#خواطر طبعا كلنا شايفين طروحات الوزارة اللي بيشوفها كثير من المواطنين ان سعرها غالي جدا وما يزيد كلفتها هي فوائد البنك المركزي الحالية بالاضافة لعمولة وزارة المالية ونسبتها ال ٢.٥ ٪؜ والتي يكون اجمالي الفوائد لمدة ٣ سنوا… ص_

#خواطر

طبعا كلنا شايفين طروحات الوزارة اللي بيشوفها كثير من المواطنين ان سعرها غالي جدا وما يزيد كلفتها هي فوائد البنك المركزي الحالية بالاضافة لعمولة وزارة المالية ونسبتها ال ٢.٥ ٪؜ والتي يكون اجمالي الفوائد لمدة ٣ سنوات او ٥ سنوات مبالغ مالية كبيرة

ولذلك ننصح المواطنين بالبحث عن بدائل اخري

علي سبيل المثال

طرح ظلال نازل في مدن القاهرة الجديدة والشيخ زايد الجديدة والشروق وحدائق العاصمة والعاشر من رمضان

كلها نازلة في أماكن بجوارها قطع أراضي بيت وطن مخصصة للمغتربين بنظام التقسيط علي ٣ سنوات

يعني يقدر مجموعة من المواطنين لا تتجاوز ١٠ أشخاص أنهم يشتروا قطعة ارض من الاراضي دي التي تقع بجوار مشاريع وزارة الاسكان ( هايدفعوا مقدم الحجز + أوفر ) والباقي هيكون تقسيط علي ٣ سنوات
وطبعا فيه قطع خالصة الثمن وكمان فيها رخصة يعني تقدر تبني مباشرة .

المجموعة دي تقدر تكون أتحاد ملاك وبناء قطعة الارض بالمشاركة فيما بينهم

الاكيد أن الشقة هاتكون واقفة عليك بنصف قيمتها في مشروع ظلال

#ما مميزات شقق أتحاد الملاك ؟

١ – أول حاجة مفيش كثافة سكانية في العمارة بحد أقصي ١٠ شقق في العمارة ، بخلاف مشروع ظلال اللي فيه ٢٦ شقة في العمارة

٢ – ليك حصة في الجراج وده حماية لعربيتك من أنك تتركها في الشارع او قدام العمارة وده هايحصل فعلا في مشروع ظلال والسكان فعلا لن تجد مواقف لسيارتها أمام العمارة 👌

٣ – أهم حاجة أنك هاتشطب شقتك بنفسك أو تحت عنيك بمعني أصح ( هتختار كل حاجة بنفسك ) وكمان تأسيس السباكة والكهرباء هاتكون بأعلي جودة 👌

٤ – فرصة أنك تبني في ظل أستقرار مواد البناء وتقدر تخلص العمارة في أقصر وقت ممكن متي توفرت السيولة
يعني تقدر تخلص العمارة في سنة او سنتين .

٥ – مفيش أي فوائد بنكية هاتتحملها ، يعني مفيش حد هايطلب منك تسدد أقساطك المتأخرة أو يسحب منك الشقة او ينزل عليك غرامات تأخير .

#الاراضي متوفرة في المدن الجديدة بوفرة
حتي مدن الصعيد فيها أراضي مخصصة لمواطنين ومستلمة وفيه لسه جاهز للاستلام

يعني المواطنين يقدروا بأنفسهم ينزلوا بالاسعار التي أتبعتها الوزارة في تسعير مشاريعها المستقبلية
وده هايعمل رواج بعد كده سواء في حركة بيع الاراضي أو بيع الشقق اللي انت مكلفها بأقل الاسعار وجودة عالية في التنفيذ وتبيعها بعد كده بهامش ربح مرضي ليك

*************************************

طبعا الاتجاه الاخر من المواطنين

هو التقديم علي أي شقق بتطرحها الوزارة مهما كان سعرها حتي لو هاتتسلم بعد ٣ سنوات أو أكثر

وفيه نسبة من المواطنين بتحب الشقق المتشطبة الجاهزة ومعندهمش روح العمل الجماعي في سبيل توفير مبلغ كبير من قيمة الشقة

وكمان النسبة دي بتحب المشروعات اللي بتكون كمبوند ولا تريد نظام الشقق في العمارات اللي بدون سور

ولذلك طروحات الوزارة هايستمر فيها التقديمات من المواطنين ، وفيه مجموعة قليلة هي اللي هاتنفذ الاقتراح الاول .

يعني كل الاذواق موجودة في السوق العقاري

#فكر وأحسب

موفقين دائما ❤️

خبر ومعلومة من وزارة الإسكان

.