السيد المهندس / رئيس جهاز القاهره الجديده ..
رجاء انزل بنفسك ومر علي غرف التراخيص وراجع شغل المهندسين بنفسك ولو مره واحده بالشهر ودول تحت مكتبك وبلاش تسئل النواب ولا مساعدينهم لان النواب تعبو من مقابلة مشاكل العملاء ومحاولة حلها وزي محضرتك ديما بتزعق في الناس وتقولهم ان الرخصه بتاخد واحد وعشرين يوم وده مبيحصلش فهقترح عليك الاتي وهنطبق المثال ده علي مهندس عندك بغرفه 215 واسمه ياسر عفيفي وهقولك تعمل معاه ايه !!
1- شوفو بيراجع كام رخصه باليوم واللي بيراجعه ده كان استلم البوكس بتاعه بشهر كام !!
2- راجع الدفتر للرخص المتوزعه عليه بتاريخ كام وخلصها ولا لسه ..
3- وشوف معاه اسامي مين اللي بيراجعلهم هتلاقي شركه واحده عند الجهاز القديم وكل يوم معاه ..
4- شوف انتاجه من المراجعات اسبوعيا كلم رخصه وهل ده لنفس البنت اياها وعلي حد علمي البنت بتشتغل لناس تانيه وبيزنس خاص ليها هي بموافقته ..
5- شوف بيدي مواعيد للعملاء وبيلتزم بالمواعيد دي ولا بيرجع يقول لا انا مدتش الموعد ده ومحصلش فلو عنده زهايمر وبينسي هنسامحه خلاص بس رجاء نقله لقسم اخر الارشيف مثلا ..
6- شوف بيفضل في مكانه طول اليوم ولا لا او بيروح البنك مثلا او بيقضي مصالحه الشخصيه والمواطنين عادي ياكلهم قطر ..
7- رجاء التحقيق في موضوع البنت دي ولو مثلا ليها رسوم نروح لها عشان تخلص شغلنا وندفع افضل ما ننتظر شهور عند سعادة الباشا ..
8- لو محتاج نصورلك البنت يوميا عنده نصورها ونبعتلك الصور
9- ياسر باشا لازم تفهم ان العيون عليك وناس كل يوم بتدعي عليك لتعطيلك شغلهم وخلي بالك كل العيون عليك وعلي شغلك وربنا برضو رقيب عليك ..
اخر كلامي للمهندس عبدالرووف كل اسبوع هكتبلك السلبيات واسم الشخص وبيعمل ايه وباذن الله القادم بالصور اما التواريخ وغيره فدي عندك ..
كلام موجهه للهيئه ووزارة الاسكان والدكتور وليد عباس رجاء التحقيق في دهاليز القاهره الجديده وبالذات قسم التراخيص .. او ودو التراخيص للهيئه ونتعامل معاهم مباشر بعيدا عن البروقراطيه والبهدله والمنتفعين .. حرام الدوله مش محتاجه مننا ده المفروض مع الدوله والمواطنين يد بيد دولتنا محتاجه مننا الوقت والفلوس وقلوبنا تكون علي قلوب بعض ونخلص وننجز مصالح الناس عشان نعدي الفتره دي علي خير وامان باذن رب العالمين .. وحفظ الله مصر وشعبها بحفظه..
والسلام عليكم ورحمة الله ..
Hassan Fawzy دنتا علي ايامك كانت زي الفل كان موجود مع حفظ الالقاب رامي ومحمود ونيفين واحمد ابو جبل واسماء كتيره محترمه لا اتذكرها كانو بيشتغلو بضمير واكثر من الضمير انهم فاهمين ومكنلهمش مصالح مع حد وبندعيلهم في غيابهم والله العظيم
فيه أراضي كانت محفورة مهندس الجهاز ظبط مع شركة حسن علام وخلاها ترمي مخلفات الحفر بتاعتها في الارض المحفورة وزودها لحد ارتفاع متر ونص .
فيه موظفين مش مظبوطين وقولتله هات التصوير الجوي نشوف الارض كانت محفورة ولا لأ رفض.
أنا الدكتوره قايلالي متزعلش نفسك والعب رياضه ومتعلقش على بوستات للعمده
بس لازم تتكلم بقي كمان عن تفسير المهندسين بالجهاز للقرارات بشكل غلط
يعني ايه تاخد فرق منسوب ويقولك بس المشايه لا ملهاش فرق منسوب
مع ان المفروض المشايه هي الصفر المعماري يعني المرجع بتاع الشغل اللي العماره كلها بتتحسب منه
هنستفيد ايه لما نرفع منسوب الدور الارضي من غير رفع منسوب المشايه
اعقلوا الكلام واشتغلوا هندسه
اجهزه المدن محتاجه مراجعه ومراقبه وده رجاء للمهندس وليد عباس المحترم
لما أبو محمود يكتب الكلام ده وبالاسماء يبقى الكيل فاض وغرق الدنيا الله يكون في عونك يا حاج علاء
قاتل والله
معاك حق والله يا عمده بقت حاجه مستفزه جدا وشغل كله عك في عك???