#دردشة
البوست ده أستثنائي ( طرح المغتربين ) بيتك في مصر
العمارة في مشروع ظلال بتتكون من ٢٦ شقة منهم وحدتين بنتهاوس وهو ( الدور الاخير )
#مشروع ظلال القاهرة الجديدة
موجود في الحي الرابع وهو من ضمن أحياء بيت الوطن
✅ بنتهاوس رقم ٢٥
ودي بتكون ٢٢٣ م شقة كاملة + ١٠١ م مساحة مفتوحة في الرووف
الشقة ال ٢٢٣ م ب ٧ مليون و ٧١١ ألف جنيه
الرووف ال ١٠١ م ب مليون و ٧٤٦ ألف جنيه
يعني حضرتك أجمالي البنتهاوس ب ٩ مليون و ٤٥٧ ألف جنيه
************************************************
✅ بنتهاوس رقم ٢٦
تتكون من ( ٢٢٧ م شقة كاملة + ١٠١ م مساحة مفتوحة بالرووف )
مساحة الشقة ٢٢٧ م ب ٧ مليون و ٦٩٨ ألف جنيه
مساحة الرووف ال ١٠١ م ب مليون و ٧١٢ الف
اجمالي قيمة البنتهاوس ب ٩ مليون و ٤١١ ألف جنيه
******************************************
#لك أن تتخيل أن قيمة شقتين بالرووف ب ١٩ مليون 🙄🙄
وأن قيمة قطعة أرض خالصة الثمن في الحي الرابع بالقاهرة الجديدة تقدر تشتريها بأقل من المبلغ ده وجاهزة للبناء
يعني لو شخصين من المغتربين بالخارج حجزوا البنتهاوس دول
وأختاروا البديل الاول أو البديل الثاني في المبادرة وهو سداد ٥٠ ٪ خلال ٥ أيام من الحجز
كل واحد فيهم هايدفع ٥ مليون قيمة ال ٥ ٪ في البديل الاول او الثاني وهايقسط ال ٥٠ ٪ الثانية
#لما يقدر مجموعة متناسقة مع بعض تقدر تشتري قطعة أرض في أحياء بيت الوطن المميزة وتبني عمارة كاملة واللي تتميز بعدد سكان أقل وكمان تشطب شقتك بنفسك وكمان تقدر تركن عربيتك في الجراج وكمان التكلفة هاتكون نصف تكلفة الشقة في مشروع ظلال ( ده التفكير السليم 👌🏼👌🏼. )
#يوجد فئة من المواطنين تفضل حياة الكمبوند من حيث أنه كمبوند مغلق وأمن وشقق متشطبة جاهزة
#هل مشروع ظلال هيكون فيه النقاط دي 👇🏼👇🏼
✅ ضمان جودة التشطيب وجودة تأسيس السباكة والكهرباء
✅ هل متاح لاند سكيب بالمشروع ؟
✅ هل هيكون فيه مواقف تكفي سيارات الملاك ؟
الأكيد أننا هنلاقي تنوع في الاختيار ما بين الاقتراح الاول وبين التقديم في مشروع ظلال حتي مع أرتفاع أجمالي قيمة الوحدة التي قد تزيد مرة أخري لو الوزارة طبقت بند الزيادة ال ٢٠ ٪ في طرح منصة مصر العقارية
#كل واحد مسئول طبعا عن قراره
بالتوفيق للجميع 🌹 🌹 🌹
#ظلال
#بيتك_في_مصر
وزارة الإسكان والمرافق والمجتمعات العمرانية
مبادرة بيتك في مصر “اختار عنوانك”
خبر ومعلومة من وزارة الإسكان
بالظبط ده اللي هيجنني، بشوف ناس كتير بتحارب علشان تلحق تحجز الشقق دي ، وانا هتجنن واعرف ايه اللي يميزها عن اي مطور عقاري له اسمه في السوق
يعني شقه ظلال التجمع هتقف عليك ب ٧ مليون جنيه بعد الفوائد
هفترض حد حابب يقعد في كومباوند، طيب ما تشوف مطور عقاري محترم له سابقه أعمال وتنزل تعاين المكان براحتك و تدفع وتكون ضامن انك خلاص حجزت شقتك وهتلاقي نفس السعر اللي الحكومه نازله بيه
بدون بقي توتر اسبقيه الحجز ، و تدفع جدية حجز ، و لو محجزتش تفضل دايخ وراهم مش اقل من ٣ شهور لحد ما تسترد فلوسك ، ده غير ان الحكومه ممكن تطبق عليك بند زيادة ال ٢٠% … انا نفسي اعرف ايه المميز في اطروحات الحكومه سواء المنصه العقاريه او بيتك في مصر للمغتربين ، ياريت حد يفيدني يمكن فيه حاجه مش واخد بالي منها
مشاريع نصبيه حتميه لازم مقاطعه للسرقه دي التكلفه عاليه بالنسبة للقيمه المقدمه
ظلال هو جنة بعدد البراكن المحدود والتشطيب الزبالة + سعر مبالغ فيه جدا جدا
واجهه مشروع ظلال التجمع هتكون نسخة من وجهه مشروع صبا 🙄
دا بالفعل اللي احنا بنعمله دلوقتي يا استاذ احمد عملنا في بيت الوطن التجمع الخامس مبادره شقه بسعر التكلفه ثمن الشقه وكمان المساحه اكبر من ظلال و ٣ مليون جنيه اللي عندهم ٧ مليون ونص اقل حاجه
مشروع مقلب وهتفهمو قد ايه هو مقلب بعد الاستلام 😅
كل ده بنسبالي عادي جدا
اللي مش عادي بقي أن شقق دي هتخلص مع اول ٥ دقائق من الحجز