.

السادة الأعضاء الأفاضل ..
السلام عليكم و رحمة الله و بركاته ..
نعتذر لحضراتكم على عدم الرد على التساؤلات المثارة بشأن صدور قرار بتعلية دور في المدن الجديدة ..نظرا لأن ذلك القرار لا يمكن استنتاج أو تفسير كيفية وضوابط تطبيقه قبل قيام جهاز المدينة المختص بتحديد الأماكن والضوابط والشروط والكيفية لتنفيذ ذلك القرار، خاصة وأن مضمون القرار ترك مساحة واسعة لجهاز المدينة المختص بأن يقوم بتحديد الأماكن التي تستوعب الخدمات والمرافق بها هذه الزيادة والأماكن التي تتحمل الخدمات والمرافق بها هذه الزيادة.. ومن ثم قد توجد معوقات من قبل جهاز المدينة تمنع تنفيذ القرار على مناطق كاملة لأنه أصبح من السهل جدا أن يرفض جهاز المدينة التعلية بمنطقة بعينها بحجة عدم تحمل المرافق والخدمات لهذه الزيادة ..أو بحجة التعارض مع قيود الارتفاع المحددة من هيئة عمليات القوات المسلحة ..أو بحجة توحيد الارتفاعات لكل مجاورة …إلخ.
** ولكن القراءة المبدئية للقرار تبين أن القرار لا يسرى تطبيقه على أحياء “النرجس وجنوب الأكاديمية والبنفسج والياسمين والقرنفل وتمر حنة والأحياء من الأول إلى الخامس…” بالقاهرة الجديدة
– أي منطقة فيلات تم زيادة تعلية دور من قبل أو لم يتم زيادة دور تعلية من قبل فالنهائي الخاص للفيلات أرضى و دورين فقط .
– القرار خاص بالقطع السكنية الصغيرة سواء كانت الفيلات أو العمارات المخصصة للأفراد بمعنى انه لا يشمل الإداري أو التجاري أو الكومبوندات .
– يلزم سداد 25 % من متوسط سعر الأرض .
– عدم وجود مخالفات بنائية بالعقار خاصة بالروف أو تحويل البدروم لوحدة سكنية ( الدوبلكس).
– عدم الاستفادة مسبقا بدور تعلية وهذا يعنى أن كل المناطق التي تم تعلية دور فيها مسبقا لن يسمح بالزيادة الحالية .
أما الأماكن التي يحتمل أن تستفيد بهذا القرار هي “أبو الهول – المستثمرين – بيت الوطن – غرب الجولف – الأندلس – غرب أرابيلا- اللوتس الشرقية …” علما بوجود بعض المناطق داخل هذه الأماكن استفادت مسبقا بهذه التعلية ومن ثم لن تستفيد منه مرة أخرى.
– أن لا يكون على مالك العقار أو الأرض أي مستحقات أو مخالفات مالية.
– تقديم شهادة رسمية من استشاري إنشائي معتمد بسلامة المبنى إنشائيا .
– لابد من توافر أماكن لانتظار السيارات وبذلك يشترط توفير (50 م2) إضافية لمساحة الجراج القديم
– العمارات التي سيكون بها تعلية لا يوجد بها “روف” .حيث سيكون السلم الصاعد للسطح و غرف خدمات الأسطح يكون سلم “بحاري ” كما هو الحال بعمارات الرحاب و مدينتي .
أخيرا هذا القرار ليس له علاقة بقانون التصالح على المخالفات المحتمل صدوره قريبا ، نظرا لأن الأخير سيكون دوره هو تقنين وضع الروف المخالف.. مثلما هو الحال في الأماكن التي سبق وان استفادت بدور التعلية إلا أن بعض الملاك قاموا بزيادة المساحة البنائية بسطح العقار عن المساحة القانونية ..وقد يستفيد من القانون أيضا من لم تتوافر لديه شروط التعلية نظرا لقيامه ببناء مساحة الروف بالمخالفة للمساحة القانونية.

.

الشقه التالته بدون رسوم والتقديم علي الرخصه من يوم الاحد الموضوع خلص خلاص من 730 الي 950 ثلاثه وفوق ال 950 اربعة شقق وبقالنا في الموضوع ده فتره لحد متعبنا والله العظيم ..

