السيد المهندس المحترم / امين غنيم رئيس جهاز القاهره الجديده ..
نما الى علمنا انك زعلان من النقد بخصوص التراخيص وما كتبناه ما كانت الا تنفيس وضجر من موضوع اسمه رخصة المبانى ولم يكن الموضوع شكوى ولو هى شكوى فمجراها الرئيسى معلوم ومعروف والسكك واضحه ولكنها لم تكن غير نقد بناء وحبينا بس نوريك اراء الناس عشان تكون شايف اللى بيحصل .. وما كتبناه بالبوست السابق لم يتطرق الى الرخصه لاننا لو تطرقنا اليه فهتكون بلوه اخرى سوده لكن حديثنا كان عن ما بعد كتابة ودفع رسوم الرخصه وليه التاخير كل هذا الوقت و لمدة الشهرين واكثر ليه !! وهذه المده محسوبه من وقت الرخصه نفسها وانتهائها .. فرجاء عدم تحويل الامور الى شكوى !! ده اولا وثانيا عندما ذكرنا المهندسه رشا كان ذكرها بمثابة هى اول الحلقه فى موضوع الشهرين بالنسبه للدولار والمهندس حسن الشحات فيما يخصى المصرى ولم نهول ولم نذكر شخصها فى اى خطأ لانها لها الاحترام والتقدير والمهندس الشحات له الاحترام والتقدير ..وان كان خلط موضوع الكمابوندات فكان بالخطأ وهو لفظ شائع عند المهندسه ولاء لكن كل ما قلته لا يعيب ولم نخطئ فى حق اشخاص وعلى المستوى الشخصى لهم منا كل التقدير والاحترام ..
لكن هرجع تانى لنفس الموضوع ليه الرخصه بتفضل شهرين واكثر بعد دفع رسومها فاكيد فيه خطا ولو جبت اى حد عندك عشان تحاسبه هتلاقى عنده مبرراته ومليون مبرر انه صح لكن ما ذنب العميل !! والموضوع يا بشمهندس امين مش موضوع (مقاولين ) او مطورين او حتى نقاشين الموضوع ده عمل لابد وان يستكمل اجرائاته على اكمل وجه الناس تعبت فعلا وحاولنا ايصال الصوره مرات المرات لكن مفيش حلول .. وحضرتك ممكن تطلب مهندسين من الهيئه او الوزاره للتعيين او طلب المساعده من مجلس الامناء او طلب المساعده من المطورين بصيغه قانونيه مقبوله طرفكم .. شكرا جزيلا

.

وجع قلب اسمه جهاز القاهره الجديده فعلي سبيل المثال الموقف التنفيذي بياخد اكتر من شهرين طيب والرخصه شهرين والمجمعه شهرين نبقي عايزين كل الشهور دي عشان نطلع رخصه !! ليه انشاءالله !! اقسم بالله كانت بتاخد 3 شهور .. انا بتكلم عن معاناه مع كل الشركات والمطورين واصحاب الاراضي .. والكارثه الاكبر انك عشان تنجز كمان لازم تلف علي مكتب مكتب عشان تخلص حاجتك والنهارده فلان اجازه وبعده فلانه مش موجوده لا ده عنده اجتماع ولما بنتكلم وننقد الناس بتزعل طيب الحل ايه !! اقسم بالله تعبنا والكارثه المرظف هوا كمان تعبان وفيه نقص بالموظفين والاماكن لا تكفي لاستيعابهم فالمنظومه ماشيه ببركة سيدي ابو الدردار .. واصبح علي المهندس أمين واقوله الجهاز زي الفل وروعه وكله سيكوريت من بره .. ?

.