جالي ايميل !! مجاليش ايميل !! ترتيبي فين !! .. ?

مساء الخير .. خلونا نتكلم شويه بعقل ورويه لنصل الي نتيجه المفيد فيها اللي هقوله وكلام علي قدر فهمي بعمل الهيئه ..
خلينا نبدأ الحكايه من الاول ان كل الحوالات اللي بتصل للبنك المركزي بيبعتوها للهيئه في شوال كبير كده او ذكيبه بالبلدي . حد عارف الذكيبه !! ومعني كلامي هنا كل حاجه ان البنك المركزي بيبعت للهيئه عشان ميطعطلوش في عمل ملفات للحاجزين وتجهيز الاوراق ومينتظروش لبعد اقفال المرحله ويبقي كله جاهز علي كشف الترتيبات والتوزيع مباشرة .. فالحاصل ان فيه مجموعه كبيره من الموظفين قائمون علي حصر كل شئ وكل واحد اخدله من الذكيبه شوية ورق بيشتغل عليهم سواء بترتيب او غير ترتيب ولكن هناك مجموعه كبيره بالهيئه قائمه علي حصر كل شئ ومنهم محمود وعلي وصلاح وحسين وفوزي وابراهيم ويسريه ? وكل دول بينهم فروق فرديه في العمل فمنهم ابو تريكه ومنهم محمد صلاح ومنهم طارق حامد ومنهم محمد شريف لذلك لازم نفهم ان غياب واحد فيهم او مرض فعمله مؤجل لحين قدومه ومنهم من هو بطئ في المراجعه فلازم نفهم ان مش كل واحد راحله ايميل يبقي دوره في الاول او بالاخير ولكن الترتيب من البنك المركزي مباشرة وبعد اقفال الحجز .. وايضا هناك من الاشخاص بيانتهم كامله وسليمه ومش محتاجه ايميل عشان كده مرحلوش وعندما نشرت بوست سابق وقلت لازم نبعت ايميل بالمستندات كان لمساغدة هؤلاء في المراجعه وحل بعض مشاكل الموقع خصوصا بالمقابر فيا ريت نهدا ونفهم ان الحاصل ليس لخبطه ولا ترتيب ابدا ونطمن ان باذن الله خيرا خيرا بس الصبر لان فيه ناس مبتنمش وفيه ناس بتفرك وناس طول النهار اتصالات هنا وهناك وكاننا اول مره ناخد ارض والهيئه فاهمه كل التفاصيل وعارفه ان الكل بيتاجر واللي بيسمسر والمظلوم الوحيد اللي داخل اول مره وعامل زي الاطرش في الزفه وده ربنا هيكرمه باذن الله فالهدوء الهدوء والصبر لبعد اقفال المرحله والبركه تنشف وتبان القراميط .. والتعلب فات فات وفي ديله سبع لفات .. وسلفل ?

.

السلام عليكم ورحمة الله وبركاته
ممكن حد يفيدني انا عاوز احول المبلغ وفي ناس بتقول الاولويه للي حول اول وكدا خلاص هل المعلومه دي صحيحيه

.

ما هو قادم لبيت الوطن طريقين مالهم تالت
احدهما مكسب و الاخر خسارة للدولة و عكس مصالح الدوله و تكرار لنفس الاخطاء
◀️ الاول الكسبان ١٠٠٪؜
١- تكميليه و تخصيصها ما ح تاخد اكتر من ٣ اسابيع تخصيص الترتيب موجود و المبالغ موجوده
٢- استكمال استمرار نجاح حجز الأراضي يستمر بعد حجز ٩٥٪؜ من الأراضي
٣- ثم طرح شقق مع استخدام البواقي و الحوالات في الحجز
٤- بعدها طرح جديد بعد الشقق تجاري و لا اراضي براحتك و تحويلات جديده زي ما تقول قول
الخيار دا مدته الخيار دا من شهرين ل ٣ شهور و حصيلة من ٣٠٠ ل ٤٠٠ مليون دولار لتحويلات لأراضي و الشقق
و الاهم حجز معظم الشقق و اراضي جديده و نجاح جديد للهيئة
◀️ الخيار الثاني معروف و خسران ٥٠٪؜
هو العند و تجاهل ال ٤٠٠٠ تحويل و العمل ضد مصالح الدوله العليا و هو استمرار الكلام الذي يقال و طرح شقق اولا و بعدين طرح جديد
ماله و ما عليه
١- معظم حوالات اراضي مش ح تروح شقق
٢- الطرح جديد كل اللي عنده حوالات ما ح يحول جديد و دي خساره ل ٦٠٪؜ من الحوالات
٣- فيه نقطه مهمه الناس مش ح تثق انها تحول طالما مفيش تكميليات و كل شوي يغيروا الشروط
٤- ندخل في موال الترتيب تاني و ما ادراك ما الترتيب و الترتيب أبجدي ?
الخيار دا مدته ٤ شهور مش اقل من كدا و حصيلة التحويلات لا تتعدي ٢٥ ل ٣٥ مليون شقق و الأراضي لن يتعدي ١٠٠ ل ١٢٠ مليون دولار و الاجمالي من ١٢٥ ل ١٦٠ مليون دولار بالكتير
و خسارة عدد كبير من حجز الشقق و نرجع نطرح أراضي و بعدها اللي عاوز شقق تاني و دوخيني ياليمونه ?
ياليتهم يسمعون

.

