الساده ملاك بيت الوطن .. السلام عليكم ورحمة الله وبركاته ..
الموضوع :
بخصوص تحويل الدور الارضي الي جراجات والغاء البيزمنت لتفادي مشاكل المطر وزيادة دور زياده يحل محل الرووف والغاء البدروم فقد تقدم البعض بطلبات الي رئيس جهاز القاهره الجديده للحصول علي هذه الميزه وقد وافق رئيس الجهاز علي ذلك بقرار رقم 296 بتاريخ 12/4/2021 بشرط تكوين لجنه مختصه لدراسة الموضوع من كل جوانبه وتحديد الاماكن التي ينطبق عليها ما ورد بخطاب الهيئه الي جهاز القاهره سابقا وهذه اللجنه مكونه من :
1-المهندس طارق حسانين رئيسا للجنه
2- السيد المهندس مدير ادارة المساحه
3- السيد المهندس مدير ادارة الطرق
4- السيد المهندس مدير ادارة المرافق
وعلي من يرغب بتحويل الدور الارضي الي جراجات والحصول علي هذه الميزه التقدم بطلبات بخصوص ذلك الي جهاز القاهره الجديده من الاحد القادم باذن الله او بعد عيد الفطر وكل عام وانتم بخير وسعاده .. وشكرا للجميع ..
بارك الله فيك وفي مجهودك ياعمدة
الله ينور يا عمدة وربنا يبارك فيك ويباركلك
اهى دعوة في ساعة الافطار
قولنا بقي القرار دا يسرى علي تكميلية جنوب السويس او لأ
يعني ممكن نعمل الدور الارضي جراج ونعمل رووف برضوا؟
قرار جميل بس في حاله تطبيقه يبقي يلغي البدروم ولايصبح اختياري حتي يصبح ارتفاع كل العمارات ارتفاع واحد
علاء بك كل عام وانتم بخير
يرجى ابداء الرأي نحو مميزات وعيوب التحويل من عدمه وايهما تفضل
حضرتك عارف ان رائيك مهم لينا نستفيد منه
عقبال ما يوافقوا على قرار الهيئه في عدم توحيد الواجهات لكل حرف
والله انا شايف توحيد الواجهات لكل حرف حاجة كويسة. نبقي زى كمبوندات العاصمة الادارية.
ويتبقي ان يكون التصميم ناجح وفريد لكل حرف او حى
طيب الصح ايه افدنا الله يباركلك
القرار عندي وكل ما فيه بس مش عايز انشره لكن كتبت ما جاء فيه بللضبط ولا اريد نشره كصوره .
كل سنه وحضرتك بالف خير ويارب نشوف حضرتك ع خير
هوه فعلا الدوبلكس ممنوع ف بيت الوطن؟
تتوالى الاخبار المطمئنه فى الشهر الكريم ربنا يباركلك ياحاج علاء
بما أن تم تحديد لجنه لتحديد المناطق التى تحتاج إلغاء بدروم ليه الناس كلها تقدم المفروض المناسب عندهم ومناطق السيول محددينها يبقى ينزلون اعلان بالمناطق دى أو يكون التطبيق شامل للكل بيت الوطن وده أفضل علشان توحيد الشكل المعمارى
تسلم
يعني ممكن شوية يقدموا يتوافق عليهم والباقي لا ، كدة المنطقة هتبقى عشوائية لازم التنظيم من عندهم ويتم الموافقة على مناطق بالكامل
يعنى الجهاز قبل الكلام ده ولسة قافشين فى توحيد الوجهات ??♂️
اعتقد ان شارع ٤ وشارع ٣ واول الشارع ٣ واخره ٤ علشان منزل الدينا مش هتبقى لطيفة خالص
بلاش نقول عشوائيات بس المنظر هيكون غير مريح للعين ( سيء )
وبالحالة ديه الاختلاف الكامل هو الحل بمعنى اختلاف وجايه الوان و ستايل وكمان اختلاف الاسوار مهم جدا فى الحالة ديه وده برضه عكس قرار الهيئة للاسف ??♂️ لنا الله
طبق القرار بس يكون على المنطقه كلها
افضل حل لمشاكل البدروم ومياة الامطار
الله ينور يا حاج علاء و كل سنة وانت طيب
شوية شرح يا عمده
بلاش اسلوب الهيئه ده??
