عليا الطلاق ما حد هيدفع رسوم القطعه الا صاحبها ?…
السلام عليكم ورحمة الله وبركاته ..
الحكايه بتقول ان كل واحد عايز يبني لازم يطلع رخصه وعشان نعمل رخصه لازم نعمل جسه حقيقيه ولازم نعمل رسم معماري ومعاه رسم انشائي وبعدين نروح المجمعه العشريه وبعدها نروح الدفاع المدني… !!! !!!! !!!! ايه ! انت بتقول ايه !! دفاع مدني !! يا ساتر استر يا رب طيب ليه الاذيه دي !! والحكايه بتقول يا ساده ان الدفاع المدني استوحش في الرسوم وفي الطريقه والتعامل وتضييع الوقت وقوم ايه بقي يا اخوانا ممنوع اي حد معاه توكيل يدفع الرسوم ويقولك لازم صاحبها طيب نجيبه يمين نجيبه شمال لازم صاحبها طيب يا عمي الراجل عايش في كنكا يووووه قصدي كندا برضو لا لازم يجي طيب التوكيل من الشهر العقاري والنسر قدامك بيرفرف اهو يقولك لا حاشا وكلا وابدا واخر حاجه لما زهق مننا حلف وقال عليا الطلاق ما هيدفع رسومها الا صاحبها ويادي المصيبه ام جلاجل يادي الجرسه ام حناجل بس الراجل بالنهايه طلع رحيم وقال ممكن حد قريب من الدرجه الاولي يدفعها زي الاب او الاخ او الابن .. طيب واللي مقطوع من شجره نعمل فيه ايه !! قالك ملناش بيه ولا لينا دعوه بالتوكيل بله واشرب ميته واهم حاجه كمان متاكلش لا سمك ولا بيض عشان السخونيه .. طيب والحل !! عند مين !! واروح لمين واقول يا مين ينصفني منك !! الارض للمغتربين واخدوها عشان كونهم بره يعني مش هنا يا عم افهم !! لا مناص .. والمهم بقي جبنا الحج عبشكور والد صاحب القطعه الراجل مسكين جاي من اخر الدنيا ونفاجآ ان الرسوم اتغيرت مثلا من 3500 الطبيعي بالسابق اصبحت 8000 جنيه بالرسوم طيب سئلنا قالك زادت استمارات ورسوم .. وبمعني اخر الرخصه قيمتها زادت حوالي من 5 الي 6 الاف جنيه .. طيب نروح لمين ونعمل ايه ونتصرف ازاي ومين يجيب علي كل ده… لا والكارثه خايف كمان نروح العقاريه يبلغوك هما كمان انك تبل التوكيل وتشرب ميته .. لا لا بلاش اكمل عشان بتوع العقاريه يزعلو وهما اصلا زعلانين خلقه ? .. بس عندي سؤال لولبي ايه فايدة الدفاع المدني !! والرسوم دي لمين !! وليه زادت !! اسئله حائره تبحث عن مسؤول يجيب علي ما صاحب القطعه ينزل ?.. مساء الفل بس خلاص ..
فاكر كاركاتير احمد رجب وريشة مصطفي حسين، وعبد الروتين افندي ?
ياباشا ولسه ولسه
مفيش رقيب
واي حاجه تتدخل سبوبه
اصلي ملاك بيت الوطن مليارديرات
متفكرنيش ☹️ده كان يوم ، هوا شايفك قدّامه مصلحه وعايز يطلع منك اي سبوبه ، شخلل يا بلدينا
فلتنا احنا يا رب اجعل كلامنا خفيف على الجهاز ليعملوا زيهم
الكلام ده جديد والا ايه انا طلعت الرخصه قريب ومطلبوش المالك الأصلي ولا قريب من الدرجه الاولي
من الاخر
اتااااااوه
و الله العظيم انت خسارة فى العقار ، انت كاتب كبير اوى اوى ما شاءالله تبارك الله، سيبك من البناء والصداع ،صدقنى اسلوبك رائع جدا هتكسب اكتر و ممكن تعمل كام مسرحيه كوميديه كمان هتعدى المنش.حبيب هارتى يا ابو محمود
الله يرحمك يا ابو علاء
طيب والي ما يعرفش يجيب الأصيل
هو وكل عيلته في أمريكا
هتدفع يعنى هتدفع
وهنا هتدفع للمالك أو قريبة علشان ييجى معاك
وهتدفع للدفاع المدني
هتدفع رايح جاي
?????
