السلام عليكم ورحمة الله وبركاته :
رمضان كريم علينا وعليكم جميعا وايامه عماله تجري زي صاروخ سكود ? ومع قرب نهاية ? رمضان اعلنت الهيئه عن الطرح الجديد اللي هوا بيعتبر مرحله ثامنه في بيت الوطن ويمكن البوست ده اول بوست للحديث عن المرحله ليا ولكن التليفونات اليوميه لا تنقطع كالعاده فكنت عايز اسئل الهيئه ورجالها احنا كل يوم بنسمع عن ان الطرح بعد اسبوع يعني سبع ايام ومبيخلصوش يعني علي اخر توقع انها نهاية الاسبوع القادم وبنهاية الاسبوع القادم يتبقي علي العيد اسبوع والاسبوع الاخير ده نصفه بدول الخليج اجازه يعني هنفتح يومين ولا تلاته وتسيبو الناس تاكل في بعضيها !! لان ناس هتنزل اجازات للعيد يبقي قبل العيد باسبوع .. طب وليه كل ده !! فالمفروض انك تعد وتجهز وتراجع وتظبط الموقع ابو تلاته شلن عشان يتحمل الضغط وقت فتح المرحله بدل ميفضل مقفول زي المرحله السابعه وتقول للناس حولو بدون اكواد وتبقي مليطه وتفتح الباب للشكاوي والمشاكل والافتاءات .. فاقتراحي نستغل الوقت اللي جاي قبل العيد في الاعداد الجيد وسد الثغرات وتظبيط الموقع مع وزارة الاتصالات عشان لو حصل مشاكل تاني زي المره اللي فاتت هتلاقو هجوم عليكم واستغاثات وقصص فليه متخليهوش بعد العيد افضل مليون مره من قبل العيد بكام يوم حتي عشان موظفينك يستغدو للضغط اللي هيحصل عليهم بسبب المرحله ومشاكلها وحلها مع الناس والحاجزين .. واللي معايا في الرأي ده يبعت ايميلات علي ايميل الهيئه ويطلب ان المرحله تكون بعد العيد مباشرة وكمان لان فيه ناس بتنزل تعيد مع اهاليها وبتمشي بعد العيد فهكتب ايميل الهيئه للارسال عليه للي موافقني الرأي للمطالبه بفتح المرحله بعد العيد لانهاء الجدل وننهي قصة بعد سبع ايام دي ونقتلها قتل …والله يرحم عبدالوهاب لما كان بيقول سبع سواقي بتنعي علي اللي حظه قليل .. ?
ايميل الهيئه : ( BAYT-WATEN@mhuc.gov.eg )
شكرا جزيلا ورمضان كريم ..
السلام عليكم ورحمة الله وبركاته : رمضان كريم علينا وعليكم جميعا وايامه عماله تجر… خ_
شارك
الطرح بعد العيد مباشره ناس كتيره مش هتعرف تقدم لانهم هيكونوا اجازة في مصر و الطبيعي الناس بياخدوا اسبوع او اسبوعين بعد العيد علي الاقل… الافضل تفتح الاسبوع القادم قبل مالناس تنزل اجازة لان غالبا ضغط التحويل بيكون اول يومين او تلاته بالكتير فبالتالي هتخلص قبل العيد بفترة كافيه.
او تتاجل بعد اجازه العيد باسبوع او اتنين انما بعده مباشره هتبوظ اجازات ناس كتيره
تم
معاك
هو فيه مشكله لو الهيئه تنزل تنويه عل الموقع تقول كلمتين تريح الناس إمتى فتح الموقع وإمتي بدء التحويل….. صعبه دي؟
وياريت بالمره يجهزوا معاها المرحله التكميليه وتكميلية التكميليه
رأي محترم واحنا في رمضان عايزين نتمتع برمضان والعيد الله عليك يا عمده معاك قلبا وقالب❤️❤️❤️
الله ينور يا حاج علاء ??
هي الناس لسه عندها ثقة في الهيئة المفروض الناس تقاطع
لا اعتقد ان هيكون في اقبال شديد علي المرحلة مما يسبب الاضطراب او التخبط
الظروف اختلفت اخر ٣ سنوات تماما
ظهر للغالبية سوء التخطيط و الادارة من قبل المجتمعات العمرانية و الاجهزة
كم محترم من المصريون بالخارج متعثرون ماديا و لن يستطيعوا المشاركة
كم محترم من التجار داخل مصر الي اشتروا قطع متعددة في الطروحات السابقة حالتهم المادية صعبة و عندهم مشاكل في الكاش
حكايه طرح شقق و فيلات من المجتمعات العمرانية و بشكل مستمر بتعمل احباط للمطورين الصغار
بالطبع في ناس هتشترك و تحجز لكن لن يكون هناك الزخم الي حدث في المراحل السابقة
الامور اصبحت اكثر وضوحا و الجميع يعلم
كلامك صح عين العقل والله
سؤال يا حاج علاء ليه اشترى ب ٤٥٠ دولار فى بيت الوطن وهستلم لسه بعد كام سنه لما ممكن اشترى معروض من المراحل السابقه وب ٣٢٠ دولار
ايه المغزى
الهوامير كانوا في بنك مصر ?? بيتفقون علي نظام المرحلة
بس الموضوع الان مصلحتة غير واضحة فالاتفاقات غير واضحة
وموضوع الشهرين عامل مشكلة
لو بعد العيد ، المفروض تبقي بعده باسبوعين عالاقل
اللي بينزل اجازه مبينزلش ثلاث ايام ويرجع
وربنا يجعله عامر
M
كلام مظبوط جدا وعين العقل فعلا والموعد المناسب لما بعد العيد
الموقع هيتفتح نص الليل تجنباً للفضايح اللي حصلت في السابعة
اجازة البنوك في منطقة الخليج بتكون في الأسبوع الأخير من رمضان وكمان مشكلة تأجيل تنفيذ حوالات السعودية ٢٤ ساعة .