ملخص احداث بيت الوطن مرحله 8 ، ولو الكلام اللي هكتبه ده طلع غلط ، اتحاسب عليه وهبطل بيت وطن ……….

#اولا / عدد الحوالات تاريخي يفوق 9000 حواله الى الآن

#ثانيا / كل الحوالات الاولى في المقدمه من خارج جمهوريه مصر العربيه وبالأخص ٩٠ % منهم دولة الكويت وهذا كلام احاسب عليه بمعنى ان النرجس واكتوبر هتخلص والحوالات الاولى من الكويت لم تنتهي ومدخلش بينهم حواله واحده من مصر والكلام ده احاسب عليه وبأكد كلامي تاني وثالث احاسب علييييييه
#ثالثا/ الحوالات اللتي تم تحويلها من 12 صباحا تم اعتمادها بالترتيب والتحويل وهي دي اساس المشكله

#رابعا / الترتيب النهاااااائي خاص بهيئة المجتمعات العمرانيه وذلك اول مره يحدث هذا الحدث
( له ماله وعليه ماعليه )

#خامسا / برغم اني كنت ضد فكرة اللفات وان كل اكاونت ياخد قطعه واحده في الاول ، ولكن بعد اللي عرفته اليوم اتمنى فعلا ان القرار ده يتم تطبيقه ، واهو ع الاقل كل واحد من مصر او من بره مصر ياخد قطعه وتبقى اتعشت وربنا يصلح حال الرجاله اللي معروفين ومحولين 8 حوالات على 8 اكاونتات بحسابات جديده مقدرش اقوله غير انت واد معلم منك ليه وارفعلكوا القبعه ،،،،وبدل ما الساده اللي محولين منقسمين وعاملين 4 احزاب ياريت تتحدوا وتطلبوا فتح زونات جديده ، اتحدوا مره واحده في حياتكم يرحمكم الله.
( الكويت?? )

#رائد_بيت_الوطن?

.

أعلن اللواء حسام الدين مصطفى رزق رئيس الهيئة العامة لتعاونيات البناء والإسكان، عن بدء بيع كراسة الشروط والإقرارات ودراسات الجدوى الخاصة بحجز قطع أراضي لجمعيات الإسكان التعاوني الجادة، اليوم الإثنين حتى يوم الخميس الموافق ٢5 نوفمبر المقبل، بمقر الهيئة الرئيسي بمدينة نصر.

وقال اللواء حسام الدين مصطفى إن المدن التي سيجرى طرح الأراضي بها هي: «العبور الجديدة، أكتوبر الجديدة، مدينة بدر، العاشر من رمضان، 15 مايو، سلام مصر شرق بورسعيد،برج العرب الجديدة، بني سويف الجديدة، أسيوط الجديدة، المنيا الجديدة، سوهاج الجديدة، أسوان الجديدة».

وأضاف رئيس هيئة تعاونيات البناء والإسكان، أن كراسة الشروط ستسلم لمندوب الجمعية بموجب خطاب تفويض معتمد من مجلس إدارة الجمعية ، بحيث يكون آخر موعد لتسليمها بعد استيفائها يوم الثلاثاء الموافق ٢5 يناير ٢٠٢٢.

وأكد أنه سيتم إجراء القرعة العلنية لتخصيص الوحدات السكنية بين المتقدمين في تمام الساعة الحادية عشر صباحًا يوم الأربعاء الموافق ١٠ نوفمبر المقبل بمقر الهيئة الرئيسي، لافتًا إلى طرح ٣7 وحدة سكنية و٣٩ محل تجاري و4 وحدات إدارية بمشروع لؤلؤة بورسعيد، وكذلك وحدتين سكنيتين بمشروع A20، وذلك للبيع بالمزاد العلني في جلسة اليوم الإثنين، بمركز شباب السلام بشارع الأمين بجوار مستشفى أفامينا بورسعيد.

وتستقبل الهيئة، الراغبين في شراء كراسات الشروط الخاصة بـ50 وحدة سكنية بمدينة ١5 مايو، اليوم الإثنين، وتستمر حتى الخميس الموافق ٢٨ أكتوبر الجاري، بمقر الهيئة الرئيسي بمدينة نصر.

.

لو سمحت عايزة اعرف ازاي افتح الموقع من داخل مصر لاني حجزت وحدة وانا بالخارج ولسه الكود بتاعي مانزلش

.

سلام عليكم لوسمحتم ايه رايكم فى شمال بيت الوطن وهل الاسعار كويسه

.

.