السيد المهندس / امين غنيم رئيس جهاز القاهره الجديده ..
صباح الخير
حضرتك وعدتنا اكتر من مره ان الرخصه بتاخد في استخراجها 15 يوم لكن لم يحدث ذلك .. والسبب عدم وجود مهندسين ولان بيت الوطن قاربت اقساطه علي الانتهاء فبنلاقي فيه ضغط علي المهندسين في التراخيص والرخصه بتدخل في 5 شهور اقل شئ بالمجمعه العشريه والدفاع المدني مجتمعين .. لكن اللي مش طبيعي خالص ان المهندس بيخلص الرخصه وبعد كتابتها ودفع رسومها بتقعد شهرين ونفضل ندور علي الرخصه وتبدأ الرخصه عند المهندسه رشا اللي كل ما نروحلها تقولك لسه بنراجع ومش فاضيين وعندنا شغل تاني للكمباوند ولو عدي شهر ونص او شهرين تروح عند المهندس حسن الشحات وندور عنده مبنلاقيش الرخص يقولك لا هتلاقيها عند المهندس احمد نوح ونروح عند المهندس احمد نوخ يقولك استحاله انا مبأخرش رخص عندي وبالنهايه نكتشف انها ضاعت فنرجع نكتبها تاني وتبدأ الدوره من جديد وبعد كل ده تروح للمهندسه زينب نائب رئيس الجهاز والست لا تتأخر عن احد وهتلاقيها منين ولا منين ولو لقيناها عند المهندسه زينب واتمضت والحمد لله تروح علي الشيخ عبدالحميد بالاسكانر والشيخ عبدالحميد مصايب الدنيا والدين بتصب عنده وتلاقيه معذور وقاعد لحد تسعه بالليل وعلي ما يخلص حاجتك صعب صعب صعب او الاسكانر عطلان ولو خلصت عند الشيخ عبدالحميد يبعتها للموظفين تحت بالدور الارضي لتسليمها للعميل .. فهل يعقل كل الوقت ده لاصدار رخصه وكتابتها بعد ما المهندس يراجعها ويكتبها وندفع رسومها. !!! اقسم بالله العظيم الموضوع فيه ذل ومهانه وروتين ابن كلب فحرام اللي بيحصل ده .. حرام ان بعد كتابة الرخصه تاخد شهرين يعني بالنهايه الرخصه تعدي الست شهور وفيه رخص بتاخد سنه ليه يا جماعه في عرف مين !! ارجوك يا بشمهندس امين حاول تحل الموضوع الناس تعبت لدرجة التذمر والضجر لان لو حضرتك محلتش كل المسائل دي مين هيخرجنا من الدوامه دي .. شكرا جزيلا

.

.

وجهة نظر :

١- قاعدة ذهبية الأشياء التي لايمكن قياسها لانستطيع التحكم فيها وادارتها مثل مد مهلة بمبالغ كبيرة وغير معروفة وزيادة أسعار مواد البناء بأرقام غير مبررة

٢- كل مالك ارضه غير جاهزة يقدم علي تاخير الاستلام والاقساط

٣- كل مالك يلتزم بدفع الاقساط في ميعادها حتي لايتراكم عليه قسطين حتي لا يتعرض لسحب الارض

٤- الملاك الذين استلمو الاراضي وباقي مهلة عامين ان يبدء باستخراج الرخصة وهي صالحة لمدة عام وتجدد عام اخر برسوم بحيث عندما يكون باقي عام يبدء البناء

٥-يجب على الملاك ان يكون علي الأقل بني البدروم والأرضي عند أنتهاء مهلة البناء

٦-الملاك الذين ليس لديهم القدرة المالية التصرف بحيث لا يتم سحب الاراضي منهم والتقدم لاخذ تمديد لمهلة البناء

٧-يجب عمل كل ما نستطيع وان لانعرض انفسنا لسحب الأرض او دفع مبلغًا ضخما لعمل ممدد إضافية

٨- اذا تم التمديد المجاني للمهلة خير وبركة ويجب الدفع في هذا الاتجاه

٩- عدم البناء الان بيزيد تكلفة البناء بسبب اسعار مواد البناء في زيادة مستمرة وتصل لاكثر من ٢٠٪؜ في العام وفي حين فائدة البنوك ١١٪؜

١٠-اذا زادت نسبة البناء عن اكثر من ٥٠٪؜ سوف ترتفع اسعار الاراضي والشقق

١١- اذا زادت نسبة البناء عن ٧٥٪؜ يمكن الملاك من الاقامة في بيت الوطن

.