حكم مع إيقاف التنفيذ : صباح الخير علي الجميع .. حديثنا الان عن موضوع الثلاث شقق … خ_

حكم مع إيقاف التنفيذ :
صباح الخير علي الجميع .. حديثنا الان عن موضوع الثلاث شقق وقيمة العلاوه الموقوفه .. خلينا نشرح الموضوع شويه لان فيه ناس اكيد مش فاهمه الموضوع باستفاضه . ونقول ان الهيئه عندما طرحت اراضي بيت الوطن بمراحله كانت خططها الاساسيه وشروط الطرح تقول ان جميع اراضي بيت الوطن الي مساحة 949 متر تبني علي شقتين فقط واكثر من ذلك ثلاث شقق ولم نكن نعلم مدي السم في العسل وقتها من مستشاري الهيئه والمشكله ان معظم المغتربين وقتها لا كانو تجار اراضي ولا مقاولين ولكن كانت تحكمهم الفطره في حجز ارض للبناء لمستقبل اولادهم وبالمره استثمار وعندما بدأ التنفيذ للبناء وبعد ان استلمنا الارض في ظل حرب ضروس مع الجهاز ( محدش يسىئلني ضروس يعني ايه ) ? بدات الناس تشتكي علي ان المساحات كبيره وايضا الشركات وبدات الشكاوي والمقترحات والمهم .. طرحت الهيئه حلا للجميع بتسعير شقه تالته تدفع رسوما لها بعد مساحة 730 متر ورسوما بالمصري وليس تحويلا بالدولار او بمعني ادق فلوس داخله كموارد اخري زي الاسكان الاجتماعي اللي دفعناه وزي الواحد ونص مجلس امناء ومصاريف اداريه ? واستخرج الناس التراخيص علي ذلك وعلي هذا المنوال…
ولكن !!
ذهب احد الحاجزين الي المحكمه ليتضرر من موضوع الشقه التالته وحكمت المحكمه بعدم قانونية الدفع وارسل الي الجهاز الحكم للتنفيذ وطبعا الجهاز لا يصدر قرارات فهو جهاز يتبع الهيئه للتنفيذ وتسيير الاعمال والموظف طبعا يخاف انه يخالف مرؤسيه فارسل الجهاز استفسارا للهيئه لاستبيان مدي التنفيذ لهذا القرار وهل هذا القرار للتعميم علي الجميع ام لا ..
لكن هناك اعتراضات من الهيئه اولها ان الحكم فردي وثانيها انه لن يطبق القرار لانه من وجهة نظر الهيئه بيقول اتفاقي معاك علي شقتين انت جيت تاني عملت معايا اتفاق تاني وكانه عقد تاني غير شروط الطرح وانك وافقت ودفعت لذلك مش عايزين يطبقو القرار وتم ايقاف دفع رسوم الشقه التالته لحين البت من الهيئه سواء بالرفض او التعميم ولو تم رفض القرار وده احساسي ام سيتم سيتم الاستمرار بالموافقه علي الشقه التالته والاستمرار بالدفع او هيقلك لا هنديلك شقتين زي زمان فلم يتضح الوضع بعد .. والكارثه لو تم الاستمرار بالدفع اين التسعير احنا بقينا اخر السنه يعني كل ده مستنيين تسعير سنه فاتت !!! اعتقد بيستنو لاخر السنه عشان يجني الزيادات بالاسعار المرتبطه بالخامات وغيره وغيره .. فخلونا نشوف ايه اللي هيحصل مع المد والجزر بتاع الهيئه والهري الكتير والافتاءات اليوميه وصباح الفل .. ?

.