إلا المرحلة التاسعة هتكون امتى يا ابو محمود ؟???
Alaa Jamaan
افتكرت الدقن الله يرحمه . لما كله يضرب امال مين الي هاينضرب . المشكله مش في الحجز . ابسلوتلي المشكله فمين هايشتري في الظروف دي السيوله انسحبت في 18% في البنوك والي معاه دولار كنز خايف يفرط فيه لأن واضح أن الي جاى حمادات مش حماده واحد وارتفاع تكاليف مواد البناء لارقام فلكيه ولسه كمان الله يستر هايخلي ناس كتير تحجم عن شراء الأرض . ربنا يستر
صباح الفل ياعمده
م
اولا ممكن يكون التعليق بتاعي يزعل ناس. لكن ده الواقع الحقيقي
ثانيا. بيت الوطن دخل في مراحل صعبة لان مافيش مصلحة عامة
للمشروع كلها مصالح خاصة
ثالثاً. ودي الزيتونة بتاعت الموضوع.. المشروع ده
الملاك او المغتربين بتبيع الأرض باوفر وده حسب كراسة الشروط
لا يجوز إلا بعد سداد كامل الثمن
لكنها ماشية عشان دي المصلحة. والهيئة عارفة وساكته
ولما يكون حاجة عكس المصلحة نبدأ نفتي ونزعل الناس فيقفلوا عليكم المصالح
والكلام يكتر بعد كده
حقك تتكلم عن المرافق وتاخرها. غير كده
الغلط هيجي على الملاك الأراضي
لأنهم اصلا بيكسبوا بالبيع الأراضي
دون سند قانوني.. وكان هيحصل إجراء ضد الموضوع ده… لكن ربنا ستر والدنيا ماشية
ف لا تأمرون الناس بالمعروف وتنسوا أنفسكم
كما قال الله تعالى
رابعاً. الدليل المرحلة السادسة امتداد النرجس. مافيش فيها كلام كتير ولا لغط… ليه؟
عشان الكل كسبان..
خامسا. لو تم طرح اراضي في إمكان كويسة فيها إعمار كويس طرق ومحاور رئيسية..
اللي محتاج أرض لسكن يتفضل
هتكون اول مالك. وهتستفاد
عشان متوقع يتم وقف بيع اراضي تاني للافراد. الدولة محتاج دولار
اللي مش عايز يسكت مش يفضل يتكلم ويقول بلاش وخسارة
عشان عنده أرض في المراحل السابقة وخايف يخسر.
وهو بيستعد لدخول المرحلة الجديدة.. وانا عارفهم منهم ناس بتعمل كده
سادسا. اللي مش عايز يدخل كسبان.. واللي هيدخل كسبان
أخيرا. الكلام الكتير بيخسر ناس كتير
رائي يحتمل الصواب او الخطأ
توقيت سئ و ادارة سيئة. اللة يعين الناس
يا حاج علاء أعتقد حالة السوق والتضخم إللى موجود وإرتفاع أسعار البناء ولسة فى ارتفاع قادم لا محالة هيخلى الإقبال ضعيف وبعدين ليه أروح أشترى بسعر غالى للمتر مع إن المعروض من الطرح القديم كتير جدا وفى شغل بدون أوفرات يعنى بالمدفوع فقط وكل عام أنتم بألف خير Alaa Jamaan
متميز كالعاده يا عمدتنا
الموضوع لا توقيت ولا غيره ولا احتياج اراضي للمواطنين ولا سياسه ولا خطه …
الموضوع احنا محتاجين مليار او اتنين دولار يا هيئه ..
نزل طرح بالقيمة دي .. طيب و المرافق و القرار بتاع امتناع بيع للافراد
ابقي اسأل المراحل السابقة
هو لسه فيه حد عنده نيه يشتري في ظل الاسعار الغير طبيعية اللي احنا فيها وبعد اللي شافوه من الاهمال المتعمد في اراضي الخدمات والمرافق والخدمات العامة بسبب كساد مشاريع الهيئة والعاصمة ولغاية ما يعرفوا يتصرفوا في الشقق اللي الناس متكعبله فيها
هو مش برضه ممنوع بيع اراضي للافراد واللا هم نسيوا القرار!!؟؟