نصيحه لله لأي مشتري او مطور او تاجر ………. @الجميع
متوافقش ع التوكيل رقم 1 اللي بيبيع الارض بيشغل دماغه في حاجات كتير فيه واقل حاجه فيه انه بيلبسك الضريبه وياريتها على قد كد ده الباشا بيجبرك انك تعمل تنازل ف القطعه من انهرده ? ياعم انت عبيط مابتفهمش حاجه اقسم بالله انت عمال تحشي ف التوكيل وبس ،طيب ماانا كد كد هتدفع ضريبه كمشتري لو حبيت ابيع الارض الضرايب بتيجي على كل معامله لكل توكيل وهو قابض فلوس وكسب يبقى يدفع للدوله حقها من جيبه وانا هدفع وقت ماعمل توكيلي
بعنا غي النرجس والرحاب ودمياط وعملنا توكيلات وعمرنا معملنا كد في اللي بيشتري مننا
متحسسنيش ان عينك ف القطعه وانت بتبيعها ملخص الحوار الله يسامح اللي كان السبب وحب يجود ويكتب التوكيل د وهو بطيخه ولا هو فاهم اي حاجه ولا فاهم قانونيه اكتر من 4 بنود اساسا يبطلوا التوكيل اللي مكتوب ده والله اللي يشتري بيه هيلبس وهيلبس اللي بعده متشتريش بالتوكيل رقم 1 واشتري بالتوكيل رقم 2 ((التوكيل ده مضمونه اساسا غير قانوني ده واحد بيجود وحب يشغل دماغه بس غبي ))
ولو عالضريبه ابقى ادفعها وقت البيع بس متقعدش تجود في التوكيل وكل واحد حر في قراراه بس محدش يجي بعد كد ويقعد يقول الحقني واقعد احشي في التوكيل ولا انت فاهم انت بتكتب فيه ايه احشي ورص وخلاص
((انت كبايع بتاخد فلوسك بالطريقه اللي تعجبك وانا كمشتري اخد ورقي بالطريقه اللي تعجبني ))
انا بدفعلك فلوس مش ورق جرايد فمتشغلش دماغك وخليك كد وش نعمه
بالمناسبه شروط المخالفات ف البناء مفيهاش مشكله كد كد دي بتتحط ف اي توكيل عادي
#حملة_توعيه
احسنت يا باشا
و
رفضت مرتين اشتري بالتوكيل دة ——
م
يعني التوكيل الاول غير قانوني
مش فاهم قصدك يعني انت عاوز البايع يبيع من غير ذكر الضريبه العقاريه او اي ضريبه تخص قطعه الارض و هو يتحملها ؟ وميلزمش بيها المشتري ؟
التوكيل قانونى وكل واحد بيأمن نفسه اللى مش عاوز ينفذ به هو حر واللى مصر يبيع به هو حر
انما التوكيل قانونى اه قانونى بيضع شروط على المشترى اه فعلا بيضع شروط عليه ان مخالفات البناء لو موجوده يتحملها هو وليس حاجز الارض الاصلى
وضرائب التصرفات للشقق تكون على بائع الشقق وليس على حاجز الارض الاصلى لان المشترى هيبيع الشقق باسمه هو وليس باسم حاجز الارض
وتضمن اذاي اني المطور مش هيبيع الشقق بإسم الاصيل ويحمل التصرفات العقاريه للشقق علي الاصيل
احسنت
م
هى فعلا جزئية انى اعمل توكيل لحد عشان يبيع حاجة وفنفس التوكيل اكتب انه يبيع باسمه مش باسمى دى الحاجة وعكسها فعلا
هو لو يقدر يبيع باسمه يبقى انا بوكله عشان ايه ؟!
ممكن نكتب جملة بسيطة مش ملعبكة وتمشى الدنيا
* وفى حالة إعادة بيع الأرض أو تجزئتها كوحدات يلتزم الطرف التاني بسداد قيمة التصرفات العقارية او اى ضرائب أخرى
الدنيا سهلة والله بلاش لعبكة علشان كله يرزق من فضله
وبلاش نكتب فى العقد أن الضريبة على المشترى لانه مش هيدفعها
طالما بعت وربنا كرمك فى الارض من فضلك ممكن تعمل عقد بمبلغ صغير وتدفع الضريبة بتاعتك
سلام عليكم رائد حبيبي لك مني كل التحية و الاحترام و كمان وحشتنا كتير و بامر الله نشوفك على خير . ياريت نتناقش في التوكيل باي نقطة فيه نقاش يفيد البائع و المشتري و يجعل الامور وسطا بينهما في بيع و شراء امن و صحيح للطرفين . التوكيل طبعا قانوني و لو تحب نتناقش باي نقطة بالتوكيل لتوضيحها ، ممكن اناقشك فيها و اتمنى فعلا ان النقاش يكون بمصلحة الطرفين بائع و مشري و لا احد يرضى الظلم لاي منهما .
