صوره وذكري .. للناس الجديده اللي دخلت بيت الوطن مؤخرا بنقولهم الصوره دي كانت لاول طريق ترابي انشي في بيت الوطن وكان بالحي الاول حرف F من مدخل بيت الوطن الرئيسي من الحي التاني وانت داخل من شارع التسعين الشمالي وكان بمثابة فرح العمده وحلم ان المشروع بدأ .. والافراد معروفين بدون ذكر اسماء لكن هذكر الطفل الصغير ده زمانه راجل وشاب زي الفل خالد حمدي ابن المهندس حمدي فرج ربنا يحفظه .. وللعلم الايام دي كان كل طموحاتنا بيت لنا ولاولادنا .. اما الان والحمد لله اخدنا بيوت لكل سكان الكره الارضيه .. وفضل المشروع ده لا ينساه لا الداني ولا القاصي ومن خلاله كل الناس كسبت واتربحت من المشروع واغتنت كمان واللي يقول غير كده يبقي انسان مش مظبوط .. اما اللي هيقول انا تورطت وخسرت هقوله دماغك وفكرك السبب .. ومحتاج من الناس تبص للصوره دي والارض الصحراء اللي خلفنا بالصوره والحياه الجديده وان بيت الوطن اتبني وخلاص وفيه ناس سكنت دي لوحدها قطف ثمار والحمد لله .. وصباح الخير علينا كلنا وجمعه مباركه ..
فين المانجا ياعمده
فاكر من ايام الصورة دى وانا مستنيها
هذا الشبل من ذاك الاسد. حفظكم الله جميعا
بارك الله فيك مهندس علاء جمعان
اجمل الشي الصدق مع النفس
الجميع فعلا كسب
بيت الوطن خلق مننا عيله كبيره وتعاملات ماديه وثقه وتعارف وتقارب كبير والحمد لله وبقينا سند وعون للجميع والعكس صحيح
اي حاجة قيمتها بتزيد مع الوقت
Abd El Rahman Negm كسبت كام؟ قول واعترف
أصيل ياحج علاء
بارك الله فى الصحبه المخلصه
صباح الفل يا عمده
بالنسبه للمكسب والخسارة ، مش هتكلم عنها عشان انا لم ادخل بها ولا اعرف عنها شيئا
اما بالنسبه لان المشروع سكن لينا ولكل الكره الارضية فأنا اختلف معاك بنسبة ١٠٠٪
فين اللي ممكن نسكن فيه ؟
احنا دافعين من ٢٠١٤ وللان عربيتي غرست الاسبوع الماضي وانا بحاول اوصل لارضي
الفلوس اللي دفعناها بالشروع لو صرف من الهيئة ٤٠٪ بس كان زمان بيت الوطن وصل لمستوى اللوتس او افضل بكتير
معلش ، بيت الوطن عشان يوصل يبقى في مستوى القاهرة الجديده ، مش قبل ١٥ سنه من الان او اكثر ، على حسب
للاسف اكبر خديعه انا عن نفسي وقعت فيها
ادفع ١١٠ الف دولار من ١٠١٤ ولسه ارضي صحراء وحتى لا استطيع الوصول لها بسيارتي
طبعا انا بتكلم عن الحي التالت
ويا ريت محدش يقولي الحي التالت متأخر
اسف
كل بيت الوطن أتأخر لمصلحة العاصمة اللي وجهو فلوسنا ليها
تحياتي للجميع
قد يتفق البعض مع حضرتك لكني أختلف تماما ، هناك ناس كثيرة لم تستلم الأرض حتي الآن ودفعت 117 الف دولار من عام 2014 وحتي الآن لا توجد معلومات عن التسليم ،، طبعا الحي الثالث
الحمد لله وصباح الخير وجمعه مباركه يا عمده عليك وعلي جميع المسلمين
دي حقيقة و النهارده علي ارض الواقع
بارك الله لكل و حضرتك ياحاج علاء من الشخصيات الجميلة لم تبخل في يوم عن معلومه ولا مشوره الا وكنت بما يرضي لله بارك الله لك التوفيق والنجاح الدائم
ليت الزمان يعود يوما
ده فيه مستثمرين في بيت الوطن دلوقتي كانو في كي جي وقت الصوره دي?
