هام جدا لراغبي شراء الشقق في بيت الوطن القاهرة الجديدة :
مفيش مطور هيبيع الشقه لحضرتك ويدعمها ويحط فلوس من جيبه لان دا مش إسكان إجتماعي ومدعوم من الدولة دا إسكان المفترض إنه أكثر تميزا وأي مطور عقاري هدفة الربح .
يبقي بلاش نبقي فريسة للباحثين عن الأسعار المتدنية وتبقي متصور ان حضرتك اشتريت شقة بسعر ماحصلش والحاصل ان حضرتك دفعت شقي عمرك لنصاب مش
الخلاصة :
حاول تجتهد وتبحث عن عروض أسعار جيدة ودا حقك ولكن أعرف متوسط سعر الشركات الكبري اللي نفذت فعلا في بيت الوطن ويبقي دا السعر العادل اللي حضرتك لو اشتريت بية يبقي بإذن الله هتستلم في موعدك وبمواصفات جيدة .
في ظل الظروف الحالية وإرتفاع أسعار مواد البناء فالسعر الأقل ليس هو الخيار الأفضل .
* كم المشاكل اللي بتوصلني نتيجه الشراء بأسعار متدنية لاتوصف فكن حذر حتي لايضيع حلم العمر .
مظبوط و عندى تجربة و ربنا ستر لما سألت فى الجهاز المفروض الأرض تتسحب منهم شهر ٦
أحسنت النشر
طب متوسط السعر العادل حاليا ؟
Teto Ahmed
السعر في منطقة جنوب السويس يبدأ من كام لو تكرمت يا باشمهندس
متوسط السعر كام يا باشمهندس
نصيحه صادقه ومن خلال خبرتك وده الواقع فعلا شكرا يا باشمهندس
متوسط السعر تقريبا من١٢ الف الى ١٦ الف حسب الحى وطقس الشقه وفتره السداد والبرنامج الزمنى المتفق عليه فى الاستلام
احسنت ياهندسة ربنا يكرمك …هاحتاج اكلمك لما تكون فاضى
طيب هو المفروض أن المطور العقاري يبني بفلوسه ولا بفلوس الناس !! ولو بفلوس الناس طيب ليه مش بيسلم في المواعيد المحددة ولازم يحصل مشكلة أو بيرجع يزود الاسعار على الناس .. بالرغم أننا اتفقنا أنه هيبني بفلوس الناس ومن البداية حاطط لنفسه هامش ربح وهامش أمان .. ليه عايز يكسب لوحده وحاطط لنفسه هامش ربح مش عايز يتنازل عنه لو الخامات زادت ودايما بيوجه اي زيادة في أسعار الخامات للمشتري .. وبالرغم أنه بيجمع أكثر من ٥٠٪ من التكلفة قبل ما يدق مسمار في الأرض أو حتى يكون استلم الأرض وقبل إصدار التراخيص … وبياخد فلوس الناس يحطها في قطعة أرض تانية .. ويلبس طاقية ده لده ومن مشروع لمشروع …
التطوير العقاري كان زمان لما المطور كان بيشتغل بفلوسه وبيسلم على المفتاح ( الا من رحم ربي ) بخلاف ذلك بقت المسألة عاملة ذي فكرة البطيخة المقفولة وانت وبختك … وحضرتك تحديدا ياما كنت بتعلق على بنايات وعمارات فيها أخطاء هندسية لا تغتفر..
ماهو السعر العادل للمتر مربع
وماهو متوسط سعر المتر الحالى ÷ الاستيلام كاش وقسط ؟
كلام مظبوط والافضل كمان انك تاخد حاجه موجوده موجوده علي ارض الواقع مبنيه وجاهزه علي الاقل فيه هيكل خرساني
كام اعلي سعر للمتر
كلام مضبوط
Mohamed Sami
لو سمحت يريت حضرتك تفيدني في الحصول على شقة تبع الإسكان ازاي
مقلم كلام حضرتك مظبوط ١٠٠٪
السؤال هنا من يسمح لشركات دي بالنصب على المواطن
الجواب قوانين الدوله
يعنى الدوله سبب ذلك
المهم كهربا ومياه الحكومة هتدخل امتى
كلام مظبوط
شكرا لحضرتك يا بشمهندس
Ashraf Morsy
لكن لو حاجة إستلام فورى بسعر مناسب… يبقى تمام وأمان يا بشمهندش ؟
السعر العادل متوسطه كام دلوقتى
بالتاكيد اوافق جدا علي وجهة النظر دي
ممكن نعرف متي سيتم الاعلان للناس الي قدمو ودفعو جديه الحجز للارضي المتوسطه بتاع الاعلان الاخير ( سكن لكل المصريين )
منطقه العاشر من رمضان المجاوره السادسه
تم
عدم الشراء في هذة الظروف افضل لان الأسعار عالية جدا جدا جدا مش مسألة مدعومة يعني شوفت في بيت الوطن زايد ١٧٥ ٣ مليون وأسعار المساحات الأكبر بعدي ٣ مليون ونص نص تشطيب يعني لما اشطب توصل ٤ مليون سعر الشقة حتي ولو كان المكان مميز واللة المستعان والكل بيتحجج اما بسعر الدولار او سعر الحديد لانة هو المكون الاساسى اللي سعرة ضرب
احسنت مهندسنا الفاضل
في مصر للأسف احسن حاجة تشتري شقة موجودة تاخد مفتاحك وتريح دماغك
وسعادتك المطور اللى حضرتك بتتكلم عليه بيحسبها ازاى موش لازم يكسب عشرة الاف على العشرة جنيه بصراحة الكل أسعارهم مبالغ فيها جدا وكأن الشعب كله مليارديرات
وذلك عام فى كل المشاريع وليس بيت الوطن فقط
فليتقوا الله ويتم حساب التكلفة الفعليه ووضع نسبة ربح من ٣٠٪ الى ٥٠٪
هل ذلك غير مجدى
Wael Abdelaal
فترة استرداد راس المال . كل دوله ليها معيار معين من خلاله نحسب فترة استرداد راس المال . ما عدا عندنا
مفيش حساب معين نقدر نقول إن استراد راس المال مثلا بعد 20 سنه .
كم متوسط اسعار الان