مقططفات من تعليقات البوست السابق الموجه الي الهيئه والقائمين عليها يمكن كلامنا يفيد وسنرد علي الاسماء التي طرحت التساولات كل علي حده مع حفظ الالقاب والاسماء فجميعنا اخوه ..

1- اول تساؤل من هشام وجدي بيقول فيه هي الارض اللي اقترحتها بالبوست السابق مميزه يا حاج علاء !!! يقصد هنا اراضي الحي التامن والسادس وحرف E بالحي الرابع .. اقول طبعا اراضي معقوله وفيه ايضا مشكله تانيه الارض دي كانت قرعه والبواقي كتير والمشكله معظم هذه الاحياء اتبني وخلص واتسلم للناس المشترين او الساكنين لاراضيهم فازاي هتسيب الاراضي دي تخرب علي الناس دول شغلهم واللي شطبوه وهيبقي فيه بهدله كتير من العرب والسيارات النقل والمقاولات المفتوحه لخمس سنوات اخري لذلك لابد من الاسراع للانتهاء من هذه الاحياء لانها مقابله للعاصمه وعلي المنوريل وهتكون محل انتقاد يومي لو مكملتش وبسرعه ..
2- ثاني فرد محمد عزمي بيحاول يوصل للوزاره وبيقول كفايه تفكير في موضوع ان اللي بياخد بيبيع باوفر وبتستكرو عليه ذلك فبيقول لو احنا مكسبناش مين هيبيع ارضك او طرحك وهيسوقلك الارض غيرنا !! ومش هتعرف تبيع فلازم نكسب والدوله تكسب لانك لو هتبص لنفسك مش هتبيع ولا هتعرف ..
3- محمد عيد لا يثق بالهيئه لانهم بيغيرو الشروط لصالحهم فقط واضافة شروط ربويه لذلك هناك تاثير سلبي علي الطروحات والمراحل وعدم توافر الثقه بيننا وبين الوزاره ..
4- الحج سيد العربي بيقول لازم نقابل الدكتور وليد لانه القادر علي الحلول ويعي بيت الوطن جيدا وحتي يعرف الاماكن والاراضي وقادر علي خلق حلول ومبيغيرش في الشروط بعد طرح المراحل وكذلك المهندس خالد عباس كان كذلك ..
5- انور مناع بيقول انتو ليه شايلين الشقق وهتعملو ليه تكميليه وتضييع وقت فبقوله يا انور يمكن الرجله هناك معندهمش شغل فبيخلقولهم شغل لبعدين ونفضل مستنيين شهور ووقتنا واشغالنا تضيع ..
6- ابو عمر طهقان من الهيئه وفضل انه ميدخلش من المرار اللي شافه قبل كده وضياع وقت وتغيير شروط ..
7-مجدي الدكر من المرحله التانيه ولسه مستلمش ودي مصيبه في حق الوزاره .. الجهاز مبيشتغلش والشركات مبتشتغلش ومبتاخدش فلوسها ولو فيه شغل فهو روتيني بطئ فبصراحه بيت الوطن القديم مظلوم ن يا ولدي مظلوم ن مظلوم ..

———————————————————————————–

دي كانت مقتطفات واعتراضات الحاجزين علي اللي بيحصل ونخرج منها بتوصيات كتيره ..

كراسة شروط نزلت محدش يلعب فيها لكي لا نضطر الي رفع قضايا ووجع قلب وترجع الوزاره تقولك مهلة سداد يشرط التنازل عن قضايا الهيئه .. هضرب مثال صغير اللي حصل باخر طرح للشقق وخلينا ساكتين مؤقتا لحد منشوف التاسعه وهيتعمل فيها ايه ..

بيت الوطن القديم وان المهله انتهت وناس خلصت مبانيها وفيه ناس مستلمتش الي الان ..

لجنة التسعير انت ليه مبتشربش كوباية ليمون وانت بتسعر ليه عشان تهدي وتعرف الدنيا بره ماشيه ازاي وايه المناسب ولا حضرتك عايز تعمل شغل او هتطلع علي المغاش وعايز تجدد !! فبتخبط اي اسعار وخلاص دون دراسه !! ..

