ⁠يتم احتساب 2.5٪ كضريبة من قيمة البيع و احتساب غرامة بعد شهر من التاريخ المسجل في عقد البيع ⁠⁠حتي لو تم التسجيل في وقت لاحق فيعتد بتاريخ العقد فقط .
– ⁠الضريبة 2.5٪ حتي ثلاث وحدات ( يفضل ان تكون متباعدة في تاريخ البيع ) ، ثم تزيد النسبة في الوحدة الرابعة .
– ⁠منطقة التجمع تتبع مصلحة الضرائب العامة في ش عمر مكرم في مدينة نصر قبل السلاب .

.

.

السلام عليكم ..هو اه الحديد الاستثماري وهل حد جربه في المباني من حضراتكم ..واه نتيجة تجربته ..لان سعره اقل من حديد عز والمصريين بحوالي ٢٠٠٠ جنيه .شكرا

.

.