السلام عليكم
أنا بكتب البوست ده من قهرتي وقلة حيلتي أنا بكتب البوست ده بعدما ذقت مرارتي العجز والخسارة
أنا مشكلتي هيا مشكلة 90٪ من إللي اشتري في بيت الوطن

انا اشتريت ارض ودفعت فيها توتال 250 الف دولار يعني لو كنت خليت فلوسي ف البنك لغاية النهارده كان زمانهم حوالي
15 مليون جنيه
لأني كنت المرحله التالته المرحله المنكوبه اسؤا مرحله بين كل المراحل
ولو حبيت أبيع الارض دلوقت مش هتجيب 12 مليون
ومفيش حد هيشتريها كمان
دي أول خساره خسرتها

المبني من سنه ونص كان بيتكلف هيكل خرساني 3 مليون جنيه
دلوقت بعد أسعار الحديد طن الحديد وصل 50000
من 14000 ل 50000 في فتره بسيطه
الهيكل الخرساني يتكلف 8 مليون دلوقت أقل حاجه
يعني زاد مايقترب من ضعفين
وعشان تشطب المبني تشطيب كلي محتاج من 5 إلي 6 مليون
يعني مرحلة المباني حوالي 14 مليون
طب لو حبيت اشطب وابني دور واحد بس إللي هوا أقل القليل
بس عشان أقدر أسلم في معادي محتاج كام
محتاج في ظل أسعار الحديد الايام دي حوالي
6 مليون
6 مليون بنيت بيهم وشطبت دور واحد
ده لو مفيش احلال كمان والتربه رمليه وعامل حيطه وآحده خرسانه
انما لو عندي احلال وتربه صخريه وعامل آكتر من حيطه خرسانه محتاج مليون كمان زياده

بعد ما تعبنا جدا في دفع الاقساط جت الرخصه خلصت الرخصه بعد معاناه وحرق دم ومصاريف
جه دور المباني
والجهاز كمان محدد مهله لو لم يتم البناء خلال المهله التي قاربت علي الانتهاء يتم سحب قطعة الارض
نحن نعيش في فترة أعصابنا حرفيا متدمره
بين قلق من عدم القدرة علي البناء وقلق م سحب الجهاز القطعه
يعني أنتا بعد كل المعاناه دي والضغط النفسي الرهيب ده وفي ظل الارتفاع الجنوني لمواد البناء لو الواحد تعسر في حاجه م الحاجات دي و المهله انتهت تتفاجيء إن تم سحب قطعة الارض من قبل الجهاز إللي أنتا عملت المستحيل عشانها
وبكل بساطه هيقولك خد الفلوس إللي أنتا دفعتها بس بالمصري بسعر التثبيت
بمعني إن مبلغ 15 مليون يقولك هتاخده حوالي 2 مليون
يعني موت وخراب ديار

إحنا في ظروف استثنائيه كل إللي طالبينه في ظل الظروف دي
مهله علي الاقل سنتين
أنا مش طالب مهله 20 سنه كل الموضوع سنتين
إحنا نفسنا نسكن فيها قبل المهله كمان لكن ما باليد حيله
ما يقدر علي القدره إلا الله
نداء إلي وزير الإسكان والساده المسؤولين إحنا بنعاني معاناه لا يعلم مداها إلا الله
اقفوا جنبنا في ابسط حقوقنا زي ما وقفنا جنب البلد في احلك الظروف والأوقات إللي كانت البلد في حاجه لدولاراتنا
ماتاخرناش

.

.

صباحك فل يا عمدة ، دلؤتى انا عاوز اعرف انا من 2015 الحى الثالث حرف C ولسة مفيش أخبار عن مواعيد التسليم وأسعار مواد البناء ولعت لدرجة انها عمرها ما هتتطفى وتنزل تانى ، ولو أى حاجز لقطعة أرض تأخر فى دفع القسط بتنزل عليه غرامات ، دلؤتى انا كحاجز قطعة أرض أولا : مين يعوضنى عن ارتفاع أسعار مواد البناء ؟ ثانيا : مين يعوضنى على التأخير فى الاستلام ؟ لاقدر الله لو حصل تأخير فى سداد قسط أو اتنين ايه مصير الغرامات ؟ ما انت يا جهاز اتأخرت على فى التسليم ٧ أو ٨ سنين محدش فرض عليك غرامة ؟
الناس اللى رفعت قضايا على الهيئة إيه اللى حصل معاها هل كسبوا القضية ولا خسرتها ولا ايه موقفها ؟؟.
الواحد زهق وقرف من التأخير اللى حصل فى التسليم لدرجة انى بفكر ابعها أو اتنازل عنها وأريح دماغى من إرتفاع الأسعار والعمالة ؟

.

.

.

.

.

دوخيني ياليمونه
نروح للمهندس رامى مسئول تراخيص مجمع خدمات العاملين بالخارج لتقديم ملف التراخيص شاملا الواجهات والمنظور نجد رد المهندس رامي ان تعليمات المهندس محمد صلاح المشرف على التراخيص هو التعامل بالنماذج القديمة للواجهات نذهب للمهندس محمد صلاح نجد كلام ليس له دعوه بالواقع وانما افتكاسات لتعقيد الناس ومنها نترك محمد صلاح ونروح لطارق حسنين نائب رئيس الجهاز للتراخيص ونعرض عليه المواضيع المتوقفة يكون رده نشوف وجهه نظر المهندس محمد صلاح ايه دون إعطائنا اي فائده من الجلوس معه والتحدث معه وتضييع أوقاتنا فى كلام لا بيودى ولايجيب ثم نترك طارق ونذهب للمهندس أمين غنيم رئيس الجهاز نجده يتحمس للموضوع ويرسل لطارق حسنين نائبه لحضور الجلسه مع رئيس الجهاز نجد انهم يتفقون على مخاطبه الهيئه على محتوى الخطاب الصادر من قطاع التخطيط والمشروعات وأعادتنا مره اخرى لنقطه الصفر وطبعا رءيس الجهاز وعد بحل هذا الاشتباك فى خلال اسبوع ولكن للاسف لم يتم الحل ومر اكثر من شهرالان الموجودين بجهاز القاهره لايريدون حل المواضيع وأن الهيءه سبق مخاطبت الجهاز مرتين فى هذا الشأن وتم توضيح كافه النقاط الخلافية فى هذا الموضوع ومن هنا تجد ان المواطن المغترب وقع ضحيه لهؤلاء ذوى الايادى المرتعشة ولايتم حل اى موضوع فارحمونا بقي…
ولهذا :
لابد من تواجد نائب رئيس جهاز لخدمه العاملين بالخارج يكون له مهمه محدده هى خدمات العاملين بالخارج و لديه القدره والشجاعه الكافيه فى مواجهه المشاكل وحلها فورا طالما فى الإطار السليم والصالح العام ويكون مكتبه مفتوح بصفه دائمه لمقابله الناس وحل مشاكلهم ولاحنفضل نلف حوالين نفسنا ونترك نفسنا فريسه لاصحاب الايادى المرتعشة

.