حوار مطروح للمناقشة
انا بعمل دراسة بسيطة للسوق العقاري في التجمع
بصيت لقيت مطروح أكتر من 23 ألف قطعة
للعاملين بالخارج
غير عشرات القرعات الداخلية
معروض وجاهز للعرض وبيتجهز علشان يتعرض
ما يتجاوز ال190 ألف شقة
محتاجين 190 ألف مشتري
ويكون معاهم 220 مليار جنية
وكلهم عايزين يشتروا في التجمع بس
دوناً عن مصر كلها
فالرقم ده من الفلوس
والعدد ده من الناس هنجيبهم منين للتجمع
دا السؤال المطروح للمناقشة
واحد هيقولي دا البلد لمت وديعة ب200 مليار
في 3 شهور
أرد عليه بتلات حاجات
1//إن الفلوس دي مطلعتش من جيوب الناس للبنك
لا دي فلوس اتحولت من وديعة للوديعة العالية
2//الناس دي أكتر من مليون واحد
حتى البنك بادئ الوديعة بألف جنية و10/20 ألف
ودا مش عميل شقق
ثالث حاجه الوديعة دي مش طالعة من التجمع
دى معمول بيها ودايع من أكتر من 500 فرع
على مستوى مصر من مطروح للعريش
كل الكلام ده دار في دماغي
لو حد عنده رأي معارض نتناقش فيه كلنا
مع تحيات المهندس أسامة التهامي
كده حضرتك لازم تفكك من شغلانة السمسرة وتجارة الأراضي ، وتشوفلك شغلانة تانية .
يعني بعد البوست ده ، هنستغرب لما نشوف كل شوية بوستات لحضرتك طالب فيها شراء أراضي ?
حضرتك إحنا كلامنا مش متناقض مع بعضه
مش معنى كلامي إن السوق واقف
لا السوق شغال وفي حركة
بس بنقول للناس قربوا للسوق
علشان الدنيا تمشي
وصاحب الأرض يأخد فلوسه
والمكاتب تشتغل
و المستهلك النهائي يلاقي طلبه
وحركة رأس المال تنعش السوق
حضرتك متاكد ان دي دراسه ؟؟
لا حول ولا قوه الا بالله.
ًكلام مش مظبوط لان الشقق كلها بتكون اقساط لحد ٧ سنين
الحاجة التانية احنا بنتكلم فى بلد ١٠٠ مليون
الحاجة ٣ التجمع بيخلص شقق و اراضى اسعاره هتفضل فى ارتفاع