استفسار وياريت الرد عن تجربة او معلومة اكيده لو حولت مبلغ الحجز المبدئي وحد غير… د_

اولا لو حد حوالته وصلت قبلك وحجز القطعه انت بيكون عندك اختيار تحجز قطعه تانيه من كل القطع المتاحه وده بيحصل مع اغلب الناس.
ثانيا لو حبيت تسترد فلوسك بصفه عامه الاسترداد بياخد في المتوسط من ٣ ل ٦ شهور انت ونصيبك.
ثالثا الفلوس بترجع دولار زي ما هي مع خصم مصاريف التحويل بتكون في المتوسط من ٤٠ ل ١٠٠ دولار حسب البنك اللي انت محول منه والبنك الوسيط.
في ناس بتقول ان استرداد الدولار بيتم حسابه على معادلة التثبيت وسعر الصرف وده كلام انا مش عارف الناس جايباه من فين، انا بقالي سنين في بيت الوطن وعملت استرداد لنفسي اكتر من مره وعمر ما ده حصل معايا او مع حد من معارفي الكتير ذوي الخبره في بيت الوطن.
معرفش المعلومه دي جات من فين ! اما حد طلعها اشاعه ونشرها وسط الناس او يمكن فعلا يكون موظف من موظفين الهيئه عمل كده مع بعض الناس، لكن مش ده الطبيعي.

حضرتك لو احد آخذ القطعه بسبب سرعة التحويل بعد ماينزل المبلغ علي حسابك بالموقع بعدها بتدخل تختار قطعة اخري مميزه من المحجوز مبدئ او متاحة بعد اختيارك ب ٥ دقائق بيجي أميل تأكيد الحجز علي القطعة الجديدة

الاسترداد بيتم علي نفس الحساب المحول منه بنفس القيمة الدولارية ، من غير اي معادلات تثبيت بس بيتخصم رسوم التحويل ،، لو محول من حسابك في البنك بيرجع لحسابك في البنك ولو محول من صرافة بيرجع لحساب الصرافة باسمك وهم بيتصلوا بيك تروح تستلمهم ،،،،، الاسترداد بيتم بعد انتهاء المرحلة لو انت محجزتش حاجه بديلة لان ممكن القطعة المحول عليها حد تاني ياخدها ويكون ليك نصيب في حاجه كويسه لسه متاحه