موقع الهيئه وطبعا انا بحب الموقع ده بصراحه من احسن المواقع المصممه بتلاته شلن حد فاكر الشلن !! الموقع يا سيدي تيجي تاخد كود يديلك الارض ويحجزهالك من اول لحظه حتي لو انت محولتش فلوس ومش عايزنا نحبه !!! واقترحت سابقا علي الدكتور وليد 50 دولار علي كل حواله لتطوير الموقع بدل ما كل شويه يتعمل عليه هاك ومبيستحملش حتي 500 شخص يدخلو في وقت واحد !! ..

المصلحه والمنفعه مشتركه فأن لن تراعو ذلك الوضع كل يوم من سئ لاسوأ ..

اختيارات الاراضي من المشروعات .. نفسي اعرف مين بيختار ويحط الاراضي لاننا مش هنفرح بعدد مدن كتيره باللست بكل المحافظات ولا نراعي التوازن والعرض والطلب واني اضيع علي الدوله اراضب باكتوبر او القاهره الجديده او زايد باضعاف مبالغ المدن الاخري وبكده يضيع علينا مبالغ كبيره نقدر ناخدها فيا ريت نبص في اللي بيجيلنا من المشروعات ونختار صح ونكون فاهمين كل موقع وكل مدينة وطلبات الحاجزين واقبالهم هيكون فين عشان اقدر الم دولار يدخل لخزينة الدوله ..

بعتذر علي الاطاله بس كان لازم نقول ويا ريتهم يسمعو .. شكرا

.

الطرح الجديد من جنه اكتوبر وزايد هيكون مع التكميلي ولا أمتي بالظبط

.

شباب كام تكلفة استخراج رحصة البناء اراضي في بيت الوطن

.

.

هل ممكن نفس الشخص يحجز قطعتين او تلاتة من بيت الوطن بنفس الاسم؟

.

.

السلام عليكم ورحمة الله وبركاته .. يمكن بعد وصول الخطاب رقم ثلاثه من الهيئه الي جهاز القاهره الجديده لفض الاشتباك القائم بيننا وبين جهاز القاهره الجديده بادره لحسن النيه والبعد عن البيروقراطيه وتسيير امور الناس والسعي الي تطبيق القانون والشروط التي التزمنا بها كما التزمنا بتحويل اموالنا الي الدوله للحصول علي المسكن والاستثمار المناسب بعد سنين عمر غربه بالخارج وللاخذ بمد يد العون الي دولتنا الحبيبه في النهوض بها وتحويل العمله الصعبه لنكون السند والابناء البارين بمن تربو علي ارضها ..
ومن هنا نقول نحن لا نكن عداوة لاحد ولا نكن لهم غير الاحترام لطالما تعاونو معنا وتعاونا معهم للوصول الي حلول للتراخيصوسرعة انهائها كنا وعد المهندس امين بذلك ولتسليم الارض بمرافق كامله وغيرها من المشاكل العالقه الكثيره .. لكن نهيب بالساده المسؤلين من بداية راس الهرم المهندس امين غنيم مارا بالمهندس اشرف الجمال والمهندس طارق حسانين والمهندس محمد صلاح والمهندسين رامي ومحمود فنقول لكم نحترمكم جميعا ونعتذر ان ضاق بنا الحال لخوفكم من المسائله القانونيه . لكن موضوع الواجهات من شهر مايو 2020 وعمالين نلف بحلقه مفرغه منذ قدوم المهندس عادل النجار والمهندس اكرم لحد ما طلع معاش في نفس السنه بنوفمبر والي هذا اليوم .. فنأمل منكم يد العون و المساعده وحل المشاكل للحاجزين ولنصل سويا الي بر الامان .. ولتعلمو جميعا اننا نحترمكم علي المستوي الشخصي ونقدركم جميعا لذلك ورجاءا حل باقي مشاكل بيت الوطن بشفافيه فالمشروع ليس بالهين .. لذلك نترقب التعاون المثمر لتكونو تاجا علي رؤوسنا ولتكونو الواجهه المشرفه لاكبر جهاز بهيئة المجتمعات العمرانيه .. وتقبلو اعتذارنا حتي وان ضاقت بنا السبل .. شكرا لكن جميعا ودومتم ..

.