تصدق ياعمده انت لو عملت مسلسل او فيلم ينجح ويكسب احسن من كل قطع بيت الوطن طيب خذ دى فى الكراسه عندك اخويه بعد ما دفع التامينات بعتوا له جواب ان الحسبه خطاء وهناك فرق لزمان يروح يدفعه
ياحج علاء الموظف عمل معايا كده
دخلت للظابط اظن نقيب اسمه محمد
اخلاق عاليه جدا
طلع ظبط الموظف ومشى الموضوع ودفعت وانا واقف بتوكيل البيع
مش الادارة
اظرفهم بشكوي ف تفتيش الداخليه
والله انا هذا للعجب العجاب اي علاقة دفع فلوس بصاحب الارض ولا حتي الوكيل. دا واحد جاي يدفع فلوس. لا هايوقع اقرارات ولا هايطلب طلبات. الله المستعان
طيب انا نفسي اي حد يروح يدفع عني اي فلوس في اي حته. وانا ابعتله رسالة شكر. ?
علشان ادفع دفاع المدنى القطعة لزمان تكون كام متر تقريبا القطع 500 متر مافيش دفاع مدنى
تنفع سيناريست يا كوماندو
الدوله اعطت الضوء الاخضر لكل مؤسسه تهبش بطريقتها المهم تكون بعيد عن ميزانية الدوله
طب و اللى شارى بكذا توكيل و مايعرفش اصلا المالك الأصيل دة يعمل اية ؟؟؟؟
كدا الهبل نفسه
عمار يامصر ?
حسبنا الله ونعم الوكيل
ربك يعين يا جنرال
ييخلى المالك الأصلي يروح لأن المبلغ المدفوع غير مطابق للمبلغ المكتوب بالايصالات
يعني كده الشراء بتوكيل فيه قلق
المهم دي فلوس دخله الخزنة مش طلعه منها عشان يعمل كده
حتي استرجاع ٦٠٪ من تأمين الحفر وأرقام الحسابات عندهم
عاوزين خطاب مختوم من بالبنك برقم الحساب من ٤ شهور لم ناخذها بعد ليه ؟
يجب على أجهزة ألدولة ان تتخلص من مثل هؤلاء المعوقين للنمو الاقتصادي
يعني كدة الشركات العقارية اللي معاها توكيل من صاحب الأرض وبتبيع للناس علي الأساس ده مش هتعرف تطلع رخصة ؟
شوية حمير
الموظفين المتعنتين دول لازم يترفع ضدهم شكوى لدى رؤساءهم ، و كل مرة يرفض المعاملة نشتكيه.
كده يتعلم الأدب
ده بيرفض يدخل فلوس للدولة!!!
يا ترى إيه رأى وزيره و رئيس الوزراء فى الكلام ده ؟
في رأي الشخصي رسوم الدفاع المدني موش كتيرة علي رخصة جديدة.
وإعتماد الدفاع المدني موجود لأي رخصة جديدة في دولة في العالم. بس المهم ما يكونش فيه تعقيدات وبيروقراطيه توقف المراكب السايرة.
طول عمرك بتدخل في المفيد
شخلل علشان تعدي
تصرف العقارية والدفاع المدنى صحيح من الناحية القانونية ويحفظ حقوق الناس ودا واجبهم ولازم ينفذون التعليمات
معلش ياحج علاء اى نعم فى تعب لكن لا يساوي شيى امام حفظ الحقوق وانتى عارف النصابين كترو
هو إيه القرف ده
والله حاجة تفقع المرارة بجد
مفيش احترام لبنيأدمين
دفاع مدني عشان تعمل ف مخطط البناء خطوط اطفاء حريق رطب
وعشان تركيب الاسانسير
انا لقيت حلها وبقيت انفذة وحتى التأمين هرجعة على حسابى مباشرة. لانه بعمل حركة بسيطة مبتخليش حد فى الجهاز يعرف يفتح بقة معايا.
بسدد الضريبة العقارية بنسبة ٢.٥% عن الشراء بتاعى وبرفق الشهادة بتاعة مصلحة الضرائب فى ملف الأرض. واى حد يقولى كانى اقولة ارجع لملف القطعة عندك.
احنا محتاجين لثورة يونيو جديده بس مش على النظام . هتكون المرة دى على اجراءات التشغيل فى المصالح الخكوميه . وعلى فكرة ده هيساعد النظام وبخللى الفلوس اللى بتندفع تحت الطرابيزه . هتدنفع برده . بس فوق الطرابيزه. بس المرة دى هتتوجه لايرادات النظام اللى المفروض هيصرفها على التنظيم