#سكن_مصر_الشروق شكاوي من ملاك شقق في مشروع سكن مصر الشروق نفسي أفهم حاجة ما فائدة نواب رئيس الجهاز ؟ ما فائدة رئيس الجهاز في المدينة ؟ ما فائدة نواب الوزير للمشروعات ؟؟؟؟؟؟ هل الوزير محتاج يعمل جولات مستمره ب… ص_

#سكن_مصر_الشروق

شكاوي من ملاك شقق في مشروع سكن مصر الشروق

نفسي أفهم حاجة

✅ ما فائدة نواب رئيس الجهاز ؟

✅ ما فائدة رئيس الجهاز في المدينة ؟

✅ ما فائدة نواب الوزير للمشروعات ؟؟؟؟؟؟

✅ هل الوزير محتاج يعمل جولات مستمره بنفسه علي شغل الاجهزة ؟؟؟

العيب في مين 🤔🤔🤔

لما يكون مشروعات الوزارة بكل المدن الجديدة وشكاوي السكان بأستمرار من أهمال اجهزة المدن للمشروعات دي من 👇👇👇

١ – نظافة المشروعات

٢ – وجود الامن بالمشروعات الجديدة للوزارة

٣ – صيانة المرافق والمحافظة عن اللاند سكيب

هو مينفعش المواطن بعد ما يشتري شقة بملايين الجنيهات في المشروعات دي أنه يعيش في بيئة نظيفة أمنه ومكان متوفر فيه كل خدمات المعيشة

ياسيادة الوزير المهندس / شريف الشربيني

هل حضرتك عندك علم بمشاكل المواطنين مع أجهزة المدن

من المقصر في عمله ؟؟؟؟

🚨 وده كان نص شكوي مشروع سكن مصر الشروق 👇

🔴 من وراء الكادر: كيف زيّف جهاز الشروق الواقع في سكن مصر؟

بعد ما قدّم سكان سكن مصر الشروق عدد كبير من الشكاوى الرسمية في المنظومة الموحدة لشكاوى مجلس الوزراء بسبب الإهمال في الزراعة والصيانة والأمن والطرق والمظهر العام،
قرر جهاز مدينة الشروق الرد… بس بطريقته الخاصة!

يوم الخميس 23/10/2025،
نزل الجهاز على صفحته الرسمية صور بيحاول يورّي بيها إن في شغل وزراعة وإن كل حاجة تمام —
صور لناس بتسقي زرع، ومعدات بتتحرك، ومشهد كله حيوية ونشاط في تمثيلية هزليه بيحاول بيضحك بيها على المسئولين!
🔗 [https://www.facebook.com/share/p/1EXBmFWrrq/?mibextid=wwXIfr]

لكن الحقيقة؟
اللي حصل دا كان مجرد استعراض قدام الكاميرا، لا أكثر ولا أقل.
لأن تاني يوم مباشرة، الجمعة 24/10/2025،
السكان وثّقوا صور من نفس الأماكن بالضبط —
📸 زرع ميت، الحشائش مالية المكان، ولا في أي تغيير على أرض الواقع.

وده أكبر دليل إن اللي حصل كان مجرد “لقطة إعلامية” لتضليل المسئولين مش شغل حقيقي.

إحنا مش ضد الجهاز ولا ضد العمال،
إحنا ضد إن يتعمل شو عشان يتقال إن الدنيا تمام، في حين الواقع بيقول العكس.
والموضوع مش محتاج فلاتر، محتاج متابعة حقيقية ومحاسبة للقصور اللي كلنا شايفينه.

نطالب وزارة الإسكان وهيئة المجتمعات العمرانية بالتدخل والتحقيق في اللي حصل،
ومراجعة الصور على أرض الواقع بدل ما يتم الاكتفاء بالتقارير الدعائية.

الصور في البوست دا بتتكلم عن نفسها،
وكل السكان شايفين الحقيقة اللي الجهاز حاول يخفيها عن المسئولين في وزارة الإسكان وهيئة المجتمعات العمرانية.

#سكن_مصر_الشروق #جهاز_الشروق #كشف_التزييف #وزارة_الإسكان #هيئة_المجتمعات_العمرانية
#مش_عايزين_شو #عايزين_تنفيذ #الحقيقة_مش_بوست
خبر ومعلومة من وزارة الإسكان
وزارة الإسكان والمرافق والمجتمعات العمرانية
جهاز تنمية مدينة الشروق

.