عدم وجود مصمم جيد واشراف جيد وخبره وعمل تحليل تربه ودراسات من متخصصين للاساسات ف… خ_

متفق مع حضرتك مليون بالميه
بس لو حضرتك هتتكلم ع التصميم فمعظم الناس بيجيبوا مصمم كويس و منفذ كويس

انما نبص على الحته بتاع الجيوتكنكال فنسبة ٨٠ فى الميه مفيش حد بيفكر يعملها رغم انها تكلفتها لا تذكر بالنسبة لتكلفة الانشاءات

ماشيه فهلوة

ياباشا بتوع الجهاز اخدو فلوس المغتربين بالدولار وسابوهم يواجهو مصيرهم لابتزاز العرب ومواد البناء ولا مرافق المهم تدفع وبس موظف مرفق الميه دفعني فلوس العداد مرتين واستهلاك ميه اللي شاريها من العرب بالغلا ء موظف المرافق قالي ملناش دعوه ادفع وبس تقولي حضرتك تحليل التربه موظف قاعد في التكييف من فلوسنا مش همه حاجه تستلم الارض كويسه ولا خربانه ملوش دعوه عشان انا وانت بس فكرنا وأولادنا سنين غربتهم يدفعو سعر ارض عايز يعمل سكن لأولاده بالدولار ومفيش اي خدمات خلصانه

متفق

جبت الكلام ده منين هي زي التجمع

بلاش نلقي اللوم فقط علي بعض المنفذين للمباني
جزء كبير من المشكلة يقع علي الدولة
قبل ما يتقسم المشروع كان مفروض يتدرس اكثر من كدة
اماكن كثيرة في الحي الثالث و احياء اخري كثيرة مردومة من ٦ الي ١٠ متر و دة كانت لا تصلح للبناء و المفروض تكون منتزهات
ازاي الارض الطبيعية المنخفضة هتشيل المبني و ردم وزنة اكبر من المبني الا لو استعملنا اساسات عميقه

لما تكون الارض ناصية او علي حديقة الدولة بتاخد نسبة تميز
المفروض اما تكون الارض طفلة و بها عيوب ترفع تكلفة المباني يتعمل خصم في سعر الارض

اما تكون الارض منخفضة ٥ متر او اكثر عن الطريق يتم ترخيص البدروم دورين الدور السفلي جراجات و الدور المتوسط سكني كي نعوض صاحب تلك الاراضي المنكوبة عن فرق التكلفه

لا يوجد اشراف من الاجهزة علي مجريات العمل اثناء التنفيذ فقط عند المطابقة يتم مراجعة الاشياء الظاهرية و معظم المشاكل لا يعلم عنها احد للاسف القصور الشديد للاجهزة في متابعة التنفيذ لا يتناسب مع الاجراءات المشددة و العقيمة في مرحلة التراخيص و التي تستغرق اكثر من ٦ شهور

كثر الطروحات في الاراضي و الشقق سبب في ركود شديد في السوق و كل الملاك بيفكروا فقط في تخفيض التكلفة علشان يقدروا يسوقوا الشقق و يبيعوها

اسواء شيء موضوع الشقة الثالثة لقطع واجهات مما حول المبني الي مبني متوسط بدل فاخر
الي عاوز شقق صغيرة الافضل لة يبحث في القطع الصغيرة هتكون الشقق متناسقة و جميلة بينما الشقة الثالثة في القطع الكبيرة تاثيرها سيء علي الشقتين الاخرتين

تاخير ضخ المياة في بيت الوطن و للاسف اجبر بعض الناس علي توفير استعمال المياة و اهمال غمر الارض بعد الحفر و اهمال المعالجة لتقليل التكلفة

اما عن مشاكل المنفذين اقدر اذكر منها الاتي:

حتي الان لا اعلم السبب ان الناس بتنفذ معظم الاسقف بدون كمرات ظنا ان الفلات سلاب افضل
مع ان الافضل يكون في كمرات علي دوران المبني من الخارج و الفاصل بين الشقق و المناور و السلم تلك الكمرات تعطي متانه للمبني و تقلل الاهتزازات

لا اعرف لماذا البلكونات الطايرة تنفذ فلات و لا ننفذ لها كمرات ساقطه عند بداية البلكونة لمنع التورشن

اصرار شديد لتنفيذ المبني خرسانات علي المعلق مع ان الافضل لمنع الشروخ ان تتنفذ الجدران الخارجية قبل صب السقف كي تمسك الكمرات في المباني و نقلل الشروخ الفاصلة بين الكمرات و الجدران

اصرار شديد من الاهالي لعمل الجدران الخارجية سماكة نصف طوبة مما يتسبب في ضعف عزل الصوت و الحرارة مع ان الافضل ان تكون تخانتها ٢٥ سم و معمول لها عزل حراري بالواح الفوم المضغوط

دة بعض من الخواطر التي اتذكرها الان و اعتذر عن الاطالة

Akram Atef Sallam