صباح الخير عليكم جميعا
لو حد يعرف يفدني
سمعت بالصدفه ان تسليم الارضى فى MM الحى الرابع كان يوم ٤ يناير ولمن لا يستطيع فيه مهله من يوم ١١ الى يوم ٢٠ للاستلام ولانى مش موجود فى مصر بعت اخويا بتوكيل عام للاستلام الجهاز رفض تسليمه وقالوا لازم توكيل خاص بقطعه الارض من سفاره مصر فى برن
وتوثيق التوكيل من الخارجيه عملت التوكيل وابعت .وزاره الخارجيه قالت هما بطلوا يوثقوا التوكيلات
وانا مش عارف اخذ اجازه من الشغل قبل بدايه الشهر القادم
.حد عندوا فكره ايه الى ممكن يحصل وهل فيه غرامه تاخير .
مع العلم ان الجهاز لم يخبرنى كتابيا عن طريق الميل او البريد بتاريخ الاستلام
شكرا على الافاده
صباح الخير عليكم جميعا لو حد يعرف يفدني سمعت بالصدفه ان تسليم الارضى فى MM ا… خ_
شارك
التوكيل بيتوثق من مكتب توثيقات الخارجيه اللي ف مصر..ف مكتب ف هيئة الاستثمار ف صلاح سالم وف مكتب ف مصر الجديدة وبعدين بيروح بيه الشهر العقاري يعمله ايداع
علي حد علمي الغرامة بتكون بس علي سداد الاقساط ودفعة الاستلام مش علي اجراء الاستلام نفسه
التوكيل من السفاره
يحتاج التوثيق من الخارجيه بمصر ويتم ايداعه بالشهر العقاري ويستخرج منه نسختين طبق الاصل الجهاز بياخد نسخه بالملف
اخوك بيوثق فى الميرلاند مصر الجديده ويعمل ايداع فى الشهر العقارى
مش هيحصل حاجة انا رحت في الميعاد ادوني ورقة مكتوبة باليد وقالولي حول المبلغ ده في خلال شهر وابقي هات صورة التحويل وتعال
مش شرط يرسلوا ايميل بموعد الاستلام و بالنسبة للغرامة طبعا موجودة حتى لو رحت فى موعد المتخلفين اللى هما قالوه و لو سالت هيقوللك السيستم كده
مين قالك انهم بطلوا يصدقوا علي توكيلات من السفارة
حضرتك بتعمل التوكيل في السفارة وتبعته مصر يتوثق في مكاتب توثيق الخارجيه اللي في مصر
موضوع الاستلام مهم جدا لانهم ارسلوا خطابات بضرورة الاستلام او سحب الارض لحروف J k i h g واللي تم الاعلان عن تسليمهم الارض في شهر ٢٠٢١/١٠
بصراحة دا تعنت من الجهاز ألا يعتمد التوكيل العام الذي بموجبة يمكن للموكل إليه أن يطلق زوجة الموكل ولا يمكنه استلام قطعة أرض بإسم الموكل يعني مش بيع. متى يحس المسئولون بالمواطن. اللهم من ولي من أمرأمة سيدنا محمد أمرا فشق عليهم فاشقق عليه
المقصود بالتوكيل العام والخاص ليس بالمكتوب بصدر التوكيل
ولكن المقصود بالخاص ان يكون خاص بالارض وتفصيلها وليس توكيل عام عن امور اخري