هل هينطبق ع بقية المدن مثلا دمياط بالاخص للاراضي اللي عل البحر
الله ينور يا حاج علاء وكل عام وانتم بخير تقبل الله منك صالح الاعمال
الله ينور ياعمده
دايما معاك الاخبار الحلوة ياحاج علاء
الموافقه دي تشمل شمال الرحاب ولا لأ
علي بركة الله شد حيلك يا حج❤️
مجهود عظيم، بارك الله فيك
هل ده معناه ترحيل الروف فوق الدور الزياده ولا هيتم الغاء الروف
الله ينور
خبر مفرح جدا
كل عام وانتم بخير
الله ينور يا عمدة بيت الوطن شد حيلك معانا
يعني حضرتك
؛؛ الدور الارضي اللي اصبح علوي هيستفيد ب١٠٪ زيادة بروز ويضيع علي المالك ٢٥٪ الروف معرفش كان منهم الشخشيخة والاسانسير واللا مش من ضمن ٢٥٪ خدمات
؛؛ الجراج في البدروم كان ممكن يبني علي مسطح كامل الارض ولكن الجراج في الارضي هيبني علي نصف الارض
؛؛ المناوفر في البدروم بتشغل مساحة في الحركة ولكن جراج الارضي هيحتاج مساحة اقل
؛؛ الحديقة مع البدروم مساحتها اكبر منها لو الجراج ارضي
؛؛ وجوب الاستغلال الجيد لديكور واجهة الارضي الجراج لعدم تشويه الشكل العام
؛؛ ايه تاني؟
الحى الرابع حرف d اعتقد ان المنسوب منخفض عموما هل منطقى تقديم طلب والا هيكون مسموح بالفعل وكل عام وحضراتكم بخير
مميزات الغاء البدروم
١- حل جزرى لمشكله غرق البدروم اثناء الامطار و اللي فعلا بيعاني منها احياء بالتجمع.
و بالتبعيه توفير عمل بامب غاطس و النزح و غيره من المشاكل.
٢ – ارتفاع قيمه الدور الارضي( اللي مش محبوب عند بعض العملاء ) نظرا لارتفاعه ٣ م عن الاسفلت.
٣- سهوله و مرونه في حركة السيارات اثناء الركن.
٤- توفير مبلغ معقول للحفر. ( خصوصا القطع اللي منسوبها نفس منسوب الاسفلت )
العيوب
١- الغاء الروف ( مش عارف تحسهم بيعاندو – خد دي ، هات دى ) ،
٢- بعض القطع هتحتاج احلال و اللي يصحبه دك طبقات ٢٥ سم و اللي هيكلف طبعا ، لأن منسوب اعلي القواعد هيبقي تقريبا نفس منسوب الاسفلت،
٣ – الغاء ميزه الحديقه للدور الارضي، و الحل لمعالجتها زراعه مناطق الردود علي حساب كل السكان و الاستفاده منها لكل سكان العماره و ليس الارضي فقط.
و الباب مفتوح للنقاش
و الله اعلي و اعلم
الف شكر لحضرتك على مجهودك لبيت الوطن .
الناس الي سالت ع موضوع البدروم افضل انه يتلغي او لا
وهل الافضل نطبق قرار رئيس الجهاز في تعلية دور
دا رأيي ومن وجهة نظري كمسوق عقاري ومهندس تنفيذي
هنقول المثال الاتي علي قطعة مساحتها ٦٠٠م٢ ودي اغلب مساحات بيت الوطن وتقدر حضرتك تقيس عليها ؛
بص هنحسبها بالمساحة ( ف الحالة بتاعتنا دي)
بدروم = ٤٠٠ م تقريبا فيما فوق
ارضي = ٣٠٠ م
٣ متكرر = ٩٩٠ م
غرف سطح = ٧٥ م
الاجمالي المساحة المبنية =١٧٦٥ م
في حالة القرار دا
ارضي = ٣٠٠ م ( وع الاقل هيروح ٧٥٪ منه جراج ومدخل العمارة )
٣ متكرر + دور زيادة = ١٣٢٠
لايوجد غرف سطح ولا يوجد بدروم
اجمالي المساحة المبنية = ١٦٢٠ م٢
ارجو ان اكون افدت
م/ محمد ابراهيم
للتواصل: ٠١٠٠٧٧٦٦١٦٢
٠١١١٢٢٢٠٧٣١
مدني مصر للمقاولات
https://www.facebook.com/01007766162m/
قرار غلط
عشوائيه ممنهجه من اشباه مهندسين
تمام
للأسف الحل دا هانخسر فيه دور الرووف تماما … وكمان مساحات الردود بدور الجراج مش هاتتسقف … وكمان الأرضى ( اللى بقى أول ) هيكون من غير حديقة ولا مدخل خاص … فكر كويس بس محتاج يتطور ويتعدل
الله ينور يا عمدة ،
هل نزل ضوابط واشتراطات للموضوع ؟زي ارتفاع سقف الجراجات وارتفاع ارضية الجراج عن الشارع وفي اي منطقة يمكن عمله ؟
الفكرة دي موجودة باماكن كثيرة و منها عمارات زهراء المعادي
و فعلا جميله و جراجات سهله