.

**التسجيل بالشهر العقاري
س: ما هي الإجراءات القانونية اللازمة لتسجيل وحدة سكنية بالشهر العقاري بالمدن الجديدة؟؟
ج: الإجراءات القانونية اللازمة لتسجيل وحدة سكنية بالشهر العقاري هي :-
1- استخراج العقد الابتدائي من جهاز المدينة للقطعة الكائن بها الشقة.
2- تقديم طلب بالشهر العقاري التابع له الوحدة.
3- استيفاء الطلب بثلاث خرائط شرق القاهرة واعتماد موقع الفيلا من الجهاز.
4- سداد رسم معاينة المساحة.
5- استيفاء الطلب بصورة ترخيص المباني وسند السلطة والصفة.
6- استلام المقبول وتحرير المشروع .
7- تقديم مشروع العقد النهائي لتوقيع رئيس الجهاز .
وتكون إجراءات إعتماد العقد النهائي بالجهاز (توقيع رئيس الجهاز) كالتالي :
– تقديم أصل العقد النهائي للجهاز من الشهر العقاري .
– صورة من كشف التحديد من المساحة ,
– صورة من الإخطار المقبول من المساحة .
– صورة من عقد البيع الإبتدائي .
– صورة من إخطارالتخصيص .
– صورة بطاقة الرقم القومي للمالك سارية .
– يتم اجراء المعاينات( تراخيص – عقارية – تنمية – مساحة) .
– بعد مراجعة الإدارة القانونية للمستندات والإنتهاء من المعاينات يتم تسليم المعاملة بعد التوقيع من خلال الإدارة القانونية .
8- تقديم المشروع يالشهر العقاري لاخذ صالح للشهر.
9- توقيع المشتري بالشهر العقاري.
10- تقديم العقد بمكتب شمال القاهرة للمراجعة المالية والفنية .
11- استلام العقد المشهر.

.

#حصري اسعار متر الشقق المطروحه من هيئة المجتمعات
قريبا خلال العام الحالي وذلك للسداد الفوري ??
وده المتبقي من دار مصر .. علشان نعرف اللي جاي بعده شكله ايه ، وقريبا اسعار طرح #العالمين #رائد_بيت_الوطن

.

السلام عليكم: لي استفسار. في كراسة الشروط مكتوب أن مهلة البناء 3 سنوات ثم بعد ذلك ذكر أن جميع مدد البناء أصبحت 5 سنوات ولم يعد هناك مدة 3سنوات . أسأل الان بخصوص مد المهلة 20% من المهلة الأساسية … هل سيحسب على أساس 3 سنوات كما ذكر في كراسة الشروط أم على أساس 5 سنوات المعدلة؟

هل توقفت الهيئة عن خصم 1.5% من المبالغ المتبقية من المقدم عند الاستلام ؟ والان لابد من تحويل 1.5%؟ وايه السبب ؟ اذا كان فعلا لينا عندهم فلوس ؟ ليه متتخصمش منها؟ وبعدين هي الفلوس المتبقية دي بتتخصم من اي قسط اول قسط ولا اخر قسط؟

.

دردشه بعد منتصف الليل ..
يمكن هقول كلام لاول مره عشان الناس تفهم ما يدور بالكواليس بمناسبة استلام اراضي النرجس بالتجمع الخامس .. وهقول الهدف من البوست ايه .. بس خلونا نشرح الاول الحكايه .. والحكايه والطبيعي تقول ان استلام النرجس من اختصاص التجمع التالت وكل اواراق الارض هناك بالفعل من الاساس لان الارض تقع في اختصاصات التجمع التالت ونطاقه .. لكن حاولت قدر استطاعتي ان لا نذهب الي هناك ولا نستلم في هذه الظروف الحرجه بظروف الكورونا لان جهاز التجمع التالت اوضه وصاله وصعب اننا نروح نستلم هناك واقنعنا المسؤلين بذلك وتمت الموافقه والحمد لله وتم الترتيب لذلك للاستلام بمكتبنا مكتب خدمات العاملين بالخارج بالتجمع الخامس ..وموظفيه المدربون علي كل شئ … لكن كانت اضراره علي مكتب خدمات بيت الوطن كثيره ..
1- المكتب يعمل بكامل طاقته في ظروف الكورونا وجميع الاجهزه الاخري تعمل بنصف طاقتها فقط ..
2- موظف واحد يمثل العقاريه والاستلام وحساب الاقساط ويستقبل كل يوم 90 حاله .. الاستاذ احمد سمير وهو الموظف الوحيد اللي تليفونه الشخصي مع الحاجزين ولا يتاخر عن احد مع العلم احد الاخوه لاحد الحاجزين حضر لافتعال مشكله لعدم رد احمد سمير علي الواتس علي اخوه واحمد سمير غير مجبر انه يرد وكمان من 9 الي 3 عصرا حتي مش فاضي يهرش .. ولما بيكون فاضي بيرد ..
3- الموظفين محبطين من الحاجزين لان منهم لا يقدر ولا يفهم ان ده مش شغل موظفين الخامس انه يسلم اراضي النرجس ..
4- حاله من اللوم يوميا علي فكرة تسليم النرجس بالتجمع الخامس وكل يوم واحد من الوظفين يقولي انت السبب لدرجة اني بقيت اضايق وازعل وبصراحه احيانا بسيب المكان وامشي ..
5- مكتب العاملين بالخارج به اكثر من حاله مصابه بكورونا فالمفروض نساعد بعض ونتخد الاجراءات الوقائيه للحفاظ علي سلامة الجميع وعدم الزحام لان فيه ارقام وبالدور ..