مجرد راى فقط : ازاى تكتب فى توكيل انك لايجوز البيع إلا بعد سداد ضريبة التصرفات العقاريه إذا كان القانون نفسه يتيح لك البيع اولا ثم سداد الضريبه لاحقا وليس العكس وبالتالى الصيغه ليست قانونيه ،
وكمان هتلاقى ان كاتب يجوز له التنازل عن الوحدات للنفس وللغير والتنازل معناه البيع لان لازم يكون فيه عقد بيع مع باقى الاوراق ( من ضمنها ضريبة التصرفات العقارية) حتى يتم التنازل ، وبكده الكلام كله مش متظبط مع بعضه وملخبط ،
ممكن تكتب انه له الحق فى التنازل عن الوحدات السكنيه لنفسه فقط التى ستقام على الارض وبالتالى ينقل لنفسه الاول وبعدها للغير او تكتب ان الوكيل قام بشراء الارض فضاء وبالتالى اى مسؤوليات خاصه بالبناء او بيع وحدات سكنيه بعد توقيع عقد الوكاله يتحملها الوكيل فقط وليس المالك الاصلى للأرض وتكتب ويكون الوكيل هو القابض لثمن اى بيع للوحدات ومسؤول مسؤوليه كامله تجاه مصلحه الضرائب العقاريه عن سداد اى ضرائب عقاريه خاصه بالبيع ،
والبائع يكتب كل بنود العقد ويدفع ضريبة التصرفات العقارية عن بيع الارض وصحه توقيع لعقد البيع
ياريت حد يكتب لنا اسماء اكبر المحامين اللى راجعت التوكيل ده عشان نستفسر مش اكتر لان ازاى اقول لايجوز البيع الا بعد سداد الضريبه؟ ولو الراجل باع وماسددش انت هاتعمله ايه بقى ؟ هايقولك القانون يسمحلى بكده اصلا ان ابيع وبعدها اسدد ،
ياريت حد من اللى راجعوا الكلام ده من القانونين يشرح النقطه دى لانها فعلا مش صح ، المفروض يبقى المالك منه للقانون لان باختصار اذا باع من غير سداد هاتعمله ايه ؟؟؟
لازم الصيغه تبقى قانونيه بدون تجويد
عقد البيع الارض بيقول ان الاصيل بايع ارض فضاء بدون مباني ، اذا لا يحق للمشتري من الاصيل بيع الوحدات السكنية كوكيل عنه ولازم يبيع بأسمه
التوكيل رقم ٢ معناه ان الاصيل اصبح كحول وهيلبس كل حاجة بعد كده مخالفات بناء اشغالات طريق ضريبة تصرفات على الشقق
اللهم هل بلغت اللهم فاشهد
وكل واحد حر فى قراره
هل الشركات اللي بتشتري الأرض بتدفع ضريبة التصرفات لما تيجي تبيع الشقق؟ ولا بتكتب في العقد انها علي المشتري؟
ده استفسار لان معلوماتي انه الشركات بتحمل المشتري ضريبة التصرفات العقارية للشقق وغير كده يعتبر استثناء وعليه جري العرف انه المشتري للأرض بيتحمل الضريبة.
الشئ الآخر التوكبل لو فيه أي مخالفة الشهر العقاري هيعترض ولكن التوكيل شغال وبيتعمل وكمان المشتري بيبيع به تاني ومحصلش اي مشكله.
وفي الآخر البيع والشراء بالاتفاق حسب كل بيعة وحسب شروط البائع وإذا وافق عليها المشتري أهلا وسهلا، وإذا رفض بيتفاوضوا إذا البائع عنده إستعداد .
بوست غير موفق
السلام عليكم ورحمة الله وبركاته
معذرة يا حاج رائد و ان مش انا اللي عامل الصيغه دي لكن اتحفظ على وصفك لصاحب الصيغه بما وصفته في البوست
ده أولا
ثانيا كتابة اي شيء يامن طرفي المعاملة مش عيب ولا حرام يعني لا إفراط ولا تفريط
ثالثا كتابة لا يجوز بيع وحدات قبل سداد الضريبه تلزم البائع و مشتري الشقه على دفع الضريبه بعيد عن صاحب الأرض الاصلي و هي قانونيه
رابعا محدش بيضرب حد على ايده و محدش بيقول الحقني و اللي يقول كده يستحمل اللي يجرى له
خامسا انا نفذت في دمياط و كتبت بنود المخالفات في العقد لكن ما اتنازلت عن العبارة دي في التوكيل و الا ما كنتش هبيع
العباره
يلتزم الوكيل او وكيله او خلفهم العام او الخاص بدفع قيمة ضريبة التصرفات العقاريه عن بيع أي وحدات تقام على الأرض باسم مالك الارض الاصلي قبل بيع تلك الوحدات
النص ده هيخلي بائع و مشتري الوحدات يتفقوا على مين فيهم هيدفعها
و اخيرا لا يصح الا الصيح و انت كوسيط لازم تأمن البائع و المشتري و كمان البائع مش بياخد فلوس صدقه علشان يوافق للمشتري على اللي يريحه و يجيب مشاكل للبائع بعد كده لان لو المشتري مش عارف انه هيكسب من البيعه بعد كده مش هيشتريها
ارجوا ان اكون وضحت الامر
في نقطه في التوكيل رقم ١ في غاية الخطورة بغض النظر عن موضوع التصرفات العقارية ومن يتحملها هذه أمور أتفاقية بين الطرفين وممكن يتم دفعها وقت إتمام البيع
أما بخصوص أن الوكيل يحق له بيع الوحدات السكنية بأسمه وليس بأسم الموكل فهذا معناه انه لابد أن يقوم بالبتنازل باسمه في الجهاز قبل عمليه البيع وإلا لا يحق له البيع بصفته وكيل عن الأصيل ودي نقطه في غايه الخطورة ولابد من مراجعتها بين الطرفين أثناء الاتفاق علي عمليه شراء القطعه وإلا المشتري هيلبس ويلبس معاه مشتري الوحدة السكنيه لان التوكيل لا يسمح له ببيع الوحدة بصفته