#دردشة_مغتربين
الاخوة الحاجزين #المرحلة_السابعه في #مشروع_بيت_الوطن
اتكلمنا قبل كدا عن تذبذب السوق العقاري في رسالة
و الأخ العزيز المهندس أحمد منيب Ahmed Monieb عن الوضع الإقتصادي الحالي في مصر او العالمي مع انتشار #فيروس_كورونا
نكمل الرساله
لو كنت لسه بتفكر في الأوفر بس انتبه الحكاية مش ح تفرق مدينة عن التانية
الموضوع اكبر بكتير من فكرة مدينة و الوضع الاقتصادي الحالي و مع الانهيار في البورصات العالمية و إنهيار اقتصاد دول كتير و هبوط البترول و الإقبال علي ازمه إقتصادية عالميه
كل دا يجعل الكثير مضطر علي الاحتفاظ بالسيولة المالية و عدم المخاطره في اي استثمار طويل الأمد إلا إذا عندك القدرة المالية الكافية لإستكماله و عدم الحاجه لرأس المال في الفترة القادمه
طيب الأوفر كم ???
تاني نفس السؤال اوفر كم ؟
يا عم الحاج أقل قطعه مكسب الاستثمار فيها كويس جدا
بس خد بالك ????
دا في حالة البيع و ان السوق شغال و فيه اصلا مشتري للمنتج النهائي اللي هو الشقه
تشتغل تسويق و تبيع شقق و ترجع فلوسك و تبني و تكمل أقساط الأرض بفلوس الاقساط للشقق
بس انت تضمن دا دلوقتي ؟؟؟ ???
“حسن البيع و لا حسن البضاعه”
رأس المال للقطاع الخاص و الشركات الصغيرة و الأراضي السكنية الصغيره الموجود حاليا في منتج(عقار)
ما لم يتم بيعه للمستخدم النهائي سواء بيت الوطن او باقي احياء القاهرة الجديده او حتي النرجس فيه أكثر من ٢٠٠ مليار جنيه يعني ٢٠٠،٠٠٠ مليون جنيه لان فيه أكثر من ٢٠٠ ألف شقه يعني متوسط ٢٠ ألف قطعة أرض
بالإضافة الأراضي في المرحله السابعه
دا غير الكومباوندات و العاصمه
دا غير مشاريع الدولة زي جنه و سكن مصر و دار مصر
في الوضع الطبيعي ح تلاقي الأوفر و اوفر محترم
انما الوضع الحالي ح تلاقي ايه ؟؟ …..

——————-احنا بلد من غير كاتالوج ————–‐——-

اللي عاوز ياخد ارض سواء سكن و يستثمر استثمار طويل اهلا و سهلا و لا تتردد اذا كنت تقدر تكمل القسط
انما حكاية الاوفر خطف زي زمان بص كويس قبل تحط رجلك
مش معني الكلام ان مفيش اوفر !!!!
لا طبعا فيه اوفر موجود بس فكر تاني و أقرأ ???
كلمة خالصه من القلب و الكلام دا لنفسي قبلكم
بالتوفيق للجميع و حمي الله مصر شعبا و أرضا من كل سوء
https://www.facebook.com/groups/432957980745021/
#بيت_الوطن #شقق_بيت_الوطن #المرحله_السابعه #وزارة_الإسكان

.

.

.

.

بنك اة اللىى بيسمح افتح حساب بالدولار واعمل شيك مصرفى لدفع القسط

.

.

.

خطوات للحجز بأرض بيت الوطن للمستجدين
اولا:
الفلوس لازم تتحول دولار من بره مصر او تكون دولار في الحساب البنكي من اكثر من ٦٠ يوم
١ يجب لكل شخص عمل حساب على موقع الهيئة
http://www.nuca.gov.eg/
وتدخل علي اراضي (سكني – مختلط ) وتعمل اكونت
٢-تحميل الاوراق والبيانات المطلوبه لارفاقها على الموقع
– صورة جواز السفر
– صورة الإقامة للدولة التى تقيم بها و تكون صالحه
-صورة بطاقة الرقم القومى المصرى
-بريد الكتروني يكون شغال
-رقم موبايل وعادي ممكن تحط رقم مصري او دولي
في حالة انة القطعة داخل فيها اكتر من شخص تعمل اضافة شركاء وتحط بيانتهم
٣- متابعة الموقع الاكتروني المخصص للحجز عند طرح الأراضي أو الشقق و عند فتح الموقع للحجز
يتم اختيار القطعه و مقارنتها مع الخريطة و الضغط علي احجز
في قائمة الطلبات سيظهر لك القطعه و كود الحجز
أهم رقم يخصك هو كود الحجز
٤- يتم ارسال مبلغ الحجز للبنك المركزى عن طريق احد البنوك التى ترسل المبلغ فى اسرع و يفضل الأسرع و أسأل عن أفضل البنوك و ليس الصرافات يفضل عدم التحويل عن طريق الصرافة عشان الفلوس بتتاخر في التحويل
عند تحويل المقدم هاتبعت المبلغ المكتوب في خانة المبلغ المطلوب تحويلة وتبعت زيادة علية 300$ عشان بيكون فية عمولات بتتخصم من البنك والبنك الوسيط وعشان يفضل المبلغ يوصل كامل او زايد مش ناقص
٥- اهم نقطة وضع كود الحجز في التحويل فى السويفت المرسل للبنك المركزى في خانة الملاحظات او سبب التحويل هاتكتب كود الحجز فيها
٦- بعد يومين ترجع للبنك و تاخد السويفت كود و ترفقه مع صورة التحويل علي الطلبات بتاعتك وتبعت ميل فية صورة التحويل وعنوان الميل تكتب كود الحجز
٧- وقت التخصيص سوف تصلك إيميل بتأكيد الحجز اذا لم يكن احد ارسل المبلغ اسرع من حضرتك وحجز هذه القطعه
٨- فى حالة حد سبقك لازم تقوم بحجز قطعه اخرى بحيث ان يكون المبلغ مساوى لمبلغ حضرتك او اقل و اي قطعه متاحه تنطبق عليها الشروط ح تكون من نصيبك
٩- تقوم الهيئه بإرسال إيميل لكى فى خلال دقيقه لتعلمك بانه تم تاكيد الحجز

هيئة المجتمعات العمرانية الجديدة

.

.

ممكن اعرف التحويل بيكون ازاي من داخل مصر لو المبلغ موجود في الحساب اكتر من ٦٠ يوم ،
ولو من الخارج لازم اروح البنك احول منه ولا ينفع اونلاين

.