معارك جانبيه ضيعت اهم قضيه في المرحله ( و هي قضية سعر المتر بالجنيه)?
معركة القطعه الواحده و اصحاب الحوالات الكثيره بغض النظر انت مع اي حزب فيهم
الحرب دي السبب في خسارتنا التكاتف المعركه الاساسيه و هي سعر التثبيت?
للاسف الدنيا اتقلبت و كل الحاجزين مرعوبين من الحجز و التحويل
و الغريب في الموضوع
١- الهئية ما عندها اي رد من اي مسؤول او موظف
٤- الاغرب ان كل الورق يؤكد الكارثه
٣- الهيئة حتي ما اعلنت عن تكذيب علي الموقع و دا معناه انه تاكيد في حد ذاته
٤- عدم الاعلان عن موضوع فاصل او تكذيبه هو تاكيد

في النهاية الكل منتظر حتي اخر لحظه للتحويل (و انا من ضمنهم)
و فعلا محدش ح يحول و فيه كمية الغموض دا

حتي الان الناس منتظره تاكيد و اعلان عن تسعير بالجنيه و هو ما لم يحدث?
و ح نقعد في نفس الدائره البيضه و لا الفرخه ?
كلمتين باختصار :-
يوم الخميس لو لم يتم اي اعلان و بطريقة قانونية و اوراق كامله و تعديل في الاوراق و الموقع سيكون أنتهاء الثقه بين الطرفين للابد و دي الحقيقه

لان واضح من عدم رد الهيئة ان اي تسعير للاراضي شديدة التميز و في قلب العمران هو الدولار
معروب ان ما يحدث يخالف القانون و الدستور و ستكون القضايا علي الهيئة كثيرة
في النهاية لكن مش فاضيين للكلام دا

الحمد لله و الشكر لله ان مدة التحويل اسبوعين كان الواحد حول عمياني و ما اخد باله

الوضع الحالي ضبابي سواء اتخاذ القرار بالحجز او الاسترداد لكن ما يتضح حاليا من اراء معظم الناس هو الخروج بفلوسنا افضل من اي ارض
و لسان حال الكثير غلطه لن تتكرر بعد ما يحدث

.

الاخوة الاعزاء القائمين علي الصفحة .. تحياتي لكم جميعاً .. و ارجو منكم افادتي و نصحي ماذا افعل في الموقف الذي انا فيه الان
حجزت قطعة في منطقة حرف D في الحي الرابع في المرحلة الثانية يعني كده دخلنا يمكن في السنة الخامسة او السادسة تقريباً و للاسف لا يبدو ان هناك اي بارقة امل في انني ساستلم الارض في هذا العام او حتي العام القادم و كلما سالت عن اسباب التاخير سواء الاخوة في الجهاز او الاخ الفاضل الحبيب الحاج علاء جمعان او اي احد من الاخوة الافاضل الجيران تزيدني اجاباتهم حيرة لانه لا يوجد من يعرف سبب التاخير و لا الموعد التقريبي الذي يمكن ان استلم فيه هذه الارض فمرة يقال لنا ان مقاول التسوية تم تغييره لانه متكاسل و مرة يقال ان لديه مشكلة مع الجهاز لانه لم يحصل علي مستحقاته و مره يقال اصل الارض صخرية و تحتاج الي تفجيرات و مرة و مرات كثيرة لا نجد اي اجابة شافيه رغم ان كل الاحياء الاخري في بيت الوطن معظم الحاجزين استلموا ارضهم و بنوا بناياتهم و سكنوا و الشوارع مسفلته و منارة. و حاجة زي الفل مع اننا جميعاً حجزنا في نفس الوقت .. بالله عليكم هل هذا يرضي ربنا او يرضي الجهاز او يرضي مجلس الوزراء او يرضي احد ؟!.. ثم لا احد يريد ان يكلف نفسه حتي عناء تطميننا ان موعد تسليم الارض قد اقترب او تحدد و لا ادري لماذا هذا الكم من التجاهل لهذه المنطقة بالذات (حرف D) بالحي الرابع المغضوب عليه ؟.. و بماذا تنصحوني ؟.. هل ارفع شكوي لوزير الاسكان ام لمجلس الوزراء ام للرقابة الادارية او لرئيس الجمهورية اللي الله يكون في عونه شايل الدنيا فوق دماغه لوحده .. ارجوكم حد يفيدني ما افعل لقد تعبت من السكوت و من الانتظار و من الصبر و لم يعد بامكاني تحمل الانتظار او السكوت اكثر من ذلك .. افيدوني بالله عليكم
نبيل هاشم
مهندس استشاري معماري و خبير هندسي و محكم دولي معتمد

.

.

.

ممكن اعرف التحويل بيكون ازاي من داخل مصر لو المبلغ موجود في الحساب اكتر من ٦٠ يوم ،
ولو من الخارج لازم اروح البنك احول منه ولا ينفع اونلاين

.

فرق بيت الوطن

لو انت فى الفريق اللى بيلعب ٣-٥-٢ الطريقة التقليديه انه يعمل كل حوالاته من اكونت واحد او اتنين بالكتير ودة مش غلط فدة اى اقتراحات بتعديل ألية التخصيص بإن كل اكونت ياخد حوالة واحدة وبعدين لفات هيبص له نظرة خيانة وعماله والخطة بتضرب فى مقتل ودة كدة تغيير فى شروط اللعبة
متفقناش على كدة يا ابو الكباتنننننن……
كنت قولتلى قبل الصفارة كنا لعبنا بخطة تانيه.

اما لو إنت فى فريق اللى بيلعب ٤-٤-٢ دة موزع نفسه على اكونتات كتير نفسه كل اكونت ياخد قطعه فى الأول علشان يعرف ياخد على كل اكونت قطعه كويسه ونفسه فى كدة وكمان نفسه المربعات الجديده متنزلش الا فى التكميليه لفة تانيه

نروح لفريق المستجدين أو اللى محولين من حساباتهم بجد اللى بيحجزو لنفسهم مش كوبرى لحد دول ناس مش بيلعبو بخطه واول مرة يلعبو وسط جمهور نفسهم ميطلعوش من المولد بلا حمص قطعة واحدة كويسه فبالنسبالهم احسن حاجة كل اكونت قطعة واحدة وبعدين لفات و المستجدين كمان نفسهم اولويه للى مخدش خالص كدة ادامهم فرصة.

الموضوع بقى استثمار فى المقام الأول كل واحد بيجرى ورا مصلحته و الكورة فى ملعب الهيئه بس فعلا الأرزاق على الله اعمل اللى تعمله وقول اللى تقوله مش هتاخد غير رزقك اللى ربنا كاتبهولك اللى انت ممكن تكون مفكر نفسك شاطر وفاهم والخير اللى ربنا كاتبهولك هيجيلك من طريق تانى.

.

.

.

صباح الخير ..
ماشي بالامس بين الحي السادس والرابع لقيت شركة الكهربا عماله تركب كشافات باعمدة الشوارع يعني اللي رايح علي السابع والخامس بالليل كده ميخفش ? .. الفكره والحمد لله ان كل يوم تقدم في التعمير والمرافق .. فتفائلو بالخير تجدوه وصباح الورد

.