.

.

السلام عليكم ممكن اعرف يعنى ايه منطقة الخدمات لان عايز احجز قطعة أمامها خدمات ف ده بتكون عبارة عن ايه و هل شئ مش كويس ولا ميزة و شكرا لحضراتكم

.

.

بنك اة اللىى بيسمح افتح حساب بالدولار واعمل شيك مصرفى لدفع القسط

.

اي حد عنده رخصه ومدفعش رسوم الدفاع المدنى يجري بسرعه يدفعها الرسوم هتتغير وهتبقي علي المتر المربع وبالصلاة علي النبي كده بدل مكنا بندفع 11000 هندفع بعد كده فوق الاربعين الف يعني اي رخصه هتتعمل هتعدي ال 100 الف جنية .. ☹️

.

من فضلكم حد عنده فكره عن تعديل الرخصه بحيث تذيد مساحه المتكرر طبقا للقانون الجديد
تاخد وقت اد ايه
وهل مستاهله ولا لا
يعني انا صبيت عمدان الارضي
هل اتوقف واعدل الرخصه
ولا اكمل وخلاص
مدي جدوي التعديل ؟
ومدته ؟

خالد عباس: الدولار معيار الحصول على اراضي بيت الوطن وليس العمل بالخارج | أصول مصر

.

ملخص احداث بيت الوطن مرحله 8 ، ولو الكلام اللي هكتبه ده طلع غلط ، اتحاسب عليه وهبطل بيت وطن ……….

#اولا / عدد الحوالات تاريخي يفوق 9000 حواله الى الآن

#ثانيا / كل الحوالات الاولى في المقدمه من خارج جمهوريه مصر العربيه وبالأخص ٩٠ % منهم دولة الكويت وهذا كلام احاسب عليه بمعنى ان النرجس واكتوبر هتخلص والحوالات الاولى من الكويت لم تنتهي ومدخلش بينهم حواله واحده من مصر والكلام ده احاسب عليه وبأكد كلامي تاني وثالث احاسب علييييييه
#ثالثا/ الحوالات اللتي تم تحويلها من 12 صباحا تم اعتمادها بالترتيب والتحويل وهي دي اساس المشكله

#رابعا / الترتيب النهاااااائي خاص بهيئة المجتمعات العمرانيه وذلك اول مره يحدث هذا الحدث
( له ماله وعليه ماعليه )

#خامسا / برغم اني كنت ضد فكرة اللفات وان كل اكاونت ياخد قطعه واحده في الاول ، ولكن بعد اللي عرفته اليوم اتمنى فعلا ان القرار ده يتم تطبيقه ، واهو ع الاقل كل واحد من مصر او من بره مصر ياخد قطعه وتبقى اتعشت وربنا يصلح حال الرجاله اللي معروفين ومحولين 8 حوالات على 8 اكاونتات بحسابات جديده مقدرش اقوله غير انت واد معلم منك ليه وارفعلكوا القبعه ،،،،وبدل ما الساده اللي محولين منقسمين وعاملين 4 احزاب ياريت تتحدوا وتطلبوا فتح زونات جديده ، اتحدوا مره واحده في حياتكم يرحمكم الله.
( الكويت?? )

#رائد_بيت_الوطن?

.

#دردشة_مغتربين #سياسة_القطيع
بما ان معظم الناس وصلها ايميلات و القليل لسه و ناس كتير وصلها اليوم و ح يوصل الباقي خلال اليومين اللي جايين
و فيه تسريبات ان التخصيص الاسبوع اللي جاي
بلاش فكرة القطيع و تمشي ورا الناس
اوعي تصدق كل الكلام اللي يتقال لك علي السوشيال ميديا
ناس تقول لك ح استرد و هو اول واحد ممكن يحجز
و ناس تانيه تفكر انها تحجز طالما الناس بتحجز ايه المانع انا احجز كمان و فيه ناس توجه البعض
شوف ظروفك الشخصيه و قدرتك الماليه
خد قرارك انت عن اقتناع و مفيش خلاف علي تميز المكان و الأراضي مميزة و قيمتها كبيرة
المستقبل مجهول للكل و مفيش حد ح ينفعك سواء حجزت او لا … ممكن تندم انك حجزت او تندم انك ما حجزت
دي ظروفك انت و انت ادري بيها
شوف التزاماتك الماديه الفترة اللي جايه و انت مش ح تحتاج المبلغ دا خلال الفتره اللي جايه و قرر
طيب و إضافة ١٦٦١ قطعة ارض
اه هم مش عايزين دولار يرجع و الأراضي اللي ح تنزل مميزه
الهدف مفيش دولار يرجع
و طبعا مع الأوضاع الحاليه الناس انقسمت إلي
– ناس تفكر تسترد
– ناس تفكر تحجز قطعه صغيرة و تسترد البواقي
– ناس كدا كدا ح تحجز
– ناس ح تترك حوالتها و تفكر بعدين لو مكان افضل نزل و تقرر بعدين
الهيئة عايزين يراضوا الناس باراضي اضافيه
و دا شيء كويس بس معناه ان فيه أراضي اكتر في السوق
و مش معناه ان مفيش مخالفات و دي ح تظلم اي حد
أخيرا
الاسترداد كان ياخد من ٣ شهور من انتهاء المرحله حتي سنه انما في ظل الظروف الحاليه امتي الاسترداد .. الاجابه عند الهيئة
** خد قرارك عن اقتناع منك و يكون مناسب لظروفك انت و بس و مش علشان فلان قال حاجه تمشي وراه

ربنا يوفق الجميع و ربنا يسترها علينا و علي اهالينا جميعا ?

.