رجاء بلاش هري كتير في موضوع الثلاث شقق لاننا قلنا الهيئه بتحمي نفسها وتقنن الوضع… خ_

تسعير عادل ليهم طبعا ومن وجهة نظرهم …لأن العدل لازم يكون فى مصلحتهم

حضرتك التسعير العادل للشقه الثالثة يجب ان يكون

١-علي اساس ان يكون الحساب علي باقي مساحة الارض لتصل الي ٩٥٠ متر وليس المساحة الكلية للقطعة

٢-تخفيض القيمة لسعر المتر لتكون ٢٠٠ ج للمتر كما كانت اول مره ولا ضرورة لزيادتها سنويا

٣- السماح بعمل ٤ شقق للمساحات ٩٤٠ متر وهذا كان طلب من اتحاد المطورين ولم يتم الرد عليه منذ عام

اولا. الشقة الثالث الافضل لها تكون في قطعة ناصية.
غير كده بتكون غير مميزة وشقق خلفية وبتاخد وقت في تسويقها

ثانياً. لعمل شقة ثالث في قطعة غير ناصية وغير مميزة..
بتم زيادة تكلفة المشروع بما يعادل ٧٠٠ الف جنية
في حين لو تم عمل عروض وخصومات يكون أفضل

ثالثاً. من الأساس في الاشتراطات وكراسة الشروط لمشروع بيت الوطن ان مافيش شقة ثالثة. وتخطيط حساب المرافق ان عدد معين من الناس في الفدان الواحد على ما اتذكر ١٢٠ فرد / الفدان.
وبناء عليه عمل البنية التحتية.

رابعاً. مشروع بيت الوطن الشيخ زايد مافيش شقة ثالثة خالص ولا في موافقات. وحصل مره واحدة وتم الالغاء.

خامسا. الخلاصة
الشقة الثالثة ميزة كبيرة فقط في الأراضي النواصي غير كده. مخاطرة.
حتى لو مساحة الأرض كبيرة
هتعمل شقتين في الدور
الشقة مساحتها ٣٠٠ متر مثلا
يبقى ٣٠٠م x ٦٠٠٠ سعر المتر = مليون و ٨٠٠ الف
تتعمل في نظام دفع محترم
وبتسهيلات كويسة.
وبثمن حق الشقة الثالثة. هتوفره واعمل خصومات. واشتغل
احسن ما تمشي في عشوائية إجراءات بتتعمل لتناسب أشخاص معينة..

سادسا. حسن السوق ولا حسن البضاعة.. الموضوع مش شقة ثالثاً الموضوع كثرة المعروض

وارجوا ان مشروع بيت الوطن
وخصوصاً بيت الوطن العاصمة الإدارية اكتر مكان الصورة الذهنية بتاعته ان في مشاكل كتير مع هيئة المجتمعات العمرانية.
ياريت الصورة دي تتغير
وبإذن الله تعالى المكان ده هيكون افضل منطقة. لكن ناس كتير بتتكلم وفي مواضيع كتيرة اووي
مره الواجهات. ومره الشقة الثالثة
ومره الاستلام الإداري.
مش عارف المشروع ده.
تم تخطيطه وادارته بواسطة هيئة المجتمعات. ولا تم تخطيطه وادارته عن طريق جروبات السوشيال مديا…

رائي يحتمل الصواب أو الخطأ