والله شاهد اني لا اكذب في حرف مما كتبته بل بالعكس الكلام كثير بس كفايه شرح للوصول لهدف البوست وهو وما ارجوه من الجميع الحفاظ علي الهدوء واتخاذ الحيطه والحذر وارتداء الكمامه وعدم الاختلاط وتقدير ان الموظف يعمل لخدمته في صميم عمله ولكن مبيشتغلش عنده ومش كل شويه واحد جاي يعلي صوته بسبب او بدون سبب فده مش صح .. وبالنهايه نشكر المهندس اشرف الجمال وفريق عمله علي المجهود الكبير المبذول لخدمة الحاجزين والمهندس اشرف لا يتواني في خدمة احد… ورجاء محدش يروح غير في موعده بس لانه كده هيخبط مشوار علي الفاضي .. لان معلومات الاستلام مبتنزلش علي السيستم غير يوم بيوم .. شكرا جزيلا

.

الهبد ح يزيد اوي الفترة دي
بس اجمد هبده و شوية بهارات
ايه سبب التأخير و مش علشان حضرتك تشوف الخريطه ??
الأراضي قادمه زي الرز

.

السلام عليكم و رحمة الله و بركاته
بخصوص النورث هاوس سابقا أو جيمكوا حاليا

و عندي شهادة حق لأني من أكثر الناس معرفه بالمكان و تفاصيله بصفتي من الحاجزين السابقين في النورث هاوس و اعرف معظم الملاك من جروب الواتس و الفيسبوك

المكان ينطبق عليه المثل ” حسن السوق و لا حسن البضاعه”

كل شخص لازم يفرق بين مكان سيء و بين مكان مش ح يلاقي فيه اوفر يرضي طموحه
الأوفر ضعيف و لا يتناسب عند المقارنه بوضع و قيمة النرجس
المكان لا خلاف علي تميزه و اللوكيشن شوفه في الرابط
الموقع علي طريق السويس مباشرة و شارع التسعين و علي الفيو زون و شمال الحي الأول الاقرب للعمران في كل احياء بيت الوطن و علي بعد ٣ دقايق للرحاب و ١٠ دقايق لمدينتي
و دقيقتين للشروق و ٧ دقايق لبدر و في مدخل بيت الوطن و كل الكومباوندات اللي جمبها من اتجاه طريق السويس
لكن السوق في النورث هاوس الفترة اللي فاتت اوفر ضعيف مقارنه النرجس و الرقم في البدايه ما كان يستاهل اصلا و زي ما قولت في بوست قبل كدا الاوفر بدأ ب ٥٠ و ١٠٠ الف
و الملاك اتجمعت و تحكموا في المعروض و اتحرك السوق شوي شوي و قبل كورونا فيه ناس نفذت ب ٤٠٠ الف و الرقم دا اتنفذ بيه و اكتر منه بقليل و المميز اوي اوي اعلي طبعا و فيه اقل علي حسب التميز
انا اقول ارقام و مبالغ علشان اللي ما يعرف يعرف
احنا في عهد كورونا و الله اعلم ما بعد كورونا غير معلوم
المكان لو كان تم طرحه لوحده قبل النرجس سواء المرحله الخامسه او السادسه كان ح يكسر الدنيا
نقطتين مهمين
١- فيه شركات اشتغلت تسويق في المكان و باعوا شقق بالفعل و كتير و مش لازم اذكر اسماء
٢- المرافق شغاله كويس و متقدمة كتير و ممكن تتأكد بنفسك علي جوجل ماب
يعني استلام الارض قريب و لو استمر بنفس المعدل ح تتسلم علي اول السنه الجديده ان شاء الله و دا قبل الرحاب بمده ممكن توصل لسنه او اتنين

معظم القطع المميزة تم حجزها سواء نواصي او حدائق او علي الطرق الرئيسي او فواصل و ليس كلها
السعر في المرحله السادسه 370 دولار 6550 جنيه للمتر
الخلاصه :-
لو تدور علي اوفر عالي و مستعجل تبيع الله يبارك لك ابعد …
المشرحه مش ناقصه قتلا …
روح دور في حته تانيه
م. محمد عبدالشافي
North house :-
https://maps.app.goo.gl/Tvqy1DTAu72CUVYz9

.

.

.