صباح الخير : عايز اقول كلمتين لوجه الله وانا مبعرفش لا اجامل ولا اقول غير الحقيق… خ_

صباح الخير :
عايز اقول كلمتين لوجه الله وانا مبعرفش لا اجامل ولا اقول غير الحقيقه المجرده والتي احيانا تضر بمصالحي مع الهيئه وجهاز القاهره الجديده وناس كتيره بتزعل مني هنا هناك ومبعرفش اسكت علي ظلم او جور والكل يعلم ذلك وناس كتيره راكبه المركب وماشيين معانا و ماسكين العصايه من النص وخلاص عشان مصالحهم وكله ماشي ..
واللي هقوله بكل صدق في حق اتحاد المطورين لا يزيده الا شرفا بقيادة المهندس محمد البستاني ومجموعه من اجمل وانضف الناس التي تعمل ليل نهار في سبيل انجاح بيت الوطن الذي يحمل هموما وعبئا كبيرا علينا بسبب قوانين متداخله وقرارات متغيره من الهيئه او الجهاز وخوف موظف علي وظيفته والذي ويخلق منه روتينا يأذي الجميع .. انا ذكرت المهندس البستاني كرمز يندرج تحته اسماء كبيره وقامات محترمه ومجلس اداره لا يكل ولا يمل في البحث عن الصالح لهم وللجميع بالتبعيه وعلي سبيل الامثله لا الحصر ( اختراع الغاء الروف ) والذي تم بحمد الله ارجاعه لاصله بالامس وانتهت المشكله والحمد لله .. وهقول بالعربي اهو الروف موجود والتراخيص هتطلع كما السابق ومحدش يقولي يعني هنعمل روف !! .. فشكرا لاتحاد المطورين علي كل ما يفعله من جري وتعب واجتماعات وصرف هنا وهناك وميزانيات مرصوده لخدمة الاتحاد والحاجزين بالتبعيه ومش عايز اقول اسماء فكثيرا منهم يعمل بالظل ويخدم ولا يتواني في تقديم الدعم وكل واحد فيهم له دور بيكمل التاني لخدمة الاتحاد وبيت الوطن لكن هضيف حد ديما معانا وقائم علي حل المشاكل للجميع ( المهندس مختار الشقنقيري صاحب قطعة الارض الواحده ) والذي يرافقنا ايضا لحل وتذليل المشاكل العالقه وكمان حل مشاكل الافراد العاديه فيما بينها وبين الشركات شكرا مهندس مختار ..
وهقول كلمتين لتراخيص القاهره الجديده ..
مشاكل الجهاز كله عندكم بسبب عدم فهم الموظف لطبيعة عمله وكل واحد عمال بيجود من دماغه وفيه قصور كبير في قسم التراخيص وفيه مهندسين مش فاهمين والكارثه انه فاهم نفسه جهبز فيا ريت يكون فيه تدريب للفريق كله يا بشمهندس طارق حسانين لفهم طبيعة عملهم وخد كلامي علي محمل الجد ولن اذكر ما يقال عن موظفين تراخيص القاهره الجديده بالهيئه فالكلام غير حميد لذلك انصح بالفهم وتفسير القوانين بما يخدم الجميع ولا يخدم مصالح شخصيه وخدو كلامي نصح لاني بعد كده هكتب بالاسماء والمواقف ومحدش ساعتها يزعل مني .. اخر حاجه هقولها تاني يا ريت جهاز تراخيص القاهره الجديده ينضف نفسه اولا باول الا واذا الرقابه الاداريه واقفه ورا الابواب المغلقه واعتقد زاروكم بالامس . شكرا للجميع

.