القمر في بيت الوطن حالا ? تصوير من الموبايل ..

.

السلام عليكم ورحمة الله وبركاته
لو تكرمتم لو حد عنده خريطة بيت الوطن اتوكاد اكون شاكر

.

هدفع القسط الأول للارض من الخارج
ايه المطلوب اعمله بعد كده بالنسبه لإيصال الدفع
هل المفروض حد يروح يسلم صورة الايصال للجهاز؟؟

.

ممكن افادة ازاى احجز وعلما انى في مصر حاليا والحجز دلوقتى ولا الناس دى حاجزة من فترة

.

اياك والرخص في كل حاجه واياك انك تهمل اشرافك الشخصي علي شغلك حتي ولو كان شخص او شركه ثقه .. بالعكس وجودك يزيدك ثقه فيمن تثق فيه ..

.

.

جالي ايميل !! مجاليش ايميل !! ترتيبي فين !! .. ?

مساء الخير .. خلونا نتكلم شويه بعقل ورويه لنصل الي نتيجه المفيد فيها اللي هقوله وكلام علي قدر فهمي بعمل الهيئه ..
خلينا نبدأ الحكايه من الاول ان كل الحوالات اللي بتصل للبنك المركزي بيبعتوها للهيئه في شوال كبير كده او ذكيبه بالبلدي . حد عارف الذكيبه !! ومعني كلامي هنا كل حاجه ان البنك المركزي بيبعت للهيئه عشان ميطعطلوش في عمل ملفات للحاجزين وتجهيز الاوراق ومينتظروش لبعد اقفال المرحله ويبقي كله جاهز علي كشف الترتيبات والتوزيع مباشرة .. فالحاصل ان فيه مجموعه كبيره من الموظفين قائمون علي حصر كل شئ وكل واحد اخدله من الذكيبه شوية ورق بيشتغل عليهم سواء بترتيب او غير ترتيب ولكن هناك مجموعه كبيره بالهيئه قائمه علي حصر كل شئ ومنهم محمود وعلي وصلاح وحسين وفوزي وابراهيم ويسريه ? وكل دول بينهم فروق فرديه في العمل فمنهم ابو تريكه ومنهم محمد صلاح ومنهم طارق حامد ومنهم محمد شريف لذلك لازم نفهم ان غياب واحد فيهم او مرض فعمله مؤجل لحين قدومه ومنهم من هو بطئ في المراجعه فلازم نفهم ان مش كل واحد راحله ايميل يبقي دوره في الاول او بالاخير ولكن الترتيب من البنك المركزي مباشرة وبعد اقفال الحجز .. وايضا هناك من الاشخاص بيانتهم كامله وسليمه ومش محتاجه ايميل عشان كده مرحلوش وعندما نشرت بوست سابق وقلت لازم نبعت ايميل بالمستندات كان لمساغدة هؤلاء في المراجعه وحل بعض مشاكل الموقع خصوصا بالمقابر فيا ريت نهدا ونفهم ان الحاصل ليس لخبطه ولا ترتيب ابدا ونطمن ان باذن الله خيرا خيرا بس الصبر لان فيه ناس مبتنمش وفيه ناس بتفرك وناس طول النهار اتصالات هنا وهناك وكاننا اول مره ناخد ارض والهيئه فاهمه كل التفاصيل وعارفه ان الكل بيتاجر واللي بيسمسر والمظلوم الوحيد اللي داخل اول مره وعامل زي الاطرش في الزفه وده ربنا هيكرمه باذن الله فالهدوء الهدوء والصبر لبعد اقفال المرحله والبركه تنشف وتبان القراميط .. والتعلب فات فات وفي ديله سبع لفات .. وسلفل ?

.

السلام عليكم جميعا
عندي استفسار لو سمحتم
هل الجهاز في القاهرة الجديدة بيوافق لو ان العمارة علي ناصية ان يكون ليها مدخلين منفصلين
مدخل علي كل شارع مع سلم و مصعد منفصل عند كل مدخل

.

.