الصورة كانت سنة كام؟
ورأي حضرتك ايه المكان هيكون صالح للسكن والواحد ينقل هناك كمان كام سنة
يعني يكون في حياه وناس ساكنة وبعض الخدمات الأساسية؟
ياحج علاء الحي الثالث مفيش اي اهتمام خالص تحس ان فيه تعمد من الجهاز بعدم الشغل والاهتمام خالص
اطيب قلب والله ❤️
ربنا يخليك وتعمر كمان وكمان
صباح الفل ياعمده وجمعه طيبه عليك وعلي جميع المسلمين
عندي سؤال لولبي حلزوني للناس اللي بتتنقد سيستم او تاخر اجراءات انتو كل واحد فيكم او اقل واحد اخد اكتر من 15 الي 20 قطعه وديتوهم فين !!! عملناهم مساكن للزلزال وساعدنا بيهم الناس ولا كسبنا ملايين الملايين وحطيناها بحساباتنا متخلونا نتكلم كلام واقعي ونقول بيت الوطن احسن مكان بالقاهره الجديده وبيت الوطن اتبني وطلع خلاص وفيه متأخرات فعلا وقصور لظروف كثيره بسبب مشاكل باقتصاد البلد وهيتحسن باذن الله لكن كل شئ هيتحل وكل شئ هيتغير ولو رجعنا لكل المدن القائمه كانت كده واتحسنت فالمفروض نفهم اننا مش في سويسرا او المانيا احنا في المانيا القمح وهنتحمل هنروح فين يعني !! فاسطبحو كده علي الصبح ونتكلم كلام بالعقل
انا اشتريت من ٢٠١٧ فعلا كانت كده بس للاسف يظهر النصب عليه ومش عارفه اوصل لها مع اني معي عقد نهائي من شركت البنت وشريه شقتين واحده كاش وواحده تقسيط وخلص التقسيط من ٣ سنين
والمره الوحيده الي رد عليه
من خلال المشروع ظهر مطورين وكبرو واشتغلو وناس من حاجزين بيت الوطن بقو مطورين ولولا المشروع ما حد فيهم كسب ولا كنا نعرفه اصلا وبالاسماء ..فالعقلانيه يا رجاله لان لساني فالت ?
محدش بيرد علينا ليه في شقق والسعر كام
الاصاله والرجولة ربنا يحافظ عليك في خدمه الناس
تحيا مصر ?? تحيا مصر ??
دائما فى تقدم ورقى وكل شئ فى الدنيا محتاج الصبر وجزاكم الله خير
علاء صالح حسين داوود
صاحب قطعة ارض فى بيت الوطن
احنا مغتنناش منها وفلوس الدكتور الله يرحمه ضاعت كلها فى صحراء جرداء بلا مرافق ولا باين لها اى امل ان حالها يتصلح لا عارفين نسدد ولا نبنى ولا نسترد اللى اتدفع شقى عمرنا ضاع كله حسبى الله ونعم الوكيل
مع الاحترام لحضرتك مشروع منجحش خالص—انا اشتريت فيه شقه فى 2017 ورجعتها فى 2018 بخساره للشركة لانى لقيت موضوع ملوش لزمة وانى لو قعدت عشر سنين مش هستلم—اى طريق اتعمل ده عشان يخدم ع كومباوندات الاوسطى–بدليل اى طرق داخليه فى بيت الوطن لازالت رمليه —مشروع من 8 سنين ولسه اكنه لسه بادىء امبارح
تستاهل كل خير يا عمدة