مساء الخير انا النهاردة ان شآء الله هتكلم عن المحفظة المالية (العقارية) لان فى… ب_

مساء الخير

انا النهاردة ان شآء الله هتكلم عن المحفظة المالية (العقارية) لان فى الفترة الاخيرة لاحظت سلبيات كتيرة لاشخاص كتيرة انضموا مع بعض لانشاء محفظة عقارية فى سبيل حجز اراضى لاطروحات هيئة المجتمعات العمرانية ان كانت اطروحات داخلية او بيت الوطن

لاحظت على سبيل المثال محفظة مكونة من 5 اشخاص و ربنا اكرمهم فى حجز 3 قطع اراضى.. و كل شخص من ال 5 بدا فى تسويق القطع مع وسيط معرفة.. اذا اصبحت كل قطعة مع 5 وسطاء و كل وسيط فيهم بيدى كل قطعة ل 5 وسطاء اخرين مختلفين.. ف اصبحت كل قطعة مع 25 وسيط.. يجى العميل اللى بيشترى يدخل السوق يلاقى قطعة فيهم عجبته و لكن بتتعرض عليه من الدكتور و المهندس لحد ميكانيكى سيارات.. فبديهى المشترى هيعتقد ان المالك (واقع) و عاوز يبيع باى طريقة.. و بدل مايكون التفاوض السعرى يتراوح ما بين 50 الى 100 الف مع عضو المحفظة يفاجئ ان المشترى بيتفاوض معاه فى 300 و 400 الف و فى الاخر الديل يبوظ ?
علشان كده نصيحة “عزز ارضك فى السوق و ماتعرضهاش الا على وسيط واحد”
دى سلبية من ضمن سلبيات كتيرة بتقع فيها معظم المحافظ ?

سلبية تانية و دى اللى بيكون فيها احراج للمالك و الوسيط قدام المشترى.. و هى ان بعد اتفاق عضو المحفظة مع المشترى على الديل و يباركوا لبعض يرجع عضو المحفظة يقول للمشترى او الوسيط (معلهش باقى المحفظة مش موافقين على الديل) قمة الاحراج ?

ده جزء بسيط من سلبيات المحافظ العقارية و الغرض من المنشور هو بعض نصائح لتصحيح مسار اصحاب المحافظ الجداد لو حبوا يعملوا محفظة ✅

اهم نصيحة
لو افترضنا ان المحفظة عبارة عن 5 اشخاص فلازم و ضرورى و حتما لازم يعينوا شخص منهم لادارة المحفظة (اكثر شخص فيهم امين و خبرة بالسوق و تقلباته و علاقاته و اختياره الوسيط الامثل فى تسويق اراضى المحفظة) اينعم مسئولية كبيرة على مدير المحفظة و علشان كده المفروض ياخد نسبة بسيطة من الارباح فى سبيل انه هيحقق اعلى عائد و استفادة لاعضاء المحفظة
لازم مدير المحفظة يكون عارف كويس جدا التوقيت المناسب لعرض قطع اراضى المحفظة اللى هتحقق لهم اعلى عائد..(مايجيش مثلا فى توقيت يطلب مليون و ربع فى ارض قيمتها السوقية مليون) ده فى حد ذاته غلط فى حق الارض و المحفظة
لازم مدير المحفظة قبل ما يعرض اى قطعة يسال اهل السوق اللى بيثق فيهم علشان يقدر يعرف قيمة ارضه الحالية كام.. مايسالش مالك لارض زيه..جايز يكون اللى بيساله اقل خبره منه فى قراءة السوق.. و اكيد المالك اللى بيساله هيقوله على قيمة اعلى من القيمة السوقية على امل انه يرفع اسعار السوق و هيضله بدون قصد

بالتوفيق و السداد فى خطاكم دايما و مع ارق تحياتى للجميع ان شآء الله ?

#التسويق_فن_مش_عنعن ?

.