#شكوي
ياولاد الحلال محدش يعرف حل المشكلة دي
علي الموقع الغبي
#المشكلة باختصار
الزوج أنشأ أكونت علي المنصة ، وأختار مشروعين
– مشروع ظلال
– مشروع جنة
بعد كده أستخرجنا رقم مدفوعة لمشروع ظلال 👌👌
وعند استخراج مدفوعة لمشروع جنة ، الموقع رفض
قولنا مفيش مشكلة ، نروح نسجل أكونت بأسم الزوجة ونسجل كامل بيانات الزوج وبيانات الابناء
اللي كنا لسه مسجلينهم في أكونت الزوج
نستحمل مفيش مشكلة
بعد كده حاولنا نحجز في مشروع جنة
( ظهرت الرسالة الموجودة في الصورة 🥹🥹 )
ماذا نفعل يا مسئولين يامحترمين 🤔🤔
الزوج حجز شقة في ظلال ، وحاليا لا نستطيع الحجز في مشروع جنة بأسم الزوجة 😫😫😫
✅ تفسيرنا الوحيد هو 👇👇👇
أن مشروع جنة مضاف كحجز في أكونت الزوج علشان كده لا نستطيع أضافته في اكونت الزوجة
مع العلم أنه لم يستخرج رقم مدفوعة لهذا المشروع
الحل الوحيد هو ( حذف مشروع جنة من اكونت الزوج )
لكن لا يوجد أيقونة للحذف 😨😨😨😨
🚨🚨 حقيقة
موقع مصر العقارية من أسوء المواقع التي تم طرح شقق عليه
أختيار سئ من وزارة الاسكان لهذا الموقع البغيض
فرحنا من البداية بسهولة التسجيل وربط الموقع بمنصة مصر الرقمية ،
لكن الجميع تفاجأ بعد كده بمشاكل كثيرة علي الموقع لم يتم حلها
ومسئولي الموقع في سبات عميق
أتمني كلامي هذا يوصل لسيادة الوزير م / شريف الشربيني
كفانا عبثا وأستخفاف بالمواطنين
وزارة الإسكان والمرافق والمجتمعات العمرانية
منصة مصر العقارية الرسمية الحكومية
خبر ومعلومة من وزارة الإسكان
رئاسة مجلس الوزراء المصري
الحل انه يتجوز تاني 🙄😅
نفس المشكله والله
نفس المشكله و تقولك حاجه لو راح دفع مش هيعرف يدفع الكود الي طلع غالبا بايظ. حصل معانا
فى حد قالى أن الاعزب ينفع يقدم على شقتين انما المتزوج شقه واحده . هو كلام مش منطقى بس فعلا المشكله مش بتحصل غير مع المتزوج.
يامعالي الوزير الموضوع بقي سخيف جدا جدا من موقع بنك التعمير القديم الي الموقع نفسه جديد الي منصة مصر العقارية تطور طبيعي لمجموعة فشلة اقسم بالله
نفس اللي حصل معايا للأسف 😡
حضرتك قولت المشكلة وشرحتها ومالهاش تفسير تاني
انت مش ملاحظ خبر ومعلومة من وزارة الإسكان ان كل حاجة جديدة في وزارة الإسكان وزارة الإسكان والمرافق والمجتمعات العمرانية 🇪🇬 عمرها قصير 🤦🏽 اولهم بنك الإسكان والتعمير وآخرهم منصة مصر العقارية 🤦🏽
شوف مافي مثل موقع مسكن صراحة نمبر وان الوزارة
هو المفروض معاد حجز الشقق امتي ؟؟ وهل هو بالاسبقية علي الموقع ولا ايه ؟؟
طلعت رقم مدفوعة لظلال وعدى عليه ٧٢ساعه من يوم الأحد الماضي لغاية دلوقتي الموقع مش راضي يطلع رقم مدفوعة تانى اى الحل ومفيش تعديل لمشروع تانى