مساء الخير .. بمناسبة استلام المرحله الخامسه وان فيه اراضي متسلمتش هتتسلم من ارا… خ_

مساء الخير ..
بمناسبة استلام المرحله الخامسه وان فيه اراضي متسلمتش هتتسلم من اراضي المرحله التالته وان فيه ناس استلمت قبل كده من 3 سنين ودفعو اقساط وهي نفس المرحله التالته اللي هيتسلم منها باقي الاراضي شهر 8 الجاي فعايز اقول اقتراح لاني شايفه عقلاني جدا وينصف اصحاب المرحله المنكوبه ولو لمدة الوقت والتسليم واقول ..
المرحله التالته وقت ان حجز الناس فيها وكانت المرحله التاليه للمرحله الثانيه والتي لم يتبقي وقتها فيها مترا يحجز .. كانت بمثابة بدايه توحش الوزاره فقد زادو المتر مائة دولار وزادو المقدم 35% والكل فاهم الباقي والتفاصيل .. لكن الوزاره بعد ان طالبناها بارجاع المرحله 10% الزياده لنتساوي بالتانيه ليكون المقدم 25% وقد فعلو علي ان يتم ارجاع هذا المبلغ كأقساط من اول قسط .. يعني خدو الفلوس امانه عندهم وهيرجعوها قولنا ماشي لكن فوجئنا بتسليم المرحله وفوجئنا بحساب الفلوس الزياده علي سعر التثبيت .. طيب ازاي يعني اللي باقيله 40 الف لو حسبناهم هيطير اكتر من نصهم بسعر التثبيت وهذا ظلم وافتراء وعموما تم تطبيق ذلك ومخدناش منهم لا حق ولا باطل .. يعني المرحله دي من بداينها ظلم بظلم بظلم واقتراحي ..
ان يتم احتساب تسليم جميع اراضي المرحله التالته كالمرحله الخامسه بالضبط واعتبارا من شهر اغسطس 2021 وده يمكن اقل شئ يتقدم للمرحله دي والناس اللي اتظلمت واتسرقت ودفعت اقساط .. ويا ريت كل اصحاب المرحله يشتغلو علي ده بطلبات عند رئيس الجهاز وعند الهيئه وعند الوزير ليكون جزأ ولو بسيطا من حق الناس دي عند الوزاره .. والامر متروك لكم ودمتم بخير ..

.