صباح الخير علي الجميع .. فيه تنويه مهم للناس اللي استلمت وسايبها خطابات تخصيصها … خ_

صباح الخير علي الجميع ..
فيه تنويه مهم للناس اللي استلمت وسايبها خطابات تخصيصها لسه بالجهاز المفروض تروح تستلمه لان الان العقاريه بتخلص الشغل يوم بيوم لان المرحله الجايه استلامات كتيره جايه فمش عايزين اي ورق يركن عندهم لاي مالك وكمان لو فرضا دخل عليك اي قسط او اي التزام مالي مش هيديك الخطاب فيا ريت نروح ناخد اوراقنا من هناك وابنك في بيتك يبان بره ليه !! ..
تاني حاجه الناس اللي واخده تأجيل اراضي لتاريخ معين مثلا 30/5/2021 وعند التاريخ ده الحاجز يقولك عايز اروح استبدل خطاب التخصيص فهنا العقاريه هتقولك لا لازم نرجع للمرافق الاول ان قالو الارض خلصت يبقي خلاص هيغيرلك الخطاب ويبقي نهائي كده معدش فيه تغيير .. اما لو المرافق قالت الارض مخلصتش العقاريه مش هتغيرلك حاجه الا لما الارض تجهز ويتبعت خطاب من المرافق تقول جهزت بالتاريخ المرسل للعقاريه وده للتوضيح عشان الناس تكون فاهمه .. وبرضو لو عليك اي التزام مالي مش هيغيرلك الا بعد التسديد ..
الموضوع التالت الناس اللي عايزه الغاء البدروم يا ريت كله يروح يقدم طلب بالجهاز للدراسه والموافقه او الرفض عشان يعرف يشتغل او يقدم رخصه بالوضع القديم او الجديد . . وعلي راي شعبان عبدالرحيم الله يرحمه بس خلاص ? .. وصباح الفل ..

.