.

بحاول رفع سويفت التحويل على الموقع بيعطي خطأ في تنفيذ الأمر. فيه حل ياجماعه.

.

#دردشة_مغتربين
رسالة لكل واحد عاوز يحجز في بيت الوطن
بس طويله معليش
خطتك أوفر بس نو نو نو ???
الكل بيسال ايه رأيك الرحاب و لا زايد و لا أكتوبر و المستثمرين و العبور و دمياط و لا السودان
كلهم حلوين و الله ????
طيب الأوفر كم ???
الاخوة الاعزاء محدش يقدر يقول اوفر النهارده كم ؟
و اللي يقولك ما تصدقه حتي لو قالك مليون ممكن يكون ٢ و ممكن ١٠٠ الف
الاهم الطلب علي الشراء هو اللي يحدد السوق “حسن البيع و لا حسن البضاعه”
محدش يعرف لأسباب كتير
١- اهمها سوق العقار فيه كتير و ح يزيد اكتر و اكتر و
السوق العقاري
٢- رأس المال موجود حاليا في منتج(عقار) لم يتم بيعه للمستخدم النهائي سواء بيت الوطن او باقي احياء القاهرة الجديده او حتي النرجس
٣- ابتعاد الكثير عن الاستثمار في العقار
٤- مبيعات المنتج النهائي (شقه) ضعيفه و لا تكفي عملية دورة رأس المال بدل ما كانت تاخد سنتين او ٣ حاليا تاخد ٥ او ٦ و ٧ سنين
سوق العقار للشقق حاليا متنوع فيه حاجات المتر ب ٥ الاف و توصل ل ١١ الف دا غير الكومباوندات
طبعا لو اتخصص ٣٠٠٠ قطعه في المرحله السابعه الاساسيه مع التكميليه
ح تلاقي المعروض حاليا في السوق زاد ٣٠٠٠ قطعه جديده
و لو حسبنا عدد الشقق تقريبا ٣٠ الف شقه لان ٩٩% من الناس ح يعرض للبيع تاتي يوم

و العدد دا من أراضي المرحله السابعه فقط و ضيف عليهم
١- طروحات الدولة من مشروع جنه و دار مصر و سكن مصر حتي الإسكان الاجتماعي
٢- أراضي القديمة اللي خلصت عمارات و ما خلصت بيع شقق زي النرجس و اللوتس و الأندلس و القرنفل
٣- كومباوندات جديده تم طرحها خلال آخر سنه و قبلها
٤- العاصمه الإدارية الجديده
٥- أراضي بيت الوطن المراحل القديمه في كل المدن اكتر من ٢٠ الف قطعة ارض في كل المدن و عدد مبيعات الشقق فيها لا بتعدي ٥% من اكتر من ٢٠٠ الف شقه
٦- ضيف عليهم الناس اللي تعمل ريسيل في أماكن كتير

– المطورين العقاريين باعوا كم شقه خلال ٢٠١٩
– جنه و سكن مصر و دار مصر تم بيع ٣٥% فقط من اللي تم طرحه خلال ٢٠١٩ و ما تم طرحه لا يتعد ٥٠% من اللي جاري التنفيذ فيه
– العاصمه لم يتم بيع ١٠% من إجمالي العدد

اتمني من الجميع الحذر و عدم تكرار السؤال عن الأوفر
اللي عاوز ياخد ارض و يستثمر استثمار طويل اهلا و سهلا
انما لو عاوز اوفر ادخل براحتك و ان شاء الله ربنا يرزقك
بس حط احتمالات كتير من قبل تحط رجلك
بالتوفيق للجميع
https://www.facebook.com/groups/432957980745021/

.

.

البوست ده في 2015 كان اول تجمع لينا كمغتربين بمدينة الرياض .. كانت ايام حلوه وطموحات كتيره يا تري مين موجود ومين راح ومين متواصل معانا الي الان بعد سبع سنوات مضت .

.

عرب النرجس :
مش عارف ابدأ ازاي والله العظيم .. من يومين جالي عرباوي اسمه ناصر ماسك حرف ال F لكي نتفق علي الغفره وما الي ذلك وغيره وغيره مع اني محبش اقابل او اتكلم مع اي حد مت عرب النرجس والكارثه دول مش عرب لاننا شغالين في كل احياء بيت الوطن وكلهم محترمين معانا لكن النرجس لا هتلاقي البلطجه هتلاقي السرقه وانا شخصيا تعرضت لكذا موقف سرقه ورجعنا الحديد ومره العداد الميه اتسرق وقصص كتيره فالنرجس كل واحد شاري قطعتين وقاعد عليهم وعامل لنفسه تارجت من الورا العماره دي هيطلعلي كذا فمثلا عايز علي الخشب والاسمنت والطوب والحديد والصنايعي اللي بيشتغل وا وا وا فخلونا بس نبدا القصه الاول :
الباشا وصل ولقيته كاتب لست بالطلبات رقم واحد عايز غفره 7000 جنيه ? وثاني حاجه عايز غلي الحديد 500 جنيه لو اشتريته من بره ? نع ان تاجر الحديد نفسه مبيكسبش 500 بالطن والادهي من ذلك بيقولك هردم القطعه 500 نتر وهاخد عليها 50000 جنيه اقسم بالله صدمني صدمه كأنك ضربتني بوكس بوشي .. لكن سئلت نفسي سؤال الدوله والمباحث والجهاز سايبه الناس دي ليه . طب قول انا هعرف اخد حقي واجيبه ومجهزله 3 سيناريو كل واحد ادهي من التاني لكن اللي ملوش ظهر واللي مش عارف السكه يعمل ايه !! لم اري بحياتي مثل هؤلاء الا في النرجس الجديده .. فرجائي من اي حد يتعرض لاي موقف يطلع علي القسم ويعمل بلاغ بلطجه وفرض سيطره وسرقه ان سرق وبلاغ علي موقع وزارة الداخليه وبلاغ لجهاز القاهره الجديده وهنكلم رئيس الجهاز باذن الله ومحدش يسكت علي العيال دي اللي واخدينها تجاره من البلطجه وترويع الناس يا ريت يا ريت بلاغات ومحدش يسكت عن حقه ..

.

معارك جانبيه ضيعت اهم قضيه في المرحله ( و هي قضية سعر المتر بالجنيه)?
معركة القطعه الواحده و اصحاب الحوالات الكثيره بغض النظر انت مع اي حزب فيهم
الحرب دي السبب في خسارتنا التكاتف المعركه الاساسيه و هي سعر التثبيت?
للاسف الدنيا اتقلبت و كل الحاجزين مرعوبين من الحجز و التحويل
و الغريب في الموضوع
١- الهئية ما عندها اي رد من اي مسؤول او موظف
٤- الاغرب ان كل الورق يؤكد الكارثه
٣- الهيئة حتي ما اعلنت عن تكذيب علي الموقع و دا معناه انه تاكيد في حد ذاته
٤- عدم الاعلان عن موضوع فاصل او تكذيبه هو تاكيد

في النهاية الكل منتظر حتي اخر لحظه للتحويل (و انا من ضمنهم)
و فعلا محدش ح يحول و فيه كمية الغموض دا

حتي الان الناس منتظره تاكيد و اعلان عن تسعير بالجنيه و هو ما لم يحدث?
و ح نقعد في نفس الدائره البيضه و لا الفرخه ?
كلمتين باختصار :-
يوم الخميس لو لم يتم اي اعلان و بطريقة قانونية و اوراق كامله و تعديل في الاوراق و الموقع سيكون أنتهاء الثقه بين الطرفين للابد و دي الحقيقه

لان واضح من عدم رد الهيئة ان اي تسعير للاراضي شديدة التميز و في قلب العمران هو الدولار
معروب ان ما يحدث يخالف القانون و الدستور و ستكون القضايا علي الهيئة كثيرة
في النهاية لكن مش فاضيين للكلام دا

الحمد لله و الشكر لله ان مدة التحويل اسبوعين كان الواحد حول عمياني و ما اخد باله

الوضع الحالي ضبابي سواء اتخاذ القرار بالحجز او الاسترداد لكن ما يتضح حاليا من اراء معظم الناس هو الخروج بفلوسنا افضل من اي ارض
و لسان حال الكثير غلطه لن تتكرر بعد ما يحدث

.