الاعزاء : عاوز اعرف سعر المتر في بيت الوطن القاهرة الجديدة المرحلة الخامسة كان مطروح بكام بالجنيه

.

في ايميل الاسترداد
ممكن استرد الفلوس علي حساب بنك مصري بالدولار ولا لازم البنك اللي حولت منه من الخارج

.

ما ضاع حق وراه مطالب و لازم نعتبر
ناخد جزء من التاريخ الابيض في بيت الوطن علشان ينفع في اليوم الابيض
الكارثه الاولي:
المرحله الثالثه كان نسبة المقدمة ٣٥٪؜ و ناس حجزت و بعدها بدأ الصراخ و قضايا و خلافه و بعض رجع له ١٠٪؜ و البعض لبس
اما الكارثه الثانية:
فيه ناس ما رجعت فلوسها بسبب التعويم
و ال١٠٪؜ احتسبت مع القسط بسعر التثبيت وقت التحويل و خسر ٦٠٪؜ من دولاراته
اما الكارثه الاكبر
حاليا المرحلة الثامنة مرورا بالتقسيم و الضم و طرح تجاري و خلافه قبل التكميليه الي ارض السعر فيها بالدولار مش بالجنيه المصري يعني من غير تثبيت و في هذا التوقيت خصوصا و بالاسعار الموجودة
ح تلبس من ناحيتين لو حجزت و بعدين لغيت الحجز و اطبقت عليك معادلة التثبيت و حتي لو حجزت و حبيت تكمل بالدولار اللي محدش عارف ح يعمل فينا ايه

.

بنك اة اللىى بيسمح افتح حساب بالدولار واعمل شيك مصرفى لدفع القسط

.

.

صباح الخير وجمعه طيبه عليكم جميعا ..
احنا في بيت الوطن من بداياته منذ ان بدأ .. وبيت الوطن مشروع من ضمن مشاريع الدوله القوميه المطروحه وبتخطيط من الدوله لجلب العمله الصعبه لاقتصاد البلد وفيه مشاريع تانيه كتير ايشي بالمصري وايشي بالتخصيص المباشر فده معناه ان الطروحات كثيره لجلب الاستثمار من ابنائها والمتاجره معاهم للمصلحه المزدوجه وانت كشخص لو مش مستفيد مش هتحول ولا هتحجز لذلك هقول بيت الوطن والوطن نفسه خيره علينا كلنا والجميع يعلم لذلك لكن هناك بعض الاصوات النشاذ عماله تفرك لمصلحته الشخصيه وبفكره المحدود وبقناعة لو انا مفزتش يبقي لا مينفعش وافضل اشكك هنا وهناك واتكلم علي الافراد وانم واشتم ومش هعترض علي ذلك لاننا جميعا من بيئات مختلفه وتربيات مختلفه فلازم هتلاقي ده وهتلاقي ده فمتكرهوش الناس فيكم لكن خلونا نحترمهم ونقدرهم زي زمان ومنفضلش نفتي ونشكك في كل حاجه تحت مسمي نظرية المؤامره ومش هطول اكتر من كده كفايه عشان اخش بالمفيد ..
وزي ما قولت احنا من بدايات بيت الوطن يعني نعي فكر المسؤلين جيدا وكيف يفكرون ونتوقع دائما ما سيحدث نظرا لخبراتنا الطويله معهم وايضا لان الموضوع مش محتاج ذكاء فالمرحله تشابه المرحله التانيه في الاقبال ومش هيرجع دولار لان الدوله محتاجاه في هذه الظروف .. عشان كده بتوقعي هيكون فيه تكميليه او فتح مربعات جديده لاستيعاب الكل وايهما افضل لهم مع تفضيل فتح واضافة مربعات ليكون التخصيص مره واحده افضل ولعدم تضييع الوقت عشان كده لازم نهدي وننتظر ما ستأتي به الايام والكل هيحجز لان المنفعه متبادله بيننا وبينهم بدون ضجيج ولا وجع قلب واي مسؤل مبيفتيش من دماغه ولا بيسمع كلام حد غير شروط مجلس الوزراء وما يتماشي مع المصلحه العامه فرجاء الهدوء والناس اللي بتزيط ومعروفين بالاسم للجميع وللدوله ومعروف هناك كل واحد محول ايه وباسم مين ومين اللي حول فكل شئ مسجل ومدون ويعلمون كل شخص بيتكلم في الاتجاه ده ليه وليه بيزيط لان الورق هناك مكشوف بالتفصيل قيا ريت كده ناخد بريك ونهدأ كده علي ما ربنا يسهل والدوله تستوعب الجميع .. وجمعه مباركه

.

.

كلام العقل ..
صباح الخير .. كعادتي قبل الخروج الي المعترك اليومي الحياتي اكتب فدعونا نكتب وبالعقل ..
موضوع الواجهات وتنظيمه هو في حد ذاته جيد جدا بشرط الا تكون فرضيه لنمط معين لاننا لا نريد ان نفرض علي شخص اشتري ارضا بمبالغ كبيره وبالدولار شيئا لا يلبي رغباته في شئ يتمناه لنفسه ( يعني اعمل كلاسيك ماشي او مودرن ماشي ) او نقتل ابداع بعض مهندسي الشركات الماهره في فن الواجهات فهي ميزه تميزه وتساعده في بيعه لذلك كان ولابد من ترك الابداع لكل شخص لكي يتميز ويتنافس مع الاخر لخلق اسكان فاخر وتطوير ملموس يساعد في تقدم صناعة العقار .. فنعم لتنظيم وضع الواجهات لانه بغير المقبول ان ارضا بملايين وعليه واجهه معموله بسوفيتو او محاره ومدهونه اي لون ( يعني ممكن بقي نكتب عليها كمان حج مبرور وذنب مغفور وحمدالله بالسلامه يا حاج كما بالريف ) ? فالموضوع وقت ان اقر كان ولابد ان يتم دراسته جيدا من طرف الجهاز ونعلم ان الجهاز لا يملك هذه الميزه فهو يقوم بالاشراف وتنفيذ القرارات وجمع الاموال ومن هنا حاول اتحاد المطورين تدارك الامر لكي لا تدار الامور بعشوائيه وحاولنا بقدر المستطاع الي ان نصل والحمد لله الوصول الي توافق بنسبه تصل الي 80% بخصوص خلق احياء متجانسه في الوانها وفي حلياتها واسوارها وان اختلفت المناظير .. لذلك نامل من الجهاز وقطاع التراخيص بان يسرع في ارسال نصوص القرار الي اداراته المختلفه للتنفيذ الفوري .. والشكر كل الشكر لمن ساهم وساعد ولو بمجهود في حل هذه المشكله ولن اذكر اسماء فالاسماء كثيره ونشرنا بالسابق .. لكن ان اعتذرنا عن شدة اللهجه في التخاطب معكم بالسابق لن يمنعنا ذلك من السكوت عن اي مشكله او عن بيروقراطيه غير مقبوله ولنترقب القادم وانتظرونا سواء بالشكر للجميع او للنقد وعدم السكوت .. وشكرا لكم.. وصباح